2 Bakalenga 17:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Mu tshidimu tshia tshitema tshia bukelenge bua Hoshea, mukelenge wa Ashû wakahaula Samalea, wakaya ne Bena Isalele ku Ashû, wakabashikika mu Halaha ne kukala kua musulu wa Habo wa mu Gozana ne mu misoko ya Bena Madai.

MUKANDA WA MYIDI MUKULU

⁶ Osheya mumane kulala mu bukalenga bidimu tshitema, mukalenga wa bena Ashure kukuata tshimenga tshia Samariya. Kuyabu ne bena Izrayele mu bupika mu Ashure, kubapesha buloba bua Ala, ne bua Ngozane, muaba udi musulu wa Abore, kabidi ne bimenga bia Madayi bua kusombamu.

2 Bakalenga 17:6 ပူးပေါင်းရင်းမြစ်များ

Genese 10:2

Bana balume ba Yafete badi nunku Gome ne Magoga ne Madai ne Yawana ne Tubala ne Mesheka ne Tilasa.

1 Bakalenga 8:46

Biakuenzelabo bibi (ne kakuena muntu udi kayi wenza malu mabi) ne wewe udi nʼabo tshiji, udi ubafila mu bianza bia bena lukuna babo bua kuyabo nʼabo bu bahika mu buloba bua bena lukuna, mu buloba budi kule anyi budi ha buihi;

2 Bakalenga 15:29

Mu matuku a Peka, mukelenge wa Isalele, Tigelata-pilesê, mukelenge wa Ashû, wakalua, wakahaula Iyona ne Abele-bete-mâka ne Yanoa ne Kedeshe ne Hasô ne Gilada ne Galela ne buloba buonso bua Nafatale, wakaya nʼabo ku Ashû mu buhika.

2 Bakalenga 17:23

tô ne hakumusha Yehowa Bena Isalele ku mesu kuandi, bu muakabambileye kudi bantu bandi bonso baprofete. Nunku bakumusha Bena Isalele mu buloba buabo, bakaya nʼabo ku buloba bua Ashû tô ne ku dituku edi.

2 Bakalenga 18:34

Nzambi ya Hamata ne ya Âpada idi kudi kunyi? Nzambi ya Sefâwayima ne ya Hena ne ya Iwa idi kudi kunyi? Yakasungila Samalea mu tshianza tshianyi, anyi?

2 Bakalenga 19:12

Nzambi ya bisamba abi biakabuela batatuʼanyi yakabasungila, anyi? Bisamba bia Gozana ne bia Halana ne bia Lesefe ne bia Edene biakadi mu Telasâ.

2 Bakalenga 21:13

Nengolole muonshi wa Samalea ha mutu ha Yelushalema, ne luidi lunakateka kudi nsubu wa Ahaba; nenkuhule Yelushalema bu mudi muntu ukuhula dilonga, udi udikuhula, udi udiandamuna.

1 Kulondolola 5:22

Ba bungi bakashihibua bualu bua nvita ei yakadi ya Nzambi. Bobo bakashikama mu miaba yabo tô ne hakayabo mu buhika.

1 Kulondolola 5:26

Nzambi wa Isalele wakasonsola mutshima wa Pula, mukelenge wa Ashû, ne mutshima wa Tigelata-pilenesê, mukelenge wa Ashû, ne bobo bakaya nʼabo, Bena Lubena ne Bena Gada ne tshituha tshia tshisamba tshia Manashe mene mu buhika; bakaya nʼabo tô ne ku Halaha ne Habo ne Hala ne ku musulu wa Gozana tô ne ku didiku edi.

Ezela 6:2

Bakasangana mukandu ku Akemeta mu nsubu wa mukelenge udi mu buloba bua Bena Madai, wakadi mufunda nunku:

Nehemya 9:32

Nunku Nzambi wetu munene, Nzambi mukole ne wa dishina, utu walama bihungidi ne luse lujalame, dikenga edi dikole diakatukuata ne bakelenge betu ne bantu betu banene ne bakuidi betu ne baprofete betu ne batatu betu ne bantu bebe bonso kadikadi dikese ku mesu kuebe, ku tshikondo tshia bakelenge ba Ashû tô ne ku dituku edi.

Yeshaya 10:9

Kaleno kawena bu Kâkemisha, anyi? Hamata kawena bu Apada, anyi? Samalea kawena bu Damaseke, anyi?

Yeshaya 13:17

Monai! Nensonsole Bena Madai bua kuleshabo bantu aba, ne bobo kabena bamona argent bu tshintu tshimpe, ne or kena ubasankisha.

Yeshaya 17:4

Mu dituku adi butumbi bua Yakoba nebutekeshibue, ne mafuta a mubidi wandi nealue tshinyanu.

Yeshaya 21:2

Bakummanyisha tshikena kumona tshikole; muena lukinu udi wenza malu a lukinu, muhaudi udi uhaula. Bandaku, Elama; tshintshimika, Madai! Nempuwishe kuhumuna kuonso kuakuvuisheye ku luseke alu.

Yeshaya 36:17

tô ne hanalua bua kuya nʼenu ku buloha budi bufuana buloba buenu, buloba bua maminu ne bua nvinyo muhia-muhia, buloba bua bia kudia ne bua mionshi ya tumuma tua nvinyo.

Yeshaya 36:19

Nzambi ya Hamata ne ya Âpada, idi kudi kunyi? Nzambi ya mu Sefawayima idi kudi kunyi? Yakasungila musoko wa Samalea mu tshianza tshianyi, anyi?

Yeshaya 37:18

Bulelela, Yehowa, bakelenge ba Ashû bakabutula ba mu bisamba bionso bia bantu ne maloba abo;

Yeshaya 8:4

Bualu bua diambedi muana eu kayi muanji kumanya mua kudila ne, Tatu wanyi, ne, Baba wanyi, biuma bia Damaseke ne bintu binyengibue mu Samalea nebiumushibue; nebaye nʼabi ku mpala kua mukelenge wa Ashû.

Yirmeya 50:17

Isalele udi bu tshisumbu tshia mikoko idi mitangadisha, nyama ya ntambue yakumuihata. Diambedi mukelenge wa Ashû wakamumina, hashishe, mu tshikondo etshi Nebukadenesâ, mukelenge wa Babulona, wakutshibula mifuba yandi.

Danyele 5:28

PERES, bakutahulula bukelenge buebe, bakubuha Bena Madai ne Bena Pelasa.

Osheya 1:4

Yehowa wakamuambila ne, Umuidike dina ne, Yizelele; bualu bua hahita musangu muihi, nensombuele mashi a Yizelele akadibo bamatshisha hanshi kudi ba mu tshiota tshia Yehu, nengumushe bukelenge kudi Bena Isalele.

Osheya 1:6

Yeye wakimita difu kabidi, wakalela muana wa bakashi. Yehowa wakambila Hoshea ne, Umuidike dina ne, Udibo-kabayi-bafuila-luse; bualu bua tshiena nfuila Bena Isalele luse bua kubabuikidila mibi yabo.

Osheya 1:9

Yehowa wakamba ne, Umuidike dina ne, Kambantu-banyi!; bualu bua nuenu kanuena bantu banyi, ne tshiena ngikala Nzambi wenu.

Osheya 13:16

Bena Samalea nebahishibue bualu bua bakutombokela Nzambi wabo. Nebafue ku muele wa nvita, bana babo batekete nebakoshibue bituha, ne bakashi babo badi ne mafu nebahandibue.

Osheya 8:8

Bakumana kumina Bena Isalele. Mpindiu badi munkatshi mua bisamba bia bantu bu luesu ludi kaluyi ne mushinga.

Osheya 9:3

Kabena bashala mu buloba bua Yehowa, kadi ba mu Efelayima nebahingane mu Ejipitu, nebadie bia kudia bidi bibiha mu Ashû.

Lewitiki 26:38

Nuenu nenufue munkatshi mua bisamba bikuabo, ne buloba bua bantu badi nʼenu lukuna nebunumine

Amosa 5:27

Nunku meme nennutume mu buhika mu buloba budi buhita Damaseke kule. Yehowa, Nzambi mene wa misumba, udi wamba dî edi.

Amosa 7:17

Nunku Yehowa udi wamba ne, Mukashi webe neikale mukashi wa masandi mu musoko eu, ne bana bebe ba balume ne ba bakashi nebashihibue ku muele wa nvita; nebabanyangane buloba buebe ku luidi. Wewe muine neufue mu buloba bubiha, nebaye ne Bena Isalele mu buhika, babumushe mu buloba buabo.

Dielulula 28:36

Yehowa nealue nʼenu ne mukelenge unuakateka ku mutu kuenu kudi tshisamba tshinudi kanuyi bamanye, nansha nuenu nansha bankambua benu; nenutendeleleku nzambi mikuabo ya mitshi ne mabue.

Dielulula 28:64

Yehowa neanumuangalashe munkatshi mua bantu bonso ku ditengu edi dia buloba tô ne ku ditengu dikuabo; nenukuatshileku nzambi mikuabo ya mitshi ne ya mabue mudimu, mudi kanuyi bamanye, ne bankambua benu kabakayimanya kabidi.

Dielulula 30:18

meme ndi nnuambila lelu ne, Nenujimishibue bulelela; kanuena nuvudisha matuku enu mu buloba bunuyaya dishiya dia Yadene bua kubuhiana.