2 Bakalenga 20:15 - Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Yeye wakamuebesha ne, Bakatangila bintu kai mu nsubu webe? Hezikiya wakamuambila ne, Bakatangila bintu bionso bia mu nsubu wanyi; kakuena tshintu tshimue tshia mu bintu bianyi tshinakahanga kubalesha.

MUKANDA WA MYIDI MUKULU

¹⁵ Yeshaya kumukonka kabidi ne: — Mu nzubu webe wa bukalenga bavua bamone tshinyi? Izkiya kuandamuna ne: — Bavua bamone bintu bionsu bidimu. Tshiena mubasokoke tshintu nansha tshimue, tshia ku bintu bionsu bindi muteke.

2 Bakalenga 20:15 ပူးပေါင်းရင်းမြစ်များ

2 Bakalenga 20:13

Hezikiya wakunvua mei a bantu aba, wakabalesha bintu bionso bia mu bibutshilu biandi, bintu bia argent ne bia or ne bintu bia muhuya muimpe ne manyi a mushinga mukole ne nsubu wa bintu biandi bia nvita ne bintu bionso biakadiye nʼabi; Hezikiya kakabenga bua kubalesha bintu bionso bia mu nsubu wandi ne mu bukelenge buandi.

2 Bakalenga 20:14

Hashishe Yeshaya muprofete wakafika kudi Hezikiya mukelenge, wakamuebesha ne, Bantu aba bakuamba tshinyi? Bobo bakafuma kudi kunyi? Hezikiya wakamuambila ne, Bakafuma ku buloba budi kule, ku Babulona mene.

2 Bakalenga 20:16

Yeshaya wakambila Hezikiya ne, Unvue biebe dî dia Yehowa.

Yobe 31:33

Bingikala mubuikile malu mabi anyi bu mu tshilele tshia bantu, hanakasokoka bualu buanyi bubi mu tshiadi tshianyi,

Misambu 62:11

Nzambi wakuamba dî diandi musangu umue; nakunvua di edi misangu ibidi ne, Bukole mbualu bua Nzambi;

Nsumuinu 28:13

Udi usokoka matomboka andi kena wikala ne diakalengele, kadi udi uwatonda, uwalekela, neafuidibue luse.

Yirmeya 9:22

Yehowa udi wamba ne, Amba biebe ne, Bitalu bia bantu nebihone hanshi mu madimi bu tunvi, ne bu mudi dianza dia maminu dimata hanshi ku nyima kua muhuodi; kakuena muntu wabisangisha.

Yoshua 7:19

Yoshua wakambila Akana ne, Muanʼanyi, ndi nkusengelela ne, Utumbishe Yehowa, Nzambi wa Isalele, umutondele bubi buebe; ungambile buwakuenza, kubusokoki kundi nansha.