1 Samuele 9:21 - Mukanda wa Nzambi Dihungila Dikulukulu ne Dihungila Dihia-dihia 2003

²¹ Shaula wakamukudimuna dî ne, Meme tshiena Muena Benyamina, tshisamba tshidi tshihita bisamba bionso bia Bena Isalele bukese, anyi? Diku dianyi kadiena dihita meku onso a tshisamba tshia Benyamina bubale, anyi? Udi ungambila meme malu au munyi?

MUKANDA WA MYIDI MUKULU

²¹ Shawule kuandamna ne: — Kuambi nanku, bualu meme ndi muena Binyamine. Ndi muntu wa mu kasamba kakese ka bena Izrayele. Kabidi mu tshisamba tshia Binyamine emu, diku dianyi ke didi ne bantu bapite bukese. Kadi mmunyi muudi mua kungambila bualu bua nanku?

1 Samuele 9:21 ပူးပေါင်းရင်းမြစ်များ

Misambu 68:27

Ka Benyamina mukese udiku, mukokeshi wabo; bakokeshi ba Yuda mu tshisumbu tshiabo tshinene, bakokeshi ba Zebuluna ne bakokeshi ba Nafatale badiku.

Misambu 68:28

Nzambi, lesha bukole buebe; Nzambi, jadika malu awakuenza bualu buetu.

Osheya 13:1

Hakamba Bena Efelayima dî, buowa buakakuata bantu; bakamutumbisha kudi Bena Isalele; kadi hakahendabo Nzambi mu kutendelela kuabo kua Bâla, bakafua.

Luke 14:11

Bualu bua wadibandisha nebamuhuekeshe, wadihuekesha nebamubandishe.

Efeze 3:8

Kundi meme, udi mutambe basanto bonso kuhuekela, bakampa ngasa eu bua meme kuambila ba bisamba bia bende bua bubanshi bua Kilisto budibo kabai bamanye mua kubuidikisha;

1 Samuele 10:27

Kadi bantu bakuabo balembakane bakakonkangana ne, Muntu eu neatusungile munyi? Nunku bakamulengulula, kabakamuha kantu kakese. Kadi yeye wakahuwa biandi talalâ.

1 Samuele 14:51

Kishi wakadi tatu wa Shaula; ne Nê, tatu wa Abinê, wakadi muana mulume wa Abiele.

1 Samuele 15:17

Samuele wakamba ne, Bawakadi bu muntu muhuekele ku mesu kuebe, kabena bakuteka ku mutu kua bisamba bia Bena Isalele, anyi? Yehowa wakakuela manyi ha mutu, wakasungula mukelenge wa Isalele;

1 Samuele 18:18

Davidi wakambila Shaula ne, Meme ndi nganyi, ne muoyo wanyi udi tshinyi, ne ba mu nsubu wa tatu wanyi badi banganyi mu Isalele bua meme kuikala muku wa mukelenge?

1 Samuele 18:23

Bahika ba Shaula bakamba mei au mu matshu a Davidi. Davidi wakakonka ne, Bualu ebu bua kuikala muku wa mukelenge budi bumueneka kunudi bu bualu bukese, anyi? Bualu bua meme ndi muntu muhele, ne tshiena ne butumbi.

1 Samuele 9:22

Samuele wakangata Shaula ne muena mudimu wandi, wakaya nʼabo mu nsubu wa tshiala benyi, wakabashiha mu miaba ya butumbi munkatshi mua bantu bonso bakabikilabo bua kudia, bakadi bantu makumi asatu.