2 Bakalenga 13:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Kadi kabakumuka ku malu mabi a ba mu nsubu wa Yalobama akenzesheye Bena Isalele; batshivua bendamu. Bakashiya Bashela mu Samalea kabidi.

MUKANDA WA MYIDI MUKULU

⁶ Kadi, bena Izrayele bavua anu benza buenzayi, bu Yerobowame ne bena nzubu wende. Bualu Yerobowame uvua mufikishe bena Izrayele ku dienza bibi. Nansha dikunji dia kutendelela Ashera, mvidie mukaji, divua anu dishale dimanyike mu Samariya.

2 Bakalenga 13:6 ပူးပေါင်းရင်းမြစ်များ

1 Bakalenga 14:16

Yeye nealekele Bena Isalele bua malu mabi akenza Yalobama ne bua malu mabi akenzesheye Bena Isalele.

1 Bakalenga 15:3

Yeye wakenza malu mabi onso akenza tatu wandi ku mpala kuandi; mutshima wandi kawakadi muakane ku mesu kua Yehowa, Nzambi wandi, bu muakadi mutshima wa Davidi, tatu wandi.

1 Bakalenga 16:26

Bualu bua yeye wakenda mu nshila yonso ya Yalobama, muana wa Nebata, ne mu malu mabi onso akenzesheye Bena Isalele bua kufuishabo Yehowa, Nzambi wa Isalele, tshiji bua mpingu yabo.

1 Bakalenga 16:33

Ahaba wakalonda malu a Bashela kabidi; Ahaba wakahita bakelenge ba Isalele bonso bakadi ku mpala kuandi kuenza malu mabi a kuluisha nʼau Yehowa, Nzambi wa Isalele, tshiji.

2 Bakalenga 10:29

Kadi Yehu kakabenga malu mabi onso a Yalobama, muana wa Nebata, akenzesheye Bena Isalele; wakashala ne tuana tua ngombe tua or tuakadi mu Betele ne mu Dana.

2 Bakalenga 13:11

Wakenza malu mabi ku mesu kua Yehowa; yeye kakasesuka ku malu malu onso a Yalobama, muana wa Nebata, akenzesheye Bena Isalele, kadi utshivua wendamu.

2 Bakalenga 13:2

Wakenza malu mabi ku mesu kua Yehowa; wakalonda mu nshila wa malu mabi a Yalobama, muana wa Nebata, akenzesheye Bena Isalele; yeye kakasesukaku nansha.

2 Bakalenga 17:16

Bakabenga mikenji yonso yakabambila Yehowa, Nzambi wabo, bakadienzela mpingu ya tshiamu tshiakafulabo, tuana tua ngombe tubidi mene mene; bakadienzela Bashela, bakatendelela bintu bionso bia mu diulu, bakakuatshila Bâla mudimu kabidi.

2 Bakalenga 18:4

Wakumusha bitendelelu biakadi ku mutu kua mikuna, wakashimbula makunshi akatendelelabo, wakatahila Bashela hanshi, wakabutula nyoka wa tshiamu tshia mitaku Wakenza Mose, bualu bua mu matuku au Bena Isalele bakadi boshila nyoka au musenga wa manananshi; wakamubikila ne, Nehushetana.

2 Bakalenga 21:3

Wakasa bitendelelu bia ku mikuna biakashimbula Hezikiya, tatu wandi; wakashila Bâla ne Bashela tshioshelu bu muakenza Ahaba, mukelenge wa Isalele; wakatendelela bintu bionso bia mu diulu, wakabikuatshila mudimu.

2 Bakalenga 23:4

Mukelenge wakela dî kudi Hilekiya, muakuidi munene, ne kudi bakuidi ba mu mulongo muibidi ne kudi balami ba nsubu bua bobo bumushe malonga onso a Bâla ne a Bashela ne a kutendelela nʼau misumba yonso ya mu diulu mu nsubu wa Yehowa; wakayosha ku mpenge kua Yelushalema mu madimi a ku Kidelona; bakaya ne butue buabi ku Betele.

Yeshaya 26:10

Bialeshabo muntu mubi diakalengele, kena uyila buakane; munkatshi mua buloba bua buakane mene yeye nênze malu mabi, ne kena umona butumbi bua Yehowa.

Dielulula 7:5

Kadi nenubenzele nunku: nushihe bishihelu biabo, nuele mabue abo hanshi adibo batendelela, nutahe Bashela babo, nuoshe mpingu yabo ne kahia.