2 Bakalenga 11:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² Hashishe bakaluhuka ne muana wa mukelenge, bakateka tshifulu tshia butumbi ha mutu handi; bakamuha mukanda wa dihungila, bakamujadika mukelenge, bakamuela manyi ha mutu handi; bakamututshila nkashi, bamba ne, Mukelenge ikale ne muoyo!

MUKANDA WA MYIDI MUKULU

¹² Ke, mutuangaji Yoyada kupatula Yowashe, kumuasa tshifulu tshia bukalenga, kumupesha mukanda wa ndondu! Pashishe, kuelabu Yowashe mafuta pa mutu bua kumujidila. Diakamue, bantu bonsu kumukumina bikashi, bela mbila, bamba ne: “Mukalenga Yowashe, akuate ku mundundu!”

2 Bakalenga 11:12 ပူးပေါင်းရင်းမြစ်များ

2 Samuele 1:10

Nunku nakimana ha buihi nʼandi, nakamushiha, bualu bua nakamanya bianyi ne, Yeye kena mua kuikala ne muoyo hakadishindeye hanshi nunku; nakangata tshifulu tshiandi tshia butumbi tshiakadi ku mutu kuandi ne lukanu lua ku diboko diandi, nakalua nʼabi kudi mukelenge wanyi.

2 Samuele 12:30

Wakangata tshifulu tshia butumbi tshia mukelenge tshiakadi ku mutu kuandi; bujitu buatshi buakadi bua ntalanta wa or, tshiakadi tshilengeshibue ne mabue, a mushinga mukole; bakatshiasa ku mutu kua Davidi. Wakanyenga bintu bia bungi bia mu musoko.

2 Samuele 16:16

Hakafika Hushai, Muena Aka, mulunda wa Davidi, kudi Abashaloma, Hushai wakambila Abashaloma ne, Mukelenge ikale ne muoyo musangu mule! Mukelenge ikale ne muoyo musangu mule!

2 Samuele 2:4

Bena Yuda bakadisangishaku, bakela Davidi manyi ha mutu bua kumuteka mukelenge wa Bena Yuda. Bakambila Davidi ne, Bena Yabesha-gilada bakajika Shaula.

2 Samuele 2:7

Nunku nukoleshe maboko enu, nuikale bena dikima; bualu bua Shaula, mukelenge wenu udi mufue, kadi Bena Yuda bakangela manyi bua meme ngikale mukelenge ku mutu kuabo.

2 Samuele 5:3

Nunku bakulu bonso ba mu Isalele bakalua kudi mukelenge mu Hebelone; mukelenge Davidi wakahunga nʼabo tshihungidi ku mesu kua Yehowa mu Hebelone; bakela Davidi manyi ha mutu bua kuikaleye mukelenge wa Bena Isalele.

1 Bakalenga 1:25

Bualu bua yeye wakuhuka lelu, wakushihela Nzambi ngombe ne bana ba ngombe ba manyi ne mikoko ya bungi, wakuhaula bana ba balume bonso ba mukelenge, ne tupitene tua masalayi andi, ne Ebeyatâ muakuidi. Katataka mona, badiadia, banuanua ku mpala kuandi bamba ne, Mukelenge Adoniya ikale ne muoyo musangu mule!

1 Bakalenga 1:34

Sadoka muakuidi ne Natana muprofete bamueleku manyi ha mutu bua kumubuesha mu bukelenge ku mutu kua Bena Isalele; elai mpungi, nuambe ne, Mukelenge Solomo ikale ne muoyo tshiendelele!

1 Bakalenga 1:39

Sadoka muakuidi wakangata lusengu lua manyi lua mu Ntenta, wakela manyi ha mutu ha Solomo. Bakela mpungi; bantu bonso bakamba ne, Mukelenge Solomo ikale ne muoyo tshiendelele!

1 Bakalenga 2:44

Mukelenge wakambila Shimei kabidi ne, Wewe udi mumanye malu mabi onso adi masokome mu mutshima webe awakenzela Davidi, tatu wanyi: nunku Yehowa neakudimune bubi buebe ha mutu hebe.

2 Bakalenga 11:11

Balami aba bakimana muntu ne muntu ne bintu bia nvita mu bianza biabo ku luseke lua nsubu lua ku tshianza tshia balume tô ne ku luseke lua nsubu lua ku tshianza tshia bakashi, bakanyunguluka tshioshelu ne nsubu ne mukelenge.

2 Bakalenga 11:2

Kadi Yehosheba, muana wa mukelenge Yolama, muanʼabo mukashi ne Ahazaya, wakangata Yoasha, muana wa balume wa Ahazaya, wakamuangata munkatshi mua bana ba mukelenge bakashihabo, wakamuteka ne mulami wandi mu nsubu wandi wa bulalu; bakamusokoka kudi Atalaya, yeye kakashihibua.

2 Bakalenga 11:4

Mu tshidimu tshia muanda mutekete tshia Yoasha Yehoyada wakabikila tupitene tua bantu nkama bantu nkama ba Bena Kala ne ba balami, bakalua kudiye mu nsubu wa Yehowa; yeye wakahunga nʼabo tshihungidi, wakabatshihisha mu nsubu wa Yehowa, wakabalesha muana wa mukelenge.

2 Bakalenga 9:13

Hashishe bakaya lubilu, muntu ne muntu, wakangata tshilulu tshiandi, bakabijingila muinshi mua makasa andi hanshi ha tshibandilu, bakela mpungi, bamba ne, Yehu udi mukelenge.

2 Bakalenga 9:3

Hashishe hatula kalondo ka manyi, wahongoluela ha mutu handi, umuambile ne, Yehowa udi wamba ne, Nakukusungula mukelenge ku mutu kua Bena Isalele. Hashishe unzulula tshibi, ya lubilu, kujingakanyi.

2 Kulondolola 23:11

Hashishe bakalua ne muana wa mukelenge, bakamuashila tshifulu tshia bukelenge, bakamuha mukanda wa dihungila; bakamuhingisha mu bukelenge; Yehoyada ne bana bandi bakamuela manyi ha mutu, bakamba ne, Mukelenge ikale ne muoyo musangu mule!

Estere 2:17

Mukelenge wakananga Esetê ku mutu kua bakashi bonso, yeye wakatamba bansongakashi bonso kusangana luse ku mesu kuandi; nunku yeye wakateka tshifulu tshia bukelenge ha mutu handi, wakamudisha mukelenge mukashi mu muaba wa Washeti.

Estere 6:8

balue ne bilulu bidi mukelenge uluata ne kabalu kadi mukelenge wenda ha nyima haku ne tshifulu tshia bukelenge tshidiye wasa ku mutu kuandi;

Misambu 132:18

Nenduatshishe bena lukuna bandi bundu, ka dî tshifulu tshiandi tshia butumbi netshikenke ku mutu wandi.

Misambu 21:3

Bualu bua udi umuakidila ne masanka mimpe; udi wasa tshifulu tshia bukelenge tshia or wa mushinga mukole ha mutu handi.

Misambu 21:4

Yeye wakakulomba muoyo, wewe wakamuhau, wakamuha matuku awakamuleheshila tô ne tshiendelele.

Misambu 47:1

Nuenu bantu bonso, hitai nkashi; elai mbila kudi Nzambi ne dî dia disanka.

Misambu 78:5

Bualu bua yeye wakajadika tshimanyishilu tshia Yakoba, wakasungula diyisha dia mikenji mu Isalele, biakeleleye batatu betu mukenji bualu buabi ne, Nubiyishe kudi bana benu baledibue.

Misambu 89:39

Wakuhidia tshihungidi tshiwakahunga ne muntu webe, wakunyenga tshifulu tshiandi tshia butumbi, wakutshiela hanshi ha buloba.

Misambu 98:8

Misulu ya mai itutakashe bianza; mikuna mihuekele imbe diatshimue bua disanka diai

Ekesode 25:16

Wewe neuteke mu mushete mabue a dihungila andi nkuha.

Ekesode 31:18

Hakashikisha Yehowa kusomba ne Mose ha mukuna wa Sinai, yeye wakamuha mabue abidi akadi ne mikenji mifundahu ne munu wa Nzambi.

Yeshaya 55:12

Bualu bua nenduhuke ne disanka, nebanulombole ne ditalala; mikuna minene ne mikuna mikese neyibishe mei ai mu kuimba kua misambu ku mpala kuenu; mitshi yonso ya mu mpata neyitutakashe bianza.

Yeshaya 8:16

Kuta mukanda wa dî dianyi dia tshimanyishilu mu muvungu, jadika diyisha dianyi mu mitshima ya bayidi banyi.

Yeshaya 8:20

Tuye ku diyisha dia mikenji ne ku tshimanyishilu tshia dî dia Nzambi! Bikala bantu kabayi bambe dî didi diakanangane ne dî adi, bulelela, butuku kabuena buanze kubatshila.

Muadi 4:20

Mukelenge muedibue manyi kudi Yehowa, wakakuatshibua mu majimba abo, utuakatekemena bu muhuya wa mûlu etu; uwakamba bualu buandi ne, Muinshi mua mundidimbi wandi netuikale ne muoyo munkatshi mua bisamba bia bantu.

Danyele 3:9

Bakambila mukelenge Nebukadenesâ ne, Wewe Mukelenge, wikale ne muoyo tshiendelele!

Danyele 6:21

Danyele wakandamuna mukelenge ne, Mukelenge, wikale ne muoyo tshiendelele!

Matayi 21:9

Bisumbu bia bantu bakadi baya ku mpala kuandi ne bakadi bamulonda ku nyima bakela mbila ne, Hosana ikale kudi muana wa Davidi; udi ulua mu dina dia Mukelenge atumbishibue; Hosana mu diulu.

Matayi 27:29

Akaluka tshifulu tshia meba tshia bukelenge, akamuasatshi ku mutu, akateka mulangala mu tshianza tshiandi tshia balume; akatua binu hanshi ku mpala kuandi, akamuseka ne, Muoyo, Mukelenge wa Bena Yuda.

Bienzedi 4:27

Bulelela, mu musoko eu, Helode ne Pontio Pilato ne bisamba bia bende ne Bena Isalele bakadisangisha bua kuelela Muana webe wa tshijila Yesu, uwakela manyi ha mutu, tshifufu,

2 Korente 1:21

Wakatujadika nʼenu mu Kilisto, wakatuela manyi ha mutu, nNzambi;

Ebrewu 1:9

Wewe wakusua malu makane ne udi ne malu mabi tshishi; Bua bualu ebu Nzambi, Nzambi webe mene, Wakuela manyi a disanka ba mutu hebe Ne diela dia manyi ditamba diakeleye bakuebe.

Ebrewu 2:9

Kadi tudi tumutangila yeye wakakeheshibua kakese kudi Banjelo, Yesu mene, bualu bua dikenga dia lufu muashibue tshifulu tshia butumbi ne buneme, bua ku ngasa wa Nzambi alabuile muntu yonso lufu.

Didimanyisha 19:12

Mesu andi adi ludimi lua kahia, ne ha mutu bandi hadi bifulu bia butumbi bia bungi; ne udi ne dinu difunda, didi muntu kai mudimanye, anu yeye nkayandi.

1 Samuele 10:1

Hashishe Samuele wakangata mulondo wa manyi, wakâhongolola ha mutu handi, wakamutua mishiku, wakamba ne, Yehowa kakakuela manyi bua wewe wikale mukelenge ku mutu kua buhianyi buandi, anyi?

1 Samuele 10:24

Samuele wakambila bantu bonso ne, Tangilai, yeye wakadi Yehowa musungule kakuena mukuabo bu yeye munkatshi mua bantu bonso. Bantu bonso bakela mbila ne, Mukelenge ikale ne muoyo!

1 Samuele 16:13

Hashishe Samuele wakangata lusengu lua manyi, wakamuela manyi ha mutu handi munkatshi mua bana babo; Nyuma wa Yehowa wakatulukila Davidi bikole ku dituku adi. Nunku Samuele wakajuka, wakahingana ku Lama.