2 Bakalenga 11:19 - Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Wakasangisha tupitene tua bantu nkama bantu nkama, ne Bena Kala ne balami ne bantu bonso ba mu ditunga; bakafuma ne mukelenge mu nsubu wa Yehowa, bakaya nʼandi mu nshila wa ku tshibi tshia balami tô ne mu nsubu wa mukelenge, Yeye wakashikama mu nkuasa wa butumbi wa bakelenge.

MUKANDA WA MYIDI MUKULU

¹⁹ Yoyada kusangisha kabidi balombodi ba bena mvita, bena Kari, ne bena mvita bakuabu bavua balame mukalenga Yowashe, kabidi ne bantu bonsu. Kumukabu ne mukalenga Yowashe mu nzubu wa Mvidi Mukulu, kuya nende mu nzubu wa bukalenga. Kupitshilabu ku tshiibi tshia bena mvita bavua balame mukalenga. Pavua Yowashe mumane kusomba mu nkuasa wa bukalenga,

2 Bakalenga 11:19 ပူးပေါင်းရင်းမြစ်များ

Genese 37:36

Bena Midiyana bakahana Yosefe mu Ejipitu kudi Potifâ, kamanda ka masalayi a Palô.

1 Bakalenga 1:13

Ya biebe kudi mukelenge Davidi, umuambile ne, Mukelenge wanyi, wewe kuakuditshiha kudi muntu webe mukashi ne, Muanʼebe Solomo neakokeshe bantu ku nyima kuanyi bulelela, ne yeye neashikame mu nkuasa wanyi wa bukelenge, anyi? Munyi mudi Adoniya ukokesha bantu?

1 Bakalenga 14:27

Mukelenge Lehabama Wakenza ngabu ya tshiamu tshia mitaku, wakayiteka mu bianza bia tupitene tuakadi tulama nsubu wa mukelenge.

1 Kulondolola 29:23

Hashishe Solomo wakashikama mu nkuasa wa Yehowa bu mukelenge mu muaba wa Davidi tatu wandi, wakadi ne diakalengele; Bena Isalele bonso bakamutumikila.

2 Kulondolola 23:19

Yeye wakateka balami ku bibi bia ku nsubu wa Yehowa, bua muntu wakadi kayi muakane kabuedi mu nsubu.

2 Kulondolola 23:20

Yeye wakangata tupitene tua bantu lukama ne bantu banene bonso ne bakokeshi ba bantu ba mu buloba, bakafuma ne mukelenge mu nsubu wa Yehowa; bakabuela ku tshibi tshia ku mutu mu nsubu wa mukelenge, bakashikika mukelenge mu nkuasa wa bukelenge.

2 Kulondolola 23:5

tshituha tshienu tshisatu tshikuabo netshikale ku nsubu kua mukelenge; ne tshituha tshienu tshisatu tshikuabo netshikale ku tshibi tshidi kumanda kua nsubu; bantu bonso bakuabo nebikale mu biendedi bia nsubu wa Yehowa.

Yirmeya 17:25

mu diba adi bakelenge ne baminyampala babo badi bashikame mu nkuasa wa bunfumu wa Davidi nebabuele ku bibi bia musoko eu, benda mu makalu ne ha nyima ha tubalu; ne bobo ne bakelenge bana babo, bantu ba mu Yuda ne badi bashikame mu Yelushalema; musoko eu newikale ne bantu tshiendelele.

Yirmeya 22:30

Yehowa udi wamba ne, Funda muntu eu bu muntu udi kayi ushala ne muana, bu muntu udi kayi uheta diakalengele mu matuku andi; bualu hua kakuena kuikala kabidi muana wa munkatshi mua bana bandi waheta diakalengele, washikama biandi mu nkuasa wa bukelenge wa Davidi, wakokesha kabidi mu buloba bua Yuda.

Yirmeya 22:4

Bua binuatumikila mei â bulelela, nunku banfumu badi bashikame mu nkuasa wa bukelenge wa Davidi nebabuele mu bibi bia ku nsubu eu, benda mu makalu ne ha nyima ha tubalu, bobo, bena mudimu babo ne bantu babo.

Matayi 19:28

Yesu wakabambila ne, Bulelela, ndi nuambila ne, Mu dituku dialedibua bintu bionso tshiakabidi, hashikama Muana wa muntu mu nkuasa wa butumbi buandi, nuenu kabidi bakundonda, nenushikame mu nkuasa dikumi ne ibidi, nulumbuluisha bisamba dikumi ne bibidi bia Isalele.

Matayi 25:31

Halua Muana wa muntu mu butumbi buandi ne banjelo bonso, neashikame mu nkuasa wa butumbi buandi;