2 Bakalenga 1:13 - Mukanda wa Nzambi Dihungila Dikulukulu ne Dihungila Dihia-dihia 2003

¹³ Wakatuma kapitene kakuabo ne bantu bandi makumi atanu. Kapitene kisatu kakaya ne bantu bandi makumi atanu, kakatua binu biandi hanshi ku mpala kua Eliya, kakamusengelela ne, Wewe, muntu wa Nzambi, ndi nkusengelela ne, Witabushe bua muoyo wanyi ne mioyo ya bantu aba, bena mudimu bebe, makumi atanu ikale ya mushinga mukole ku mesu kuebe.

MUKANDA WA MYIDI MUKULU

¹³ Musangu muisatu, mukalenga Akaziya kutuma kabidi mulombodi mukuabu ne bena mvita makumi atanu. Kubandabu pa mukuna. Anu bamone Eliya, mulombodi wa bena mvita kutuaye binu panshi, utendakena Eliya, wamba ne: — Muambi wa Mvidi Mukulu, kunshipi, kabidi kushipi bantu aba makumi atanu bandi nabu!

2 Bakalenga 1:13 ပူးပေါင်းရင်းမြစ်များ

1 Bakalenga 13:6

Mukelenge wakambila muntu wa Nzambi ne, Undombele luse lua Yehowa, Nzambi webe, bua yeye angakashile tshianza tshianyi kabidi. Muntu wa Nzambi wakamulombela Yehowa ne tshianza tshia mukelenge tshiakakana kabidi bu muakaditshi diambedi.

2 Bakalenga 1:12

Eliya wakabambila ne, Bingikala muntu wa Nzambi, kahia kafuma mu diulu, kakuoshe ne bantu bebe makumi atanu. Kahia kakafuma kudi Nzambi, kakamuosha ne bantu bandi makumi atanu.

2 Bakalenga 1:14

Mona, kahia kakafuma mu diulu diambedi kakosha tupitene tubidi ne bantu batu makumi atanu makumi atanu; kadi witabushe bua muoyo wanyi wikale wa mushinga mukole ku mesu kuebe.

Misambu 102:17

Neateleje matshu andi ku kulomba kua bakengi, kena ulengulula mulombu wabo.

Misambu 72:14

Neuhikule mioyo yabo ku tshinyangu ne malu makole, ne mashi abo neikale tshintu tshia mushinga mukole ku mesu kuandi.

Ekesode 11:8

Bantu bebe bonso nebalue kundi, nebankukuile, nebambe ne, Ya biebe ne bantu bonso badi balonda ku nyima kuebe, ne ku nyima kua bualu ebu nempatuke. Wakaluhuka kudi Palô ne tshiji tshikole.

Nsumuinu 27:22

Biwatua muhote ne muinshi mu tshinu hamue ne manvua, buhote buandi kabuena bûmuka kudiye.

Muambi 9:3

Ebu mbualu bubi bua mu malu onso adi menjibue muinshi mua diba ne nshikidilu umue udi kudi bantu bonso; bulelela, mitshima ya bana ba bantu idi miule tente ne malu mabi; kutomboka kudi mu mitshima yabo hatshidibo ne muoyo; ku nyima badi baya kudi bafue.

Yeshaya 1:5

Bualu kai nutshidi ne bualu bua banukume kabidi, bua nudi nunanukila kutombokela? Mutu wonso udi musame, mutshima wonso udi muhungile.

Yeshaya 60:14

Bana ba balume ba bantu aba bakakukengesha nebalue badinamina hanshi kûdi; bantu aba bonso bakakuhetula nebatue mpala yabo hanshi tô ne ku makasa ebe mene; nebakubikile ne, Musoko wa Yehowa, Siona wa Wa Tshijila wa Isalele.

Yeshaya 66:2

Yehowa udi wamba ne, Bua tshianza tshianyi tshiakufuka bintu ebi bionso, ne bintu ebi bionso biakulua bianyi. Kadi eu mmuntu undi ntekemena, nyeye udi ne mutshima muhuekele ne wa majia, udi uzakala ku dî dianyi.

Yirmeya 5:3

Wewe Yehowa, mesu ebe kaena amona bualu bulelela, anyi? Wewe wakubakengesha, kadi kabakunyingalala; wewe wakubabutula, kadi bakubenga kuitabusha diyisha; bakukolesha mpala yabo mihite mabue bukole, bakuhidia kualukila kûdi.

Yakobe 4:7

Nunku nudikokeshe kudi Nzambi; kadi nukandamene diabolo ne yeye neanunyeme.

Didimanyisha 3:9

Mona, ndi nkuha ba mu nsunagoga wa Satana, ba munkatshi mua badi badiamba ne, Tudi Bena Yuda, ne kabena nunku, kadi badi bashima; mona, nembavuishe bua kuluabo ne bua kukukuilabo ku makasa ebe, ne bua kumanyabo ne nakukusua.

1 Samuele 26:21

Hashishe Shaula wakamba ne, Nakuenza bibi; hingana, muanʼanyi Davidi, bualu bua tshiena nkuenzela bibi tshikondo tshikuabo, bualu bua muoyo wanyi wakadi bu tshintu tshia mushinga mukole ku mesu kuebe lelu; mona, nakuenza bu muntu muhote, nakutamba kuhambuka.