2 Bakalenga 1:17 - Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Nunku mukelenge wakafua bu mu dî dia Yehowa diakamba Eliya. Yeholama wakabanga kukokesha mu muaba wandi mu tshidimu tshibidi tshia bukelenge bua Yeholama, muana wa Yehoshafata, mukelenge wa Yuda, bualu bua yeye kakadi ne muana wa balume.

MUKANDA WA MYIDI MUKULU

¹⁷ Mukalenga Akaziya kufua, anu muvua Maweja-Nangila muambile muambi Eliya. Mukalenga Akaziya kavua ne muana wa balume to. Nanku, muanabu Yorame kumupingana mu bukalenga, mu tshidimu tshibidi tshivua Yorame, muana wa Yosafate, mu bukalenga bua bena Yuda.

2 Bakalenga 1:17 ပူးပေါင်းရင်းမြစ်များ

1 Bakalenga 17:16

Bukula abu kabuakashika ne tuanyi tua mu kasu katuakakeha bu muakadi dî dia Yehowa diakambeye mukana mua Eliya.

1 Bakalenga 22:38

Hakadibo buvuwa dikalu ku mushimi wa mai wa mu Samalea, mbua yakalaka mashi andi (bakashi ba masandi bakadi bowelaku mai), bu mu dî diakamba Yehowa.

1 Bakalenga 22:42

Yehoshafata wakadi ne bidimu makumi asatu ne bitanu hakabangeye kukokesha; wakakokesha mu Yelushalema bidimu makumi abidi ne bitanu. Dina dia mamu wandi diakadi Azuba, muana wa Shilihi.

1 Bakalenga 22:51

Ahazaya, muana wa Ahaba, wakabanga kukokesha Bena Isalele mu Samalea mu tshidimu tshia dikumi ne muanda mutekete tshia bukelenge bua Yehoshafata mukelenge wa Yuda; wakakokesha Bena Isalele bidimu bibidi.

2 Bakalenga 1:18

Bienzedi bia Ahazaya bikuabo biakenzeye kabiena bifunda mu mukanda wa kulondolola kua malu a bakelenge ba Isalele, anyi?

2 Bakalenga 10:17

Hakafikabo ku Samalea, Yehu wakashiha bonso bakashala ba Ahaba mu Samalea tô ne hakababutuleye bonso bu muakadi dî dia Yehowa diakambileye Eliya.

2 Bakalenga 3:1

Yeholama, muana wa Ahaba, wakabanga kukokesha Bena Isalele mu Samalea mu tshidimu tshia dikumi ne muanda mukulu tshia bukelenge bua Yehoshafata, mukelenge wa Yuda; yeye wakakokesha bidimu dikumi ne bibidi.

2 Bakalenga 9:36

Nunku bakahingana, bakamuambila. Yeye wakamba ne, Edi ndî dia Yehowa diakambeye kudi muntu wandi Eliya, Muena Tishebe, ne, Mbua neyidie Izebele mu muaba wa Yizelele;

2 Kulondolola 17:1

Yehoshafata muanʼandi wakakokesha mu muaba wandi, wakadikolesha bua kuluisha Bena Isalele.

Dielulula 34:5

Nunku Mose, muinu wa Yehowa, wakafua mu buloba bua Moaba muakamba Yehowa.