2 Bakalenga 10:18 - Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Yehu wakasangisha bantu bonso diatshimue, wakabambila ne, Ahaba wakakuatshila Bâla mudimu mukese, kadi Yehu neamukuatshile mudimu wa bungi.

MUKANDA WA MYIDI MUKULU

¹⁸ Yehu kubikidisha bena mu Samariya bonsu, ubambila ne: — Mukalenga Akabe uvua utendelela mvidie Baale nankunanku. Kadi, meme Yehu, nentendelele mvidie awu mupite mukalenga Akabe.

2 Bakalenga 10:18 ပူးပေါင်းရင်းမြစ်များ

1 Bakalenga 18:19

Nunku utume dî dia kubikila Bena Isalele bonso kundi ha mutu ha mukuna wa Kâmele, ne baprofete ba Bâla nkama inai ne makumi atanu, ne baprofete ba Bashela nkama inai badi badia bidia ku mesa a Izebele.

1 Bakalenga 18:22

Hashishe Eliya wakambila bantu ne, Anu meme nkayanyi nakashala muprofete wa Yehowa, kadi baprofete ba Bala badi bantu nkama inai ne makumi atanu.

1 Bakalenga 18:40

Eliya wakabambila ne, Kuatai baprofete ba Bâla, nansha umue wabo kanyemi. Bakabakuata; Eliya wakaya nʼabo ku kasulu ha Kishona, wakabashihelaku.

2 Bakalenga 17:16

Bakabenga mikenji yonso yakabambila Yehowa, Nzambi wabo, bakadienzela mpingu ya tshiamu tshiakafulabo, tuana tua ngombe tubidi mene mene; bakadienzela Bashela, bakatendelela bintu bionso bia mu diulu, bakakuatshila Bâla mudimu kabidi.

2 Bakalenga 3:2

Wakenza malu mabi ku mesu kua Yehowa; kadi kakenza bu muakenza tatu wandi ne mamu wandi; bualu bua yeye wakumusha luhingu lua Bâla luakenza tatu wandi.

Yobe 13:7

Nudi basue kuakuila Nzambi ne mei adi kâyi makane, anyi? Nudi basue kuamba mei a mashimi bua bualu buandi, anyi?

Rome 3:8

Munyi katuambi ne, Tuenze malu mabi bua kuvuisha malu mimpe (bu mudibo batushiminyina ne bu mudi bakuabo bamuangalasha lumu ne, Badi bamba)? Dihila diabo nedikale dijalama.

Filipe 4:8

Bana betu, tshiashadidi mpindiu, ne, Malu onso adi malelela, ne malu onso adi a buneme, ne malu onso adi makane, ne malu onso adi a butoke bua mutshima, ne malu onso adi malengele a dinanga, ne malu onso adi ne lumu luimpe; bikalaku buimpe ne bikalaku butumbi, nuelangane meshi a malu â.