2 Bakalenga 10:3 - Mukanda wa Nzambi Dihungila Dikulukulu ne Dihungila Dihia-dihia 2003

³ nunku nudisunguile umue wa bana balume ba mukelenge wenu udi utamba buakane, numushikike mu nkuasa wa bukelenge wa tatu wandi, nuluile ba mu nsubu wa mukelenge wenu nvita.

MUKANDA WA MYIDI MUKULU

³ nusungule diakamue ku ndelanganyi ya mukalenga Akabe, muntu udi ukumbana bua kuikala mukalenga. Numubanjije, asombe mu nkuasa wa bukalenga. Kabidi nudilongolole bua kuluangana mvita, kusungidila diku dia bukalenga.”

2 Bakalenga 10:3 ပူးပေါင်းရင်းမြစ်များ

2 Bakalenga 10:2

Hafika mikanda ei kunudi, bualu bua bana balume ba mukelenge wenu batshidi nʼenu, ne nudi ne makalu ne tubalu ne musoko wa lumbu ne bintu bia nvita;

2 Bakalenga 10:4

Kadi bobo bakatamba kutshina; bakambilangana ne, Bakelenge babidi kabakamanya mua kuimana ku mpala kuandi, nunku tuetu netuimane munyi?

Yowanane 18:36

Yesu wakamukudimuna ne, Bukelenge buanyi kabuena bua ha buloba ebu; bu bukelenge buanyi buikale bua ha buloba ebu, bantu banyi bakadi kuluangana, tshifidibu mu bianza bia Bena Yuda; kadi katataka bukelenge buanyi kabuena bua kunoko.

1 Samuele 10:24

Samuele wakambila bantu bonso ne, Tangilai, yeye wakadi Yehowa musungule kakuena mukuabo bu yeye munkatshi mua bantu bonso. Bantu bonso bakela mbila ne, Mukelenge ikale ne muoyo!

1 Samuele 11:15

Bantu bonso bakaya ku Gilegala: bakasungula Shaula mukelenge ku mpala kua Yehowa mu Gilegala; bakafilaku milambu idi ivuisha bantu ditalala ku mpala kua Yehowa; Shaula ne Bena Isalele bonso bakatamba kusankaku.