2 Bakalenga 16:14 - Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Yeye wakumusha tshioshelu tshia tshiamu tshia mitaku tshiakadi ku mpala kua Yehowa hankatshi ha tshioshelu tshiandi ne nsubu wa Yehowa, wakatshiteka ku luseke lua ku node lua tshioshelu tshiandi.

MUKANDA WA MYIDI MUKULU

¹⁴ Pashishe kumushaye tshilambuilu tshia tshiamu tshikunze tshivuabu bajidile mu dina dia Maweja-Nangila. Tshilambuilu atshi, tshivua pabuipi ne mushiku wa nzubu wa Mvidi Mukulu, pankatshi pa tshilambuilu tshipiatshipia ne nzubu wa Mvidi Mukulu. Kutshitekaye panyima pa tshilambuilu tshipiatshipia ku mutu.

2 Bakalenga 16:14 ပူးပေါင်းရင်းမြစ်များ

2 Bakalenga 16:11

Uliya muakuidi wakenza tshioshelu tshikuabo; wakatshifuanyikisha bu bintu bionso biakamutumina mukelenge Ahaza ku Damaseke. Uliya muakuidi wakatshienza ku mpala kua dihingana dia mukelenge Ahaza ku Damaseke.

2 Bakalenga 16:13

Wakafila milambu ya kuosha ha kahia ne milambu ya bukula; wakahongolola milambu ya bintu bia kunuabo, wakamiamina mashi a milambu ya kuvuisha nʼai ditalala ha tshioshelu.

2 Bakalenga 16:15

Mukelenge Ahaza wakelela Uliya muakuidi mukenji ne, Ufile milambu ya kuosha ha kahia ya dinda ha tshioshelu tshinene, ne milambu ya bukula ya dilolo ne milambu ya kuosha ne milambu ya bukula ya mukelenge, ne milambu ya kuosha ne milambu ya bukula ne milambu ya bintu bidibo banua ya bantu bonso; umiaminehu mashi a milambu yonso idibo bosha ha kahia; kadi meme nkayanyi nendifidile milambu ha tshioshelu tshia tshiamu tshia mitaku.

2 Kulondolola 1:5

Kadi tshioshelu tshia tshiamu tshia mitaku tshiakenzabo kudi Besalele, muana wa Uli, muana wa Hû, tshiakadiku ku mpala kua nsubu wa tshitendelelu wa Yehowa; ne Solomo ne bantu bakadi nʼandi bakakebelamu Yehowa.

2 Kulondolola 29:19

Tuakujidila kabidi mpanza yonso yakimasha mukelenge Ahaza mu bukelenge buandi bubi; Iliona, idi ku mpala kua tshioshelu tshia Yehowa.

2 Kulondolola 4:1

Wakenza tshioshelu tshia tshiamu tshia mitaku, bunene buatshi buakadi coudées makumi abidi, ne butshiama buatshi buakadi coudées makumi abidi, ne bule buatshi buakadi coudées dikumi.

Ekesode 27:1

Enza biebe tshioshelu tshia mabaya a acacia, buludi bua tshi nebuikale coudées itanu, butshiama buatshi coudées itanu ne bule buatshi bua mulu coudées isatu.

Ekesode 27:2

Enza bintu bu nsengu ya ngombe ku matumba anai, enza nsengu ne dibaya dimue, lamika tshiamu tshia mitaku ku nseke yonso.

Ekesode 40:29

Wakateka tshioshelu tshia mulambu wa kuosha ku mbelu kua nsubu wa tshiendelele wakoshahu mulambu wa bukula bua manvua bu muakambila Yehowa Mose.

Ekesode 40:6

Uteke tshioshelu tshia mulambu wa kuosha ku mbelu kua nsubu wa tshitendelelu.

Yezekiyele 43:8

Bakadinyanga hakatekabo mushiku wabo wa mbelu hehi ne mushiku wanyi wa mbelu, ne dikunshi diabo hehi ne dikunshi dianyi, ne bakadi anu ne lumbu hankatshi hanyi nʼabo. Bakunyanga dina dianyi dia tshijila ku malu a bundu akuenzabo. Bua malu â onso nakubashihesha mu tshiji tshianyi.

Matayi 23:35

nunku mashi onso a bantu bakane akumata hanshi nealue ha bianza bienu, mashi a Ebele muntu muakane tô ne mashi a Zekâya, muana wa Balakia, unuakashihela hankatshi ha ntempelo ne tshishihelu.