2 Bakalenga 19:20 - Mukanda wa Nzambi Dihungila Dikulukulu ne Dihungila Dihia-dihia 2003

²⁰ Hashishe Yeshaya, muana wa Amoza, wakatumina Hezikiya dî ne, Yehowa, Nzambi wa Isalele, udi wamba ne, Bualu bua wewe wakundombela hua Saneheliba, mukelenge wa Ashû, meme nakukunvuila.

MUKANDA WA MYIDI MUKULU

²⁰ Ke muambi Yeshaya, muana wa Amosa, kutuma muntu bua kuambila Izkiya ne: “Maweja-Nangila Mvidi Mukulu wabena Izrayele udi wamba ne: Ndi mumvue dilomba diebe bua Senakeribe, mukalenga wa bena Ashure.

2 Bakalenga 19:20 ပူးပေါင်းရင်းမြစ်များ

2 Samuele 15:31

Bakambila Davidi ne, Ahitofele udi munkatshi mua bena tshifufu ba Abashaloma. Davidi wakamba ne, Yehowa, ndi nkusengelela ne, Kudimuna lungenyi lua Ahitofele lulue luhote.

2 Samuele 17:23

Hakatangila Ahitofele ne, Bakahidia lungenyi luanyi, yeye wakela tshiseba ha nyima ha nyama wandi wa mpunda, wakajuka, wakaya kuandi ku musoko wandi, wakalongolola malu a mu nsubu wandi, wakadiowa, wakafua, bakamujika mu lukita lua tatu wandi.

2 Bakalenga 18:13

Mu tshidimu tshia dikumi ne binai tshia bukelenge bua Hezikiya, Saneheliba, mukelenge wa Ashû, wakalua, wakaluangana ne bena misoko yonso ya Yuda yakadi ne ngumbu, wakayinyenga.

2 Bakalenga 20:5

Walukile, Wambile Hezikiya, mukelenge wa bantu banyi, ne, Yehowa, Nzambi wa Davidi tatu webe, udi wamba ne, Nakunvua kulomba kuebe ne nakutangila binsonshi biebe, nenkuondahe; hahita matuku asatu, wewe neubuele mu nsubu wa Yehowa.

Yobe 22:27

Neumutendelele ne yeye neakunvuile, nushikishe mitshihu yebe.

Misambu 50:15

Umbikile mu dituku dia makenga; nenkuhandishe, ne wewe neuntumbishe.

Misambu 65:2

Wewe udi unvua milombu, bukua bantu bonso nebufike kûdi.

Misambu 65:3

Malu a dihambuka dianyi adi antamba bukole; wewe udi umbuikidila matomboka etu.

Yeshaya 58:9

Hashishe wewe neumubikile, ne Yehowa neitabe kudi; neumudidile, ne yeye neakuitabe ne, Ndiku. Biûmusha mutshi wa tshikokedi munkatshi muenu; biûmusha kufunkuna kua munu kua dihetu, ne kuamba kua mei mabi;

Yeshaya 65:24

Diambedi kabayi banze kumbikila, nengitabe kudibo; hatshidibo bakula, nembunvuile.

Yirmeya 33:3

wamba ne, Umbikile, nengitabe kudi, nenkuleshe malu a kukema ne malu makole audi kuyi mumanye.

Yowanane 11:42

Nakumanya ne, Wewe udi unvua mei anyi matuku onso; kadi nakuamba dî edi bualu bua bantu badi bimane banyunguluke bitabushe ne, Wewe udi muntume.

Bienzedi 10:31

yeye wakangambila ne, Kônelio, bakunvua kutendelela kuebe, Nzambi udi uvuluka bua bintu bia luse biutu wahangana.

Bienzedi 10:4

Hakamujosheye, wakatshina, wakakonka ne, Mukelenge, ntshinyi? Wakamukudimuna ne, Mitendelelu yebe ne bintu biebe bia luse Mutu wahangana diakabanda ku mesu kua Nzambi bu tshivulukidi.