2 Bakalenga 12:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ Kadi Yehoyada muakuidi wakangata mushete munene, wakela tubulu mu tshibuiku tshiau, wakauteka ha buihi ne tshioshelu ku tshianza tshia balume tshia ku tshibi tshia mu nsubu wa Yehowa; bakuidi bakadi balama tshibi bakatekamu argent yonso yakatuabo nʼai mu nsubu wa Yehowa.

MUKANDA WA MYIDI MUKULU

⁹ Ke batuangaji kuitaba. Kabavua basangisha kabidi makuta kudi bantu to. Kabavua batangila kabidi midimu ya kulongoluesha nzubu wa Mvidi Mukulu to.

2 Bakalenga 12:9 ပူးပေါင်းရင်းမြစ်များ

2 Bakalenga 12:8

Bakuidi bakitabusha ne, Katuena tuangata argent kudi bantu kabidi, kadi katuena tulongolola miaba mishimbuke ya mu nsubu wa Yehowa.

2 Bakalenga 22:4

Ya biebe kudi Hilekiya, muakuidi munene, bua yeye a bale argent yakafilabo mu nsubu wa Yehowa, yakasangisha balami ba ku mbelu kudi bantu;

2 Bakalenga 23:4

Mukelenge wakela dî kudi Hilekiya, muakuidi munene, ne kudi bakuidi ba mu mulongo muibidi ne kudi balami ba nsubu bua bobo bumushe malonga onso a Bâla ne a Bashela ne a kutendelela nʼau misumba yonso ya mu diulu mu nsubu wa Yehowa; wakayosha ku mpenge kua Yelushalema mu madimi a ku Kidelona; bakaya ne butue buabi ku Betele.

2 Bakalenga 25:18

Kapitene ka masalayi kakakuata Selaya muakuidi munene ne Sefanya muakuidi muibidi ne balami basatu ba ku mbelu kua nsubu;

1 Kulondolola 15:18

ne bana babo ba mu mulongo muibidi, Zekâya ne Bena ne Yaziele ne Shemilamota ne Yehiele ne Uni ne Eliaba ne Benaya ne Mâseya ne Matitiya ne Elifelehu ne Mikeneya ne Obeda-edome ne Yiele, balami ba ku bibi.

1 Kulondolola 15:24

Shebanya ne Yoshafata ne Netanele ne Amasai ne Zekâya ne Benaya ne Eliezê bakuidi bakela mpungi ku mpala kua mushete wa Nzambi; Obeda-edome ne Yehiya bakadi balami ba bibi bia nsubu wakadi mushete.

Misambu 84:10

Bualu bua dituku dimue mu biendedi bia mu tshitendelelu tshiebe didi dihita matuku tshinunu a kukuabo buimpe. Nakadi kusungula bua kuimana ku mbelu kua nsubu wa Nzambi wanyi ku mpala kua kushikama mu ntenta ya malu mabi.

Yirmeya 35:4

Nakalua nʼabo ku nsubu wa Yehowa, mu nsubu mua bana balume ba Hanana, muana mulume wa Yigedalaya, muntu wa Nzambi, wakadi ha buihi ne nsubu wa baminyampala, wakadi ha mutu ha nsubu wa Maseya, muana wa Shaluma, mulami wa ku mbelu kua nsubu.

Yirmeya 52:24

Kapitene ka masalayi kakakuata Selaya, muakuidi munene, ne Sefanya, muakuidi muibidi, ne balami basatu bakadi balama mishiku ya mbelu ya nsubu.

Marke 12:41

Yesu wakashikama buludiludi ne tshibutshilu, wakadi utangila bu muakadi bantu bela mpalata mu tshibutshilu; bantu babanshi ba bungi bakela mpalata ya bungi.

Luke 21:1

Yeye wakabanduluka, wakamona bantu babanshi bela diha diabo mu tshibutshilu.