2 Bakalenga 21:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² nunku Yehowa, Nzambi wa Isalele, udi wamba ne, Nentume malu mabi kudi Bena Yelushalema ne Bena Yuda adi ahatshisha matshu a bantu bonso badi baunvua.

MUKANDA WA MYIDI MUKULU

¹² Nanku Maweja-Nangila Mvidi Mukulu wa bena Izrayele udi wamba ne: ‘Nennyoke bena Yerushalayime ne bena Yuda bonsu bikole. Muntu yonsu umvua lumu lua dikenga diabu, neunwue bibi bitambe.

2 Bakalenga 21:12 ပူးပေါင်းရင်းမြစ်များ

2 Bakalenga 22:16

Yehowa udi wamba ne, Monai, meme nentume malu makole ku muaba eu ne kudi bena buloba abu bu mudi mei onso adi mafunda mu mukanda eu wakabala mukelenge wa Yuda.

Yeshaya 24:5

Buloba buakunyanguka bualu bua malu mabi a badi bashikamehu; bualu bua bakusambuka mei a Nzambi, bakuhetula mikenji yandi, bakuhidia kutumikila tshihungidi tshia tshiendelele.

Yeshaya 28:16

Bua mei â Mukelenge Yehowa udi wamba ne, Tangilai, ndi nteka dibue mu Siona bua kuasahu bishimikidi bia nsubu, ndibue diakutetshibua bimpe, dibue dia mushinga mukole didi ditumba dia mu bishimikidi bijadikibue bikole; waditabusha kena udiendesha lukasa.

Yirmeya 19:3

Ubambile ne, Unvuai bienu dî dia Yehowa, nuenu bakelenge ba mu Yuda ne bantu ba mu Yelushalema. Yehowa wa misumba, Nzambi wa Isalele, udi wamba ne, Monai, nentume makenga ku muaba eu; hunvua muntu yonso lumu luau, matshu andi neahate.

Yezekiyele 7:5

Mukelenge Yehowa udi wamba ne, Mulau ha mutu ha mulau! Monai, udi ulua!

Danyele 9:12

Yeye wakujadika mei andi akutuhisheye nʼau, ne akuhisheye nʼau bakokeshi betu bakadi batukokesha hakututumineye dikenga dikole. Kabena banze kuenza muanda muinshi mua diulu dionso bu muanda eu wakuenzelabo Yelushalema.

Amosa 3:2

Nuenu nkayenu mbanakumanya munkatshi mua bisamba bionso bia hanshi ha buloba; nunku nennukengeshe bua malu mabi enu onso.

Mika 3:12

Nunku bua bualu buenu nebabundulule Siona ne lukasu bu mudibo babundulula budimi; Yelushalema neikale bu mishiki ya mabue, ne mukuna wa ntempelo newikale bu mikuna ya muitu.

1 Samuele 3:11

Yehowa wakambila Samuele ne, Mona, nengenze bualu mu Isalele, nebuhatshishe matshu a yonso udi ubunvua.