2 Bakalenga 15:13 - Mukanda wa Nzambi Dihungila Dikulukulu ne Dihungila Dihia-dihia 2003

¹³ Mu tshidimu tshia makumi asatu ne tshitema tshia bukelenge bua Uziya, mukelenge wa Yuda, Shaluma, muana wa Yabesha, wakabanga kukokesha; wakabakokesha mu Samalea ngondo umue.

MUKANDA WA MYIDI MUKULU

¹³ Azariya mumane kulala mu bukalenga bua bena Yuda bidimu makumi asatu ne tshitema, Shalume, muana wa Yabeshe, kudia bukalenga bua Izrayele. Kadi, kushalaye mu bukalenga ngondu anu umue mu Samariya.

2 Bakalenga 15:13 ပူးပေါင်းရင်းမြစ်များ

1 Bakalenga 16:15

Mu tshidimu tshia makumi abidi ne muanda mutekete tshia bukelenge bua Asa, mukelenge wa Yuda, Zimeli wakakokesha mu Tîsa matuku muanda mutekete. Bantu bakasa tshitudilu tshiabo bua kuluisha Bena Gibetona, mu buloba bua Bena Peleshete.

1 Bakalenga 16:24

Wakasumba mukuna wa Samalea kudi Sheme ku ntalanta ibidi ya argent; wakasa musoko wa lumbu ha mutu ha mukuna, wakawidika Samalea bu dina dia muena mukuna Shemê.

2 Bakalenga 15:1

Mu tshidimu tshia makumi abidi ne muanda mutekete tshia bukelenge bua Yalobama, mukelenge wa Isalele, Uziya, muana wa Amasaya, mukelenge wa Yuda, wakabanga kukokesha.

2 Bakalenga 15:8

Mu tshidimu tshia makumi asatu ne muanda mukulu tshia bukelenge bua Uziya, mukelenge wa Yuda, Zekâya, muana wa Yalobama, wakakokesha Bena Isalele mu Samalea anu ngondo isambombo.

Yobe 20:15

Yeye udi umina biuma, ne udi ubiluka kabidi; Nzambi udi ubihatula mu difu diandi.

Misambu 55:23

Kadi wewe Nzambi, neutulule bantu aba hanshi tô ne ku ndondo wa dijimba dia kabutu; bantu badi bamatshisha mashi ne badi badinga kabena bashala ne muoyo tshituha tshia hankatshi tshia matuku abo. Kadi meme nenkueyemene wewe.

Nsumuinu 28:17

Muntu udibo bahisha bualu bua mashi a munga muntu adi hamʼbidi handi aye mu dijimba; muntu kamukuatshisha nansha.

Nsumuinu 28:2

Bua ditomboka dia ba ha buloba bakokeshi babu badi ba bungi; kadi bikalaku bajinguludi ba mianda ne bena lungenyi, bukokeshi bujalame nebushale musangu mule.

Yeshaya 1:1

Tshikena kumona tshia Yeshaya, muana, wa Amoza, tshiakatangileye bualu bua Yuda ne Yelushalema, mu matuku a Uziya, Yotama, Ahaza ne Hezikiya, bakelenge ba Yuda.

Osheya 10:3

Bulelela, nebambe biabo ne, Katuena ne mukelenge; bualu bua katuena tutshina Yehowa, ne mukelenge eu, yeye udi mua kutuenzela tshinyi?

Osheya 8:4

Bakadisunguila bakelenge, tshiyi mubambile; bakaditekela bakokeshi, kadi tshiakamanya muanda eu; bakadifudila mpingu ku biamu bia argent ne bia or, bua bobo babutudibue.