2 Bakalenga 14:28 - Mukanda wa Nzambi Dihungila Dikulukulu ne Dihungila Dihia-dihia 2003

²⁸ Bienzedi bia Yalobama bikuabo biakenzeye ne bukole buandi ne nvita yandi, ne muakanyengeye Damaseke ne Hamata, misoko ya Yuda, wakayihingisha mu bianza bia Bena Isalele, kabiena bifunda mu mukanda wa kulondolola kua malu a bakelenge ba Isalele, anyi?

MUKANDA WA MYIDI MUKULU

²⁸ Malu makuabu a mukalenga Yerobowame, mbaafunde mu mukanda udibu babikila ne: Malu adi bakalenga ba bena Izrayele benza. Mu mukanda emu, mbafundemu kabidi malu onsu adi Yerobowame muenze, baleja kabidi ne bukitu buvuaye nabu mu mvita, ne muvuaye mupingajile bena Izrayele tshimenga tshia Damase ne tshia Amate.

2 Bakalenga 14:28 ပူးပေါင်းရင်းမြစ်များ

2 Samuele 8:6

Davidi wakateka masalayi mu Sulia mu Damaseke; Bena Sulia bakalua bahika ba Davidi, bakamulambula milambu. Yehowa wakaha Davidi bukole bua kutambeye kuonso kuakayeye.

1 Bakalenga 11:24

Yeye wakadisangisha bantu kudiye, wakalua kapitene kabo, bakabashiha Davidi mu Soha; hashishe, bakaya ku Damaseke, bakashikamamu, ne yeye wakakokesha mu Damaseke.

1 Bakalenga 14:19

Bienzedibia Yalobama bikuabo, muakaluanganeye ne muakakokesheye bidi bifunda mu mukanda wa kulondolola kua malu a bakelenge ba Isalele.

2 Bakalenga 1:18

Bienzedi bia Ahazaya bikuabo biakenzeye kabiena bifunda mu mukanda wa kulondolola kua malu a bakelenge ba Isalele, anyi?

2 Bakalenga 14:16

Yehoasha wakalala tulu ne bankambua bandi, bakamujika mu Samalea diatshimue ne bakelenge ba Isalele; Yalobama, muanʼandi, wakakokesha mu muaba wandi.

2 Bakalenga 14:29

Yalobama wakalala tulu ne bankambua bandi, bakelenge ba Isalele; Zekâya, muanʼandi, wakakokesha mu muaba wandi.

1 Kulondolola 5:17

Buonso buabo bakabadibua mu kulondolola kuabo mu matuku a Yotama, mukelenge wa Yuda, ne mu matuku a Yalobama, mukelenge wa Isalele.

Amosa 1:5

Nentshibule lukanu lua ku tshibi tshia ku Damaseke, nembutule badi bashikame mu tshibanda tshia Awena, ne mukuatshi wa dikombo dia bukelenge ku Bete-edene; bantu ba mu Sulia nebabuele mu buhika ku Kî. Yehowa udi wamba nunku.