2 Bakalenga 10:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Nunku muntu wakadi ku mutu kua nsubu, ne wakadi ku mutu kua musoko ne bakulu bakadi badiundisha bana ba Ahaba, bakatumina Yehu dî ne, Tuetu tudi bantu bebe, netuenze bu mu dî diebe; katuena tudisunguila muntu bu mukelenge; enza muonso mûdi umona ne muimpe.

MUKANDA WA MYIDI MUKULU

⁵ Diakamue, mulombodi wa nzubu wa bukalenga, mulombodi wa bena mvita ba tshimenga atshi, bakulu ne balongeshi, kutumina Yehu mukanda ne: “Tuetu tudi bena mudimu bebe. Netuenze bionsu biudi wamba. Katuena basue kusungula mukalenga mukuabu mupiamupia to. Nanku, enza muudi musue.”

2 Bakalenga 10:5 ပူးပေါင်းရင်းမြစ်များ

1 Bakalenga 20:32

Nunku bakaluata bilulu bikayabala mu bifuka biabo, bakasuika mionshi ku mitu yabo, bakalubuka kudi mukelenge wa Isalele, bakamuambila ne, Muntu webe Bene-hadada udi wamba ne Ndi nkusengelela ne, unshiye ne muoyo. Wakakonka ne, Yeye utshidi ne muoyo, anyi? Yeye udi muanʼetu.

1 Bakalenga 20:4

Mukelenge wa Isalele wakamukudimuna ne, Mukelenge wanyi, bualu ebu nebuikale anu bu mu dî diebe; ndi webe ne bintu bionso bindi nʼabi.

2 Bakalenga 10:6

Hashishe yeye wakabandila mukanda musangu muibidi, wakabambila ne, Binuikala ku luseke luanyi, binuasua kunvua dî dianyi, hashishe nutule mitu ya bana balume ba mukelenge wenu, nulue n ai kundi ku Yizelele makelela ha diba edi. Ku tshikondo atshi bana balume ba mukelenge makumi muanda mutekete bakadi ne bantu banene ba mu musoko bakadi babadiundisha.

2 Bakalenga 18:14

Hezikiya, mukelenge wa Yuda, wakatumina mukelenge wa Ashû dî mu Lakisha ne Nakukuenzela bibi; usesuke kundi, nenkuhe mulambu udi ungambila Mukelenge wa Ashû wakafutshisha Hezikiya, mukelenge wa Yuda, milambu ya ntalanta ya argent nkama isatu ne ntalanta ya or makumi asatu.

Yirmeya 27:17

Kanubunvuidi; nukuatshile mukelenge wa Babulona mudimu, bua nuikale ne muoyo. Musoko eu udi ne bualu bua kulua bikulu bua tshinyi?

Dibadika 11:12

Meme nakimitshisha baledi ba bantu aba mafu, anyi, nakabalela, anyi, bua wewe wakungambila ne, Ubatuale ha tshiadi tshiebe, bu mudi muledi utuala muana utshidi wamua, tô ne ku buloba buwakalaya batatuʼabo?

Yowanane 12:26

Biangenzela muntu mudimu, andonde; muena mudimi wanyi neikale kundi ngikala; biangenzela muntu mudimu, Tatu neamutumbishe.

Yoshua 9:11

Bakulu betu ne bena kuetu bonso bakatuambila ne, Angata! bintu bia kudia mu nshila mu bianza bienu, yai bienu kusangakana nʼabo, nubambile ne, Tuetu tudi bahika benu, nuhunge nʼetu tshihungidi.

Yoshua 9:8

Bobo bakambila Yoshua ne, Tuetu tudi bahika bebe. Yoshua wakabakonka ne, Nudi banganyi? Nuakufuma kudi kunyi?