2 Bakalenga 1:3 - Mukanda wa Nzambi Dihungila Dikulukulu ne Dihungila Dihia-dihia 2003

³ Kadi muanjelo wa Yehowa wakambila Eliya, Muena Tishebe, ne, Juka, uye kusangila ne ba-messager ba mukelenge wa Samalea, uheheshe ne, Nudi nuyila kuebesha Bâla-zebuba, nzambi wa Ekelona, bualu, bualu bua kakuena Nzambi mu Isalele, anyi?

MUKANDA WA MYIDI MUKULU

³ Kadi, mutumibue wa Maweja-Nangila kuya kuambila muambi Eliya, muena Tishebe, ne: — Juka uye kusambakena ne bantu badi mukalenga Akaziya wa mu Samariya mutume, ubakonke ne: “Mu ditunga dia bena Izrayele kamuena Mvidi Mukulu anyi? Nudi nuya kukonka anu mvidie Baale Zebube, udi mu Ekrone bua tshinyi?”

2 Bakalenga 1:3 ပူးပေါင်းရင်းမြစ်များ

1 Bakalenga 11:33

bualu bua bobo bakundekela, bakutendelela Bashetoleta, nzambi mukashi wa Bena Sidona, ne Kemosha, nzambi wa Bena Moaba, ne Milekoma, nzambi wa Bena Amona; kabakuenda mu nshila yanyi, bua kuenzabo malu adi mimpe ku mesu kuanyi ne bua kutumikilabo mei anyi ne mikenji yanyi bu muakenza Davidi tatu wandi.

1 Bakalenga 17:1

Eliya, Muena Tishebe, wakadi usomba mu Gilada, wakambila Ahaba ne, Bu mudi Yehowa, Nzambi wa Isalele, ne muoyo, undi ngimana ku mpala kuandi, nansha mume nansha nvula kabiena bimueneka bidimu ebi anu ku dî dianyi.

1 Bakalenga 18:1

Hakahita matuku a bungi, dî dia Yehowa diakalua kudi Eliya mu tshidimu tshisatu ne, Ya, udimueneshe kudi Ahaba, ne meme nendokeshe nvula ha buloba.

1 Bakalenga 18:36

Hakafika diba dia dilolo diakafilabo milambu ya kuosha, Eliya muprofete wakasemena ha buihi, wakamba ne, Yehowa, Nzambi wa Abalahama ne wa Isaka ne wa Isalele, bantu bamanye ne, Wewe udi Nzambi wa mu Isalele, ne meme muntu webe nakuenza malu â onso anu ku dî diebe.

1 Bakalenga 19:5

Wakalala tulu muinshi mua mutshi wa genêt: mona, muanjelo wakamulenga tshianza, wakamuambila ne, Juka biebe, udie.

1 Bakalenga 19:7

Muanjelo wakalua kudiye tshiakabidi, wakamulenga tshianza, wamba ne, Juka biebe, udie, bualu bua luendu ludi lukutonda.

1 Bakalenga 21:17

Dî dia Yehowa diakalua kudi Eliya, Muena Tishebe, ne,

2 Bakalenga 1:2

Ahazaya wakakuluka mu tusoso tua mabaya a madidishi a ku nsubu wandi wa kulu wa mu Samalea, wakasama; wakabikila ba-messager bandi, wakabambila ne, Yai bienu kudi Bâla-zebuba, nzambi wa mu Ekelona, numuebeshe ne, Meme nensangale ku disama edi, anyi?

2 Bakalenga 1:6

Bakamuambila ne, Muntu wakasangila nʼetu, wakatuambila ne, Alukilai, nuhingane kudi mukelenge wakanutuma, numuambile ne, Yehowa udi ukonka ne, Nudi nuyila kuebesha Bâla-zebuba, nzambi wa Ekelona, bualu, bualu bua kakuena Nzambi mu Isalele, anyi? Nunku wewe kuena ujuka ha bulalu bûdi mulale, kadi neufue bulelela.

2 Bakalenga 1:8

Bakamuambila ne, Wakadi ne tshikowelu tshia miosa ne mukaba wa tshiseba ku tshifuka tshiandi. Yeye wakamba ne, Yeye udi Eliya, Muena Tishebe.

2 Bakalenga 5:15

Nunku wakahingana kudi muntu wa Nzambi, yeye ne tshisumbu tshiandi tshionso, bakimana ku mpala kuandi; wakamuambila ne, Katataka ndi mumanye ne, Kakuena Nzambi mukuabo ha buloba buonso anu mu Isalele; nunku ndi nkusengelela ne, Wangate kuha kudi muntu webe.

2 Bakalenga 5:8

Hakunvua Elisha, muntu wa Nzambi, lumu ne, Mukelenge wa Isalele wakahanda bilulu biandi, yeye wakatumina mukelenge dî ne, Wakuhandila bilulu biebe tshinyi? Alue biandi kundi, amanye biandi ne muprofete udi mu Isalele.

Misambu 76:1

Badi bamanye Nzambi mu Yuda, dina diandi didi dinene mu Isalele.

Yeshaya 8:19

Hanuambila bantu ne, Nukebe lungenyi kudi bena lubuku lua muzangu ne kudi bena muhongo badi bakula bu biambi ne badi banungana, bualu kabuena bukuata bantu bua kukeba lungenyi kudi Nzambi wabo, anyi? Bua kukuatshisha badi ne muoyo, budibo nʼabu mbua kuya kudi bafue, anyi?

Yona 2:8

Badi beyemena mpingu ya hatuhu idi ibadinga badi balekela Mubafuidi wa luse.

Marke 3:22

Bafalese bakadi bafume ku Yelushalema bakamba ne, Yeye udi ne Belezebula, udi umusha bademon mu dina dia mukelenge wa bademon.

Bienzedi 8:26

Muanjelo wa Mukelenge wakambila Filipo ne, Bika, ya ku luseke lua ku sude mu nshila udi mumuke ku Yelushalema muye ku Aza; nshila au wa mu tshihela.

1 Samuele 17:46

Yehowa neakufile mu tshianza tshianyi lelu eu: nenkushihe, nenkutule mutu webe; nendishe nyunyu ya mulu ne nyama ya mu tshisuku bitalu bia bena nvita ba Bena Peleshete lelu; bantu bonso ba ha buloba nebamanye ne, Nzambi udi munkatshi mua Bena Isalele bulelela;