1 Samuele 9:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Yeye wakamuambila ne, Mona, mu musoko eu mudi muntu wa Nzambi, bantu bonso badi bamutumbisha; malu onso adiye wamba adi alua malelela; tuye bietu kudiye, yeye atujinguluile ku luendu kutuyaya.

MUKANDA WA MYIDI MUKULU

⁶ Muena mudimu kuandamuna ne: — Ndi mumanye bimpe ne: mu tshimenga tshidi kumpala kuetu, mudi muambi, muntu udi ne lumu lunene. Bionsu bidiye umanyisha bantu, bidi bienzeka anu mudiye muambe amu. Nanku tuye kudiye mpindiewu. Misangu mikuabu udi mua kutuleja luseke lutudi mua kuya kukebela nyama ayi.

1 Samuele 9:6 ပူးပေါင်းရင်းမြစ်များ

Genese 24:42

Hanakufika lelu ku mushimi wa mai, nakuamba ne, Yehowa, Nzambi wa mukelenge wanyi Abalahama, biwasua kungendesha dikasa dimpe mu nshila unaya,

2 Samuele 15:27

Mukelenge wakambila Sadoka muakuidi kabidi ne, Wewe kuena mumonyi wa malu, anyi? Hingana ku musoko talalâ, wewe ne bana bebe balume babidi, Ahimasa, muana webe, ne Yonatana, muana wa Ebeyatâ.

1 Bakalenga 13:1

Muntu wa Nzambi wakafuma mu Yuda, wakafika ku Betele bu mu dî dia Yehowa. Yalobama wakadi muimane ku tshioshelu bua kuosheye musenga wa manananshi.

2 Bakalenga 5:8

Hakunvua Elisha, muntu wa Nzambi, lumu ne, Mukelenge wa Isalele wakahanda bilulu biandi, yeye wakatumina mukelenge dî ne, Wakuhandila bilulu biebe tshinyi? Alue biandi kundi, amanye biandi ne muprofete udi mu Isalele.

2 Bakalenga 6:6

Muntu wa Nzambi wakamuebesha ne, Tshiakahona kudi kunyi? Yeye wakamuosha muaba. Yeye wakakosa mutshi, wakawela mu mai, ne tshisui tshiakalelemuka.

Misambu 25:12

Muntu kai udi utshina Yehowa? Yehowa neamumanyishe nshila udiye ne bua kusungula.

Yeshaya 44:26

Ndi yeye udi ujadika dî dia muntu wandi, udi ushikisha mei a miloho yandi. Ndi yeye udi wamba bua Yelushalema ne, Bantu nebashikamemu; udi wamba bua misoko ya Yuda ne, Neyibakibue kabidi, nengase nsubu tshiakabidi mu miaba idi bikulu.

Matayi 24:35

Diulu ne buloba nebijimine, kadi mei anyi kêna ajimina.

Dielulula 33:1

 mmasanka akavudishila Mose, muntu wa Nzambi, Bena Isalele, diambedi yeye kayi muanze kufua.

1 Tesalonike 2:10

Nuenu nudi bamanyi ne Nzambi udi mumanyi kabidi bu mutuakanuenzela nuenu badi bitabusha malu a tshijila ne adi makane ne adi kâi mua kubandibua;

1 Tesalonike 5:13

bua nuenu nubabale bu banudi nutamba kutumbisha mu dinanga bua mudimu wabo. Nuikalangane ne ditalala munkatshi muenu.

1 Timote 6:11

Kadi wewe, muntu wa Nzambi, nyema malu â; londa malu makane ne a buimpe bua Nzambi ne ditabusha ne dinanga ne ditantamana ne kalolo.

1 Samuele 2:27

Muntu wa Nzambi wakalua kudi Eli, wakamba ne, Yehowa udi ukukonka ne, Tshiakadimuenesha kudi ba mu nsubu wa tatu webe hakadibo mu Ejipitu mu nsubu wa Palo, anyi?

1 Samuele 9:8

Muena mudimu wakambila Shaula ne, Mona, ndi ne tshituha tshinai tshia nshekele wa argent mu tshianza tshianyi; nentshihe muntu wa Nzambi bua kutumanyisheye nshila wetu.