2 Bakalenga 2:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ Makumi atanu ba bana balume ba baprofete bakaya, bakimana ha bule buludiludi nʼabo, bubidi buabo bakimana hehi ne Yadene.

MUKANDA WA MYIDI MUKULU

⁷ Bambi bu makumi atanu bavua anu benda babalonda. Kadi bambi abu bavua bimanyine pa bule. Kabavua bafike muaba uvua Eliya ne Elisha bimane ku muelelu wa Yardene to.

2 Bakalenga 2:7 ပူးပေါင်းရင်းမြစ်များ

1 Bakalenga 18:13

Kabakambila mukelenge wanyi bu munakenza hakashiha Izebele baprofete ba Yehowa, bu munakasokoka lukama lua baprofete ba Yehowa, makumi atanu mu nyongolo makumi atanu mu nyongolo mukuabo, bu munakabadisha, bumunakabanuisha, anyi?

1 Bakalenga 18:4

bualu bua hakakeba Izebele kushiha baprofete ba Yehowa, Obadaya wakangata lukama lua baprofete, wakasokoka makumi atanu mu nyongolo makumi atanu mu nyongolo, wakabadisha bidia, wakabanuisha mai.

1 Bakalenga 20:35

Muntu mukuabo wa bana ba balume ba baprofete wakambila mukuandi dî dia Yehowa ne, Ndi nkusengelela ne, Untute. Kadi muntu wakahidia kumututa.

2 Bakalenga 2:15

Hakamutangila bana balume ba baprofete bakadi ku Yeleko, bakambilangana ne, Nyuma wakadi nʼandi Eliya wakatulukila Elisha. Bakalua kumuakidila. Bakinama hanshi ku mpala kuandi.

2 Bakalenga 2:16

Bakamuambila ne, Mona, bakole makumi atanu badi munkatshi mua bantu bebe badi kunoko; ludi tukusengelela ne. Ubatume, bakehe mukelenge webe; bumue Nyuma wa Yehowa wakabanda nʼandi, wakamuela ha mutu ha mukuna mukuabo anyi mu tshinga tshibanda. Yeye wakamba ne, Kanubatumi.

2 Bakalenga 2:17

Hakadibo bamusengelele tô ne bakamukuata bundu, yeye wakamua ne, Nubatume. Bakatuma bantu makumi atanu, bakakebakeba tô matuku asatu, kadi kabakamusangana.

2 Bakalenga 4:1

Mukashi wa umue wa bana ba baprofete wakadila kudi Elisha ne, Muntu webe, bayanyi udi mufue; wewe udi mumanye bu muakatshina muntu webe Yehowa; muena dibanza wakalua bua kuangata bana banyi babidi bu bahika.

2 Bakalenga 5:22

Yeye wakamuitaba ne, Malu mimpe. Mukelenge wanyi wakuntuma kûdi bua kukuambila ne, Anu katataka bansongalume babidi ba bana ba baprofete ba ku mikuna ya Efelayima bakafika kundi; ndi nkusengelela ne, Bimpe ubampele ntalanta wa argent ne bilulu bibidi bitambe buimpe.

2 Bakalenga 6:1

Bana balume ba baprofete bakambila Elisha ne, Muaba utudi bashikame ku mpala kuebe udi mutambe kubumbakana.

2 Bakalenga 9:1

Elisha wakabikila umue wa bana ba baprofete, wakamuambila ne, Suika mukaba webe, wangate kalondo aka ka manyi mu tshianza tshiebe, ya biebe ku Lamota-gilada.

Amosa 7:14

Mu diba adi Amosa wakakudimuna Amasaya di ne, Tshiena muprofete, ne tshiena muana wa muprofete; kadi ndi mulami wa bimuna ne musangishi wa tumuma tua mitshi yê sycomore.

1 Samuele 10:5

Hashishe bûdi nʼabu mbua kuya ku mukuna wa Nzambi, kudi masalayi a Bena Peleshete; hawafika ha buihi ne musoko, neusangile ne tshisumbu tshia baprofete bafume ku mutu kua mukuna badi ne lunzenze lua nshinga dikumi ne dizele ne lushiba ne tshisanji; bobo mene nebikale bamba dî dia Nzambi.