2 Bakalenga 19:31 - Mukanda wa Nzambi Dihungila Dikulukulu ne Dihungila Dihia-dihia 2003

³¹ Bualu bua difuka dia bantu nediluhuke mu Yelushalema, nedihanduke ku mukuna wa Siona; lukunukunu lua Yehowa nebimane bualu ebu.

MUKANDA WA MYIDI MUKULU

³¹ Eyowa, mu Yerushalayime nemupatuke bantu badi bashale ne muoyi. Bantu nebimane pa mukuna wa Siyone.” Yeshaya uvua wamba kabidi ne: — Maweja-Nangila neakumbaje bualu ebu, bualu udi ununanga bikole.

2 Bakalenga 19:31 ပူးပေါင်းရင်းမြစ်များ

2 Bakalenga 19:37

Hakadiye utendelela nzambi wandi Niseloka mu nsubu wandi, Adelameleke ne Shalese bakamushiha ne muele wa nvita; bakanyemena mu buloba bua Alalata. Esâ-hadona, muanʼandi, wakakokesha mu muaba wandi.

2 Bakalenga 19:4

Biasua Yehowa, Nzambi webe, kunvua mei a Labashake, wakatuma mukelenge wa Ashû, mukelenge wandi, bua kubendeye nʼau Nzambi wa muoyo, neamubele bua mei akunvua Yehowa, Nzambi webe; nunku ulombele difuka dia bantu didi dishala Nzambi.

Yeshaya 10:12

Kadi halua Mukelenge kushikisha mudimu wandi wonso udiye wenzela mukuna wa Siona ne musoko wa Yelushalema, yeye neakengeshe bienzedi bia mu mutshima wa diambu wa mukelenge wa Ashû, neuhuekeshe butumbi bua kudilesha kuandi.

Yeshaya 10:20

Mu dituku adi difuka dikese dia ba mu Isalele ne ba mu bana ba Yakoba badi bahanduka ku lufu, kabena beyemena muntu wakabakuma, kadi nebeyemene Yehowa, Wa Tshijila wa Isalele, mu bushuwa.

Yeshaya 10:22

Bualu bua bikala bantu bebe bungi bua nsenga ya kukala kua mai manene, Isalele, anu tshituha tshia bungi buabo netshihingane. Kubutuka kudi kusungudibua, kudi kuhumuka ne buakane.

Yeshaya 37:32

Bualu bua difuka dia bantu nediluhuke mu Yelushalema, ne ba mu mukuna wa Siona badi bahanduka nebaluhukemu. Lukunukunu lua Yehowa wa misumba neluenze muanda eu.

Yeshaya 59:17

Yeye wakavuala buakane bu kazaku ka tshiamu ka nvita, wakasa tshifulu tshia luhandu ha mutu handi, wakavuala bivualu bia disombuela bu bilulu biandi, wakadiluatshisha lukunukunu lua nvita bu tshikowelu.

Yeshaya 63:15

Tangila hanshi ku muaba webe wa mu diulu, ne ku muaba webe wa tshijila ne wa butumbi, umone biebe. Lukunukunu luebe ne bienzedi biebe binene bidi kudi kunyi? Dijinga dia mu mutshima webe ne luse luebe bidi bikandibua kundi.

Yeshaya 9:7

Kukudisha kua bukokeshi buandi ne kua ditalala kakuena kuikala ne nshikidilu, bua kujadika nkuasa wa bukokeshi wa Davidi, ne bukelenge buandi, ne bua kubukolesha ku kulumbulula kuakane ne ku buakane, mpindiu tô ne tshiendelele. Lukunukunu lua Yehowa wa misumba neluenze bualu ebu.

Yirmeya 44:14

bua kakuikadi umue wa ba mu Yuda badi bashala bakuya mu buloba bua Ejipitu bua kushikamamu wahanduka anyi washala bua kuhinganeye ku buloba bua Yuda kudibo bajinga bua kuhingana ne kushikama. Bualu bua kakuena bakuabo bahingana, anu bantu banya-banya badi banyema.

Yezekiyele 20:9

Kadi nakabenzela malu â bualu bua dina dianyi, bua kadihendibu ku mesu kua ba mu bisamba bia bantu, kuakadibo bashikama, bantu mene bakadi bantangila hanakadimuenesha kudi Bena Isalele mu dituku dinakabahatula mu Ejipitu.

Yezekiyele 5:13

Bua nunku tshiji tshianyi netshishike, tshiji tshianyi tshikole netshikale kudibo, hashishe netshibole, nensambibue. Nebamanye ne meme Yehowa nakuamba dî bua mukau wanyi, hanahumuna tshiji tshianyi hamʼbidi habo.

Yowele 2:18

Hashishe, Yehowa wakakuatshika mukau bua buloba buandi, wakafuna bantu bandi luse.

Zekâya 1:14

Nunku muanjelo wakadi uyikila nʼanyi wakangambila ne, Amba ne, Yehowa wa misumba udi wamba ne, Ntshidi mukuatshike mukau mukole bua Yelushalema ne bua Siona tô ne mpindiu.

Yowanane 2:17

Bayidi bandi bakavuluka dî didi difunda mu Mukanda wa Nzambi ne, Lukunukuna lua ku nsubu webe nelundie.

Rome 11:5

Nunku muomumue mu tshikondo etshi difuka dikese didiku bua disungula dia ngasa.

Rome 9:27

Yeshaya wakela dî dikole ne, Bikala bungi bua Bena Isalele bu nsenga ya kukala kua mai manene, difuka didi dishala nedisungidibue.