2 Bakalenga 10:16 - Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Wakamuambila ne, Ulue nʼanyi, umone lukunukunu lundi nʼalu kudi Yehowa. Nunku bakamushikika mu dikalu diandi.

MUKANDA WA MYIDI MUKULU

¹⁶ Yehu kuambila Yonadabe ne: — Tuye nebe, umone mundi ngenzela Maweja-Nangila mudimu ne muoyi mujima. Nanku, Yehu kuya ne Yonadabe mu ditempu diende.

2 Bakalenga 10:16 ပူးပေါင်းရင်းမြစ်များ

1 Bakalenga 19:10

Yeye wakitaba ne, Nakadi ne lukunukunu lua bungi bualu bua Yehowa, Nzambi wa misumba; bualu bua Bena Isalele bakashiha tshihungidi tshiebe, bakela bioshelu biebe hanshi, bakashiha baprofete bebe ku miele ya nvita; anu meme nkayanyi ndi mushale, ne badi bakeba muoyo wanyi bua kûnyenga.

1 Bakalenga 19:14

Yeye wakamba ne, Nakadi ne lukunukunu lua bungi bualu bua Yehowa, Nzambi wa misumba; bualu bua Bena Isalele bakashiha tshihungidi tshiebe, bakela bioshelu biebe hanshi, bakashiha baprofete bebe ku miele ya nvita, anu meme nkayanyi ndi mushale, badi bakeba muoyo wanyi bua kûnyenga.

1 Bakalenga 19:17

Hashishe muntu udi uhanduka ku muele wa nvita wa Hazaele, Yehu neamushihe; muntu udi uhanduka ku muele wa nvita wa Yehu, Elisha neamushihe.

2 Bakalenga 10:17

Hakafikabo ku Samalea, Yehu wakashiha bonso bakashala ba Ahaba mu Samalea tô ne hakababutuleye bonso bu muakadi dî dia Yehowa diakambileye Eliya.

2 Bakalenga 10:31

Kadi Yehu kakatamba kuenda mu nshila wa mikenji ya Yehowa, Nzambi wa Isalele, ne mutshima wandi wonso; yeye kakabenga malu mabi a Yalobama akenzesheye Bena Isalele.

Nsumuinu 27:2

Munga muntu akutumbishe, kadi mukana muebe kamukutumbishi nansha. Muntu wa bende akutumbishe, kadi mishiku yebe kayikutumbishi.

Yezekiyele 33:31

Nunku badi balua kûdi bu muakadibo balua diambedi, ne badi bashikama ku mpala kuebe badifuanyikisha bu bantu banyi; badi bunvua mei ebe, kadi kabena baenza; badi ne dinanga dinene ku mishiku, kadi mitshima yabo idi mitangisha ku luhetu luabo.

Dibadika 23:4

Nzambi wakasangakena ne Belâma, ne Belâma wakamuambila ne, Nakasa bioshelu muanda mutekete, nakosha mulume wa ngombe ne tshimpanga ha tshioshelu ne ha tshioshelu.

Matayi 6:2

Hawaha bantu bintu bia luse, kuedi mpungi ku mpala kuebe bu mutu bena lubombo benza mu nsunagoga ne mu misesu, bua bantu babatumbishe. Bulelela, ndi nuambila ne, Bobo bakumana kuangata difutu diabo.

Matayi 6:5

Hanuatendelela Nzambi, kanuikadi bu bena lubombo; bobo badi basue kutendelela Nzambi bimana mu nsunagoga ne mu masanga a nshila bua bantu babamone. Bulelela, ndi nuambila ne, Bobo bakumana kuangata difutu diabo.

Rome 10:2

Bua ndi mumanyi wa bualu buabo ne, Badi ne lukunukunu kudi Nzambi, kadi kandua lungenyi lulelela.