2 Bakalenga 10:19 - Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Nunku mbikidilai baprofete bonso ba Bâla ne batendeledi bandi bonso ne bakuidi bandi bonso: nansha umue wabo kashadi, bualu bua bundi nʼabu mbua kufila mulambu munene kudi Bâla; yonso washala kena wikala ne muoyo. Kadi Yehu wakenza bualu ebu ne budimu bua yeye amanye mua kushiha batendeledi ba Bâla.

MUKANDA WA MYIDI MUKULU

¹⁹ Nanku, bikilayi bambi ba Baale bonsu, batendeledi ne batuangaji bende, bafike kundi bonsu. Muntu nansha umue wa kudibu kashadi to. Bualu ndi musue kuenzeja tshibilu tshinene, bua kulambula Baale milambu. Bantu bonsu badi kabayi bafike, nebabashipe. Yehu uvua wamba nanku ne budimu bua kushipa bantu bavua batendelela mvidie Baale.

2 Bakalenga 10:19 ပူးပေါင်းရင်းမြစ်များ

1 Bakalenga 18:19

Nunku utume dî dia kubikila Bena Isalele bonso kundi ha mutu ha mukuna wa Kâmele, ne baprofete ba Bâla nkama inai ne makumi atanu, ne baprofete ba Bashela nkama inai badi badia bidia ku mesa a Izebele.

1 Bakalenga 22:6

Hashishe mukelenge wa Isalele wakasangisha baprofete bu nkama inai, wakabebesha ne, Nye kuluangana ne Bena Lamota-gilada, anyi nshale? Bakamuambila ne, Uye biebe, bualu bua Yehowa neafile musoko mu bianza bia mukelenge.

2 Bakalenga 10:18

Yehu wakasangisha bantu bonso diatshimue, wakabambila ne, Ahaba wakakuatshila Bâla mudimu mukese, kadi Yehu neamukuatshile mudimu wa bungi.

2 Bakalenga 3:13

Elisha wakebesha mukelenge wa Isalele ne, Ndi nʼebe bualu kai? Ya biebe kudi baprofete ba tatuʼebe ne ba mamuʼebe. Mukelenge wa Isalele wakamukudimuna ne, Nansha, bualu bua Yehowa wakabikila bakelenge aba basatu hohamue bua kubafila mu bianza bia Bena Moaba.

Yobe 13:7

Nudi basue kuakuila Nzambi ne mei adi kâyi makane, anyi? Nudi basue kuamba mei a mashimi bua bualu buandi, anyi?

Nsumuinu 29:5

Udi ubomba muena mutumba nʼandi udi wandila makasa andi bukuondo.

2 Korente 11:3

Kadi ndi ntshina ne, Bu muakadi nyoka udinga Eva ne budimu buandi, bumue meshi enu neahambuishibue ku dilamata diau ne butoke buau bidi kudi Kilisto.

2 Korente 4:2

kadi tuakahidia malu masokome a bundu, katuena tuendakana ne budimu, katuena tudinga bantu ne dî dia Nzambi, kadi tudi tudianyisha ku dimuenesha dia bushua ku muoyo-mukese wa muntu yonso ku mesu kua Nzambi.

1 Tesalonike 2:3

Bua dinusengelela dietu kadiena dia mashimi anyi dia bukoya bua mutshima anyi dia lubombo;