2 Bakalenga 21:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Yeye wakashila bintu bionso bia mu diulu bioshelu mu biendedi bibidi bia mu nsubu wa Yehowa.

MUKANDA WA MYIDI MUKULU

⁵ Pashishe, bintu bia mu tshibuashibuashi, Menashe kubashila bilambuilu mu mbanza ibidi ya ku nzubu wa Mvidi Mukulu.

2 Bakalenga 21:5 ပူးပေါင်းရင်းမြစ်များ

1 Bakalenga 6:36

Bakenza tshiendedi munda mua nsubu, bakatshienza ne mabue masonga ne mitshi ya cèdre.

1 Bakalenga 7:12

Tshiendedi tshinene tshiakadi ne milongo ya mabue masonga isatu ne mulongo umue wa mitshi ya cèdre; bu tshiendedi tshia munda mua nsubu wa Yehowa ne mbalanda wa nsubu kabidi.

2 Bakalenga 23:12

Mukelenge wakashimbula bioshelu biakadi ku mutu kua nsubu wa Ahaza, biakenza bakelenge ba Yuda; ne bioshelu biakenza Manashe mu biendedi bibidi bia mu nsubu wa Yehowa; wakaubutula, wakela lufuishi luabi mu kasulu ka Kidelona.

2 Bakalenga 23:4

Mukelenge wakela dî kudi Hilekiya, muakuidi munene, ne kudi bakuidi ba mu mulongo muibidi ne kudi balami ba nsubu bua bobo bumushe malonga onso a Bâla ne a Bashela ne a kutendelela nʼau misumba yonso ya mu diulu mu nsubu wa Yehowa; wakayosha ku mpenge kua Yelushalema mu madimi a ku Kidelona; bakaya ne butue buabi ku Betele.

2 Bakalenga 23:5

Wakumusha bakuidi batendeledi ba mpingu, bakasungula bakelenge ba Yuda bua kuoshabo musenga wa manananshi mu bitendelelu bia ku mikuna bia mu misoko ya Yuda ne ku miaba yakanyungulula Yelushalema; wakumusha bakuidi bakadi boshela Bâla ne diba ne ngondo ne mitoto ne misumba yonso ya mu diulu manananshi.

2 Bakalenga 23:6

Wakumusha luhingu lua Ashela mu nsubu wa Yehowa, wakaya nʼalu ku mpenge ya Yelushalema ku kasulu ka Kidelona, wakaluosha ku kasulu ka Kidelona, wakalubutula bu luhuishi, wakela luhuishi ha nkita ya bantu ba tshianana.

2 Kulondolola 33:15

Yeye wakumusha nzambi ya bende ne luhingu luakatekeye mu nsubu wa Yehowa, ne bioshelu biakaseye ku mukuna kuakadi nsubu wa Yehowa ne mu Yelushalema, wakabimasha ku mpenge kua musoko.

2 Kulondolola 33:5

Wakashila bintu bionso bia mu diulu bioshelu mu biendedi bibidi bia mu nsubu wa Yehowa.

2 Kulondolola 4:9

Bualu bukuabo kabidi, wakalongoluela bakuidi tshiendedi tshinene; wakenza bibi bia tshiendedi, wakalamika tshiamu tshia mitaku ha mutu hahi.

Yezekiyele 40:28

Hashishe yeye wakalua nʼanyi ku tshiendelu tshia munda mua ntempelo, uyilamu ku tshibuelelu tshia ku luseke lua sude. Wakidikisha tshibuelelu atshi ne luidi luakidikishileye nʼalu bikuabo,

Yezekiyele 40:32

Hashishe wakalua nʼanyi mu tshiendelu tshia munda ku luseke lua ku esete; wakidikisha tshibuelelu tshia munda bu muakidikisheye bikuabo,

Yezekiyele 40:37

Mbalanda watshi wakatangilangana ne tshiendelu tshia mu lubanza; bifuanyikishi bia mabue a ngashi biakadi ha biluwa biatshi, ku luseke elu ne ku luseke lukuabo; ne tshibandilu tshiatshi tshiakadi ne bidiatshilu muanda mukulu.

Yezekiyele 40:47

Wakidikisha tshiendelu tshia munda, bule buatshi coudées lukama, butshiama buatshi coudées lukama, nseke yatshi yonso yakadi luidi lumue; ne tshioshelu tshia milambu tshiakadi ku mpala kua nsubu wa tshitendelelu.

Yezekiyele 42:3

Buludiludi ne muaba wawa wa coudées makumi abidi wakadi mu tshiendelu tshia munda mua ntempelo, ne buludiludi ne nshila mulongolola ne mabue hanshi ne munyunguluke tshiendelu tshia ha mbelu, tshitadikilu tshia nsubu muisatu wa mulu tshiakadi tshitangilangana ne tshia nsubu wakadi buludiludi nʼandi

Yezekiyele 43:5

Nyuma wakangambula, wakalua nʼanyi mu tshiendelu tshia munda, ekumona! Butumbi bua Yehowa buakusha ntempelo tente.

Yezekiyele 44:19

Hahatukabo bua kubuela mu tshiendelu tshia ha bule, bua kusangakena ne bantu bakuabo, bavule bivualu bidibo baluata bakuatabo mudimu mu ntempelo, babiteke mu nsubu yaya ya tshijila; baluate bivualu bikuabo, bua kabavuishi bantu bakuabo bu ba tshijila ku bivualu biabo.

Yezekiyele 8:16

Wakalua nʼanyi mu tshiendelu tshia munda mua nsubu wa Yehowa; ekumona! Ku tshibi tshia ku ntempelo wa Yehowa, hankatshi ha mbalanda ne tshioshelu, kuakadi balume bu makumi abidi ne batanu bimane ne nyima yabo miele ku ntempelo wa Yehowa ne mpala yabo mitangishe ku luseke lua ku esete; bakadi batendelela diba ku luseke lua esete.