2 Bakalenga 1:10 - Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Eliya wakambila kapitene ka bantu bandi makumi atanu ne, Bingikala muntu wa Nzambi, kahia kafume mu diulu, kakuoshe ne bantu makumi atanu badi nʼebe. Kahia kakafuma mu diulu kakamuosha ne bantu bandi makumi atanu.

MUKANDA WA MYIDI MUKULU

¹⁰ Eliya kuandamuna ne: — Bu mundi muambi wa Mvidi Mukulu, ndi ndomba bua kapia kafume mu diulu kanubutule: wewe ne bantu makumi atanu banudi nabu! Diakamue, kapia kufuma mu diulu, kubutula mulombodi wa bena mvita, ne bantu makumi atanu bavuaye nabu.

2 Bakalenga 1:10 ပူးပေါင်းရင်းမြစ်များ

1 Bakalenga 22:28

Mikaya wakamuambila ne, Biwahingana talalâ, bulelela, Yehowa kena mungambile bualu. Yeye wakamba ne, Nuenu bantu bonso, unvuai.

2 Bakalenga 1:11

Yeye wakatuma kapitene kakuabo ne bantu bandi makumi atanu kudiye kabidi. Kakamuambila ne, Wewe, muntu wa Nzambi, mukelenge udi wamba ne, Uhueke biebe lubilu.

2 Kulondolola 36:16

kadi bobo bakaseka bambi ba Nzambi; bakahetula mei andi, bakahenda baprofete bandi tô ne hakamueneka tshiji tshia Yehowa kudi bantu bandi tshidi katshiyi tshishika.

Yobe 1:16

Hakatshidiye wakula, mukuabo wakalua, wakamba ne, Kahia kafuma kudi Nzambi kakatuluka mu diulu, kakosha mikoko ne bansongalume bakadi bayilama, kakabishidisha. Anu meme nkayanyi nakuhanduka bua kukuambila.

Misambu 105:15

Wakamba ne, Kanulengi bantu banyi bedibue manyi ha mutu tshianza, kanuenzedi baprofete banyi bibi.

Misambu 106:18

Kahia kakatema munkatshi mua tshisumbu tshiabo; ludimi lua kahia luakosha bantu babi.

Danyele 3:22

Bualu bua mukenji wa mukelenge wakadi mukole ne bua tshikutu tshiakatamba kuhishibua, nunku ndimi ya kahia yakashiha bantu aba bakadi bambula Shadalaka, Meshaka ne Abedenego.

Danyele 3:25

Yeye wakabakudimuna ne, Monai, ndi ntangila bantu banai basuluke, bendakana mu kahia, kabayi ne bualu. Tshinfuanyi tshia muinai tshidi bu tshinfuanyi tshia muana mukuabo wa nzambi.

Danyele 6:24

Hashishe, mukelenge wakela dî diandi ne, Balue ne bantu aba bakabanda Danyele, babele mu buina bua ntambue, bobo bine, bana babo baledibue ne bakashi babo. Diambedi kabayi banze kufika hanshi ha buina mene, ntambue yakabahita bukole, yakatshibula mifuba yabo yonso bituha bituha.

Lewitiki 10:2

Kahia bakahatuka kudi Yehowa, kakabosha, bakafua ku mpala kua Yehowa.

Dibadika 11:1

Bantu bakadi batontolodi, bualu ebu buakadi bubi ku matshu a Yehowa ne hakabunvua Yehowa, tshiji tshiakamukuata, kahia ka Yehowa kakabosha tô ne ku matshika a tshitudilu.

Dibadika 16:35

Kahia bakahatuka kudi Yehowa, kakosha balume nkama ibidi ne makumi atanu bakadi bafila musenga wa manananshi.

Matayi 21:41

Bobo bakamba ne, Yeye neashihe bantu aba babi, neashie budimi buandi mu bianza bia binga bidime, nebifile mamuma mu bianza biandi halua bidimu biau.

Luke 9:54

Bayidi bandi Yakobo ne Yone, hakamonabo bualu ebu, bakakonka ne, Mukelenge, udi musue tuetu tulombe kahia kalue mu diulu bua kubosha, anyi?

Bienzedi 12:19

Helode wakamukeba; hakahangeye kumumona, wakebesha balami, wakabalumbuluisha ne, Baye nʼabo bua kubashiha. Yeye wakumuka mu Yudaya, wakahueka ku Kaisalia, wakashikamaku.

Ebrewu 12:29

bualu bua Nzambi wetu udi kahia kadi kashidisha.

Didimanyisha 11:5

Ne biasua muntu kubenzela bibi, kahia kadi kahatuka mukana muabo, kadi kashidisha badi nʼabo lukuna; ne biasua muntu kubenzela bibi, budiye nʼabu mbua kushihibua nunku,