2 Bakalenga 15:37 - Mukanda wa Nzambi Dihungila Dikulukulu ne Dihungila Dihia-dihia 2003

³⁷ Mu matuku au Yehowa wakabanga kutuma Lesinyi, mukelenge wa Sulia, ne Peka, muana wa Lemalaya, bua kuluanganabo ne Bena Yuda.

MUKANDA WA MYIDI MUKULU

³⁷ Tshikondu tshivua Yotame mu bukalenga, Maweja-Nangila kutuadija kutuma Reshine, mukalenga wa bena Arame, ne Peka, mukalenga wa bena Izrayele, bua kuluisha ditunga dia bena Yuda.

2 Bakalenga 15:37 ပူးပေါင်းရင်းမြစ်များ

2 Bakalenga 10:32

Mu matuku au Yehowa wakabanga kukehesha Bena Isalele. Hazaele wakabashiha mu nseke yonso ya Isalele:

2 Bakalenga 15:27

Mu tshidimu tshia makumi atanu ne bibidi tshia bukelenge bua Uziya, mukelenge wa Yuda, Peka, muana wa Lemalaya, wakabanga kukokesha Bena Isalele mu Samalea; wakabakokesha bidimu makumi abidi.

2 Bakalenga 15:36

Bienzedi bikuabo bia Yotama ne malu onso akenzeye kabiena bifunda mu mukanda wa kulondolola kua malu a bakelenge ba Yuda, anyi?

2 Bakalenga 15:38

Yotama wakalala tulu ne bankambua bandi, bakamujika hohamue ne bankambua bandi mu musoko wa Davidi, tatu wandi; Ahaza, muanʼandi, wakakokesha mu muaba wandi.

2 Bakalenga 16:5

Hashishe Lesinyi, mukelenge wa Sulia, ne Peka, muana wa Lemalaya, mukelenge wa Isalele, bakalua kuluangana ne Bena Yelushalema; bakatshintshimika Ahaza kadi kabakamanya mua kumutshimuna.

2 Kulondolola 28:6

Peka, muana wa Lemalaya, wakashiha bantu binunu lukama ne makumi abidi mu Yuda dituku dimue, buonso buabo bakadi bena bukitu; bualu bua bobo bakahidia Yehowa, Nzambi wa bankambua babo.

Misambu 78:49

Wakabela kahia mu tshiji tshiandi, tshiji, difikʼa munda ne makenga, biakadi bu banjelo badi benza malu mabi bakabatumineye.

Yeshaya 7:1

Mu matuku a Ahaza, muana wa Yotama, muana wa Uziya, mukelenge wa Yuda, Lesine, mukelenge wa Sulia, ne Peka, muana wa Lemalaya, mukelenge wa Isalele, bakabanda mu musoko wa Yelushalema bua kuluangana nʼabo, kadi kabakamanya mua kubatshimuna.

Yeshaya 7:8

Bualu bua Damaseke udi mutu wa Sulia, ne Lesine udi mutu wa Damaseke; ne haleba bidimu makumi asambombo ne bitanu, Efelayima neahandike bihesa, bua kikadi tshisamba tshia bantu kabidi.

Yirmeya 16:16

Yehowa udi wamba ne, Monai, nentume di bua kubikila bilembi bia minyinyi ya mu mai bia bungi, nebibakuate; ku nyima nembikile bilembi bia nyama bia bungi, ne biobi nebibakebe ku mikuna mile yonso ne ku mikuna mikese ne munkatshi mua mena a mu mabue.

Yirmeya 25:29

Bualu bua, monai, ndi mbanga kukengesha musoko eu udibo binyika dina dianyi, ne nuenu nenuhange kukengeshibua, anyi? Yehowa wa misumba udi wamba ne, Kanuena nuhanga kukengeshibua; bualu bua nembikile muele wa nvita bua kutaha nʼau bonso ba ha buloba.

Yirmeya 43:10

ubambile ne, Yehowa wa misumba, Nzambi wa Isalele, udi wamba ne, Tangilai, nentume dî bua kubikila Nebukadenesâ, mukelenge wa Babulona, muntu wanyi; ne yeye neajadike nkuasa wandi wa bukelenge ha mutu ha mabue â anakusokoka, yeye neashimike tshitanda tshiandi tshia bukelenge ha mutu hau.

Luke 21:28

Habanga malu â kulua, nubanduluke, nutangile mulu, bualu bua bunuhikudi buenu budi ha buihi.

Dielulula 28:48

nunku nenukuatshile badi nʼenu lukuna mudimu badi Yehowa unutumina, ne nzala ne nyota ne butaka ne kuhanga kua bintu bionso. Bobo nebanuteke tshikokedi tshia tshiamu ha nshingu yenu tô ne hanuajimishibua kudibo.

1 Samuele 3:12

Mu dituku adi nenshikishe malu onso anakamba bua Eli ne ba mu nsubu wandi ku tshibangidilu tshiau tô ne kunshikidilu kuau.