2 Bakalenga 10:35 - Mukanda wa Nzambi Dihungila Dikulukulu ne Dihungila Dihia-dihia 2003

³⁵ Yehu wakalala tulu ne bankambua bandi; bakamujika mu Samalea. Yehoaza, muanʼandi, wakakokesha mu muaba wandi.

MUKANDA WA MYIDI MUKULU

^35-36 Yehu uvua mushale mu bukalenga mu tshimenga tshia Samariya bidimu makumi abidi ne muanda mukulu. Yeye mumane kufua, kumujiikabu mu Samariya. Muanende wa balume Yowakaze kumupingana mu bukalenga.

2 Bakalenga 10:35 ပူးပေါင်းရင်းမြစ်များ

2 Samuele 7:12

Hakumbana matuku ebe, hawalala tulu ne bankambua bebe, nensungile muana webe udi uluhuka munda muebe, nenjadike bukelenge buandi.

1 Bakalenga 1:21

Biwabenga kuenza nunku, hashishe, halala mukelenge wanyi tulu ne bankambua bandi, nebatubale meme ne muanʼanyi Solomo bu bantu badi balenduisha bakuabo.

1 Bakalenga 14:20

Matuku onso akakokesha Yalobama bantu akadi bidimu makumi abidi ne bibidi; wakalala tulu ne bankambua bandi; Nadaba, muana wandi, wakakokesha mu muaba wandi.

1 Bakalenga 14:31

Lehabama wakalala tulu ne bankambua bandi. Bakamujika mu lukita lua bankambua bandi mu musoko wa Davidi; dina dia mamu wandi diakadi Nama, Muena Amona. Abiyama, muanʼandi wa balume, wakakokesha mu muaba wandi.

1 Bakalenga 2:10

Davidi wakalala tulu ne bankambua bandi, bakamujika mu musoko wa Davidi.

2 Bakalenga 10:30

Yehowa wakambila Yehu ne, Bualu bua wewe wakuenza malu akadi mimpe ku mesu kuanyi, wakuenzela ba mu nsubu wa Ahaba malu anakasungula mu mutshima wanyi, nunku bana bebe ba balume nebashikame mu nkuasa wa bukelenge wa Isalele tô ne ku bikondo binai.

2 Bakalenga 10:34

Bienzedi bia Yehu bikuabo biakenzeye ne bukole buandi buonso kabiena bifunda mu mukanda wa kulondolola kua malu a bakelenge ba Isalele, anyi?

2 Bakalenga 10:36

Musangu wakakokesha Yehu Bena Isalele mu Samalea wakadi bidimu makumi abidi ne muanda mukulu.

2 Bakalenga 13:1

Mu tshidimu tshia makumi abidi ne bisatu tshia bukelenge bua Yoasha, muana wa Ahazaya, mukelenge wa Yuda, Yehoaza, muana wa Yehu, wakabanga kukokesha Bena Isalele mu Samalea; wakabakokesha bidimu dikumi ne muanda mutekete.

2 Bakalenga 13:9

Yehoaza wakalala tulu ne bankambua bandi, bakamujika mu Samalea; Yoasha muanʼandi wakakokesha mu muaba wandi.