2 Bakalenga 17:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ Bualu bua Bena Isalele bakadi benza malu mabi ku mesu kua Yehowa, Nzambi wabo, wakabaluhula mu buloba bua Ejipitu mu bianza bia Palo, mukelenge wa Ejipitu, ne bakatshina nzambi mikuabo,

MUKANDA WA MYIDI MUKULU

⁷ Bena Izrayele bavua babuele mu dikenga, bualu bavua batombokela Maweja-Nangila Mvidi Mukulu wabu, uvua mubasungidile mu bianza bia mukalenga wa bena Ejipitu, mubapatule mu ditunga edi. Bualu bena Izrayele bavua batendelela mvidie mikuabu,

2 Bakalenga 17:7 ပူးပေါင်းရင်းမြစ်များ

1 Bakalenga 11:4

Bualu bua hakalua Solomo muntu mununu, bakashi bandi bakakudimusha mutshima wandi bua kulondeye nzambi mikuabo; mutshima wandi kawakadi muakane ku mesu kua Yehowa, Nzambi wandi, bu muakadi mutshima wa Davidi, tatu wandi.

1 Bakalenga 15:3

Yeye wakenza malu mabi onso akenza tatu wandi ku mpala kuandi; mutshima wandi kawakadi muakane ku mesu kua Yehowa, Nzambi wandi, bu muakadi mutshima wa Davidi, tatu wandi.

2 Bakalenga 16:2

Ahaza wakadi ne bidimu makumi abidi hakabangeye kukokesha; wakakokesha mu Yelushalema bidimu dikumi ne bisambombo. Yeye kakenza malu mimpe ku mesu kua Yehowa, Nzambi wandi, bu muakenza Davidi, tatu wandi.

2 Bakalenga 17:35

Yehowa wakahunga nʼabo tshihungidi, wakabadimusha ne, Kanuena ne bualu bua kutshina nzambi mikuabo, kanuyinaminyi, kanuyikuatshidi mudimu, kanuyifididi milambu ya kuosha ha kahia.

1 Kulondolola 5:25

Bobo bakenzela Nzambi wa batatuʼabo bibi, bakalonda malu a masandi ne nzambi ya bantu ba mu buloba abu bakashihibua kudi Nzambi ku mpala kuabo.

2 Kulondolola 36:5

Yehoyakima wakadi ne bidimu makumi abidi ne bitanu hakabangeye kukokesha; wakakokesha mu Yelushalema bidimu dikumi ne tshimue; wakenza malu mabi ku mesu kua Yehowa Nzambi wandi.

Nehemya 9:26

Kadi kabakatumikila dî diebe, bakakutombokela, bakakema mikenji yebe nyima, bakashiha baprofete bebe bakasua kubabela bua kukudimusha mitshima yabo kûdi kabidi; bakakutatshisha ne ntatu mikole.

Misambu 78:12

Yeye wakenza malu a kukema ku mesu kua batatu babo, mu buloba bua Ejipitu, mu madimi a mu Soana.

Ekesode 20:2

Ndi bianyi Yehowa, Nzambi webe, wakakuhatula mu buloba bua Ejipitu, mu nsubu wa buhika.

Yeshaya 57:5

Nuenu badi badisonsuela lukuka lua masandi munkatshi mua mitshi ya telebinta, ne muinshi mua mutshi wonso udi ne muoyo; badi bashiha bana mu bibanda muinshi mua mitanta ya mabue.

Yirmeya 10:5

Mpingu yaya idi bu dikunshi diakusongabo, kayena yakula. Idi ne bualu bua muntu kuyituala, bualu bua kayena mua kuenda. Kanuyitshinyi bualu bua kayena mua kuenza bibi, kayena ne bukole bua kuenza bimpe.

Yezekiyele 39:24

Bu muakadi bukoya buabo ne bu muakadi kuntombokela kuabo mbu munakabenzela; nunku nakabasokoka mpala wanyi.

Osheya 12:14

Bena Efelayima bakamukuatshisha tshiji tshikole; nunku Mukelenge wabo neabahishe bua kumatshisha kuabo kua mashi, neabahingashile difutu dia bihendu biabo.

Osheya 4:12

Bantu banyi badi balomba lungenyi ku tshibasa tshia mutshi, ne tshibangu tshiabo tshidi tshibatempela; bualu bua mutshima wa masandi wakubahambuisha, ne bakulonda malu a masandi, batombokela Nzambi wabo.

Osheya 4:13

Badi bashihela mpingu milambu ha mitu ha mikuna mile, badi bayoshela musenga wa manananshi ha mikuna mikese, muinshi mua mitshi ya chêne, ya peuplier ne ya térébinthe, bualu bua dileshi diai didi dimpe. Nunku bana benu ba bakashi badi balonda malu a masandi, ne bakashi ba bana benu ba balume badi benda masandi.

Dielulula 31:29

Bualu bua ndi mumanye ne, Ku nyima kua lufu luanyi nenutambe kudisangisha ne kusesuka mu nshila unakunulesha; malu mabi neanukuate mu matuku atshidi ku mpala; bualu bua nuenu nenuenze malu mabi ku mesu kua Yehowa bua kumufikisha munda bua mudimu wa bianza bienu.

Yoshua 23:16

Binuashiha tshihungidi tshia Yehowa, Nzambi wenu, tshinuakahunga nʼandi, ne binuaya bua kukuatshila nzambi mikuabo mudimu ne bua kuyikukuila, hashishe Yehowa neikale nʼenu tshiji, nenujimine lubilu mu buloba buimpe buakanuheye.

Balombodi 6:10

Nakanuambila ne, Meme ndi Yehowa, Nzambi wenu; kanutshinyi nzambi ya Bena Amole, bena buloba bunudi bashikame. Kadi nuenu ka-nuakunvua dî dianyi.