1 Samuele 7:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ Samuele wakangata muana wa mukoko utshivua wamua mabele, wakamufila bu mulambu wa kuosha mujima ha kahia kudi Yehowa; Samuele wakalombela Bena Isalele Yehowa bikole; Yehowa wakamunvuila.

MUKANDA WA MYIDI MUKULU

⁹ Samuwele kuangata muana wa mukoku, kuulambula Maweja-Nangila, kuoshaye mujima. Pashishe kulombaye Maweja-Nangila bua afuile bena Izrayele luse. Maweja-Nangila kuitaba dilomba adi.

1 Samuele 7:9 ပူးပေါင်းရင်းမြစ်များ

Misambu 50:15

Umbikile mu dituku dia makenga; nenkuhandishe, ne wewe neuntumbishe.

Misambu 99:6

Mose ne Alona bakadi munkatshi mua bakuidi bandi, Samuele kabidi wakadi munkatshi mua badi babikila dina diandi, bakadila kudi Yehowa, yeye wakabitaba.

Yirmeya 15:1

Hashishe Yehowa wakangambila ne, Bu Mose ne Samuele bimane ku mpala kuanyi, tshiakadi kulesha bantu aba diakalengele. Ubihate ku mesu kuanyi, bahatuke biabo.

Lewitiki 22:27

Halelabo muana kudi ngombe anyi kudi mukoko anyi kudi mbushi, yeye neikale ne mamuʼandi matuku muanda mutekete, ku dituku dia muanda mukulu ne matuku adi ku mpala badi mua kumufila bu mulambu wa kuoshila Yehowa ha kahia.

Dielulula 9:26

Nakatendelela Yehowa, nakamba ne, Mukelenge Yehowa, kushihi bantu bebe ne buhianyi buebe buwakahikula ne bukole buebe, bantu bawakahatula mu Ejipitu ne tshianza tshikole.

Yakobe 5:16

Nunku nutondelangane mibi yenu, nulombelangane Nzambi, bua nuenu mikoleshibue. Disengelela dia muntu muakane didi ne bukole bua bungi mu kuenza kuadi.

Balombodi 6:26

wibakile Yehowa, Nzambi webe, tshioshelu ha mutu ha dibue edi, mu muaba mulongolola, wangate ngombe au muibidi, umufileku bu mulambu wa kuosha ha kahia ne nkunyi ya mutshi wa Ashela uwataba.

Balombodi 6:28

Bakabika bantu ba mu musoko ne dinda dionso, bakamona ne tshioshelu tshia Bâla tshiakadi tshishimbula, ne mutshi wa Ashela wakadi ha buihi nʼatshi wakadi mutaha, ne hakamana kufila ngombe muibidi ha tshioshelu tshiakasabo.

1 Samuele 10:8

Bûdi nʼabu mbua kudianjila ku mpala kuanyi ku Gilegala; ne mona, meme nempueke kûdi bua kufila milambu ya kuosha ha kahia ne milambu ya kuvuishila nʼai bantu ditalala; ungindileku matuku muanda mutekete ne hanalua bua kukulesha bualu bûdi ne bua kuenza.

1 Samuele 12:17

Kabena banowa blé lelu, anyi? Kadi meme nembikile Yehowa bua yeye anutumine nvula ne mikungulu; nuenu nenumanye, nenutangile ne bubi buenu budi bunene bunuakuenza ku mesu kua Yehowa hanuakadilombela mukelenge.

1 Samuele 16:2

Samuele wakamba ne, Nenye munyi? Biunvua Shaula lumu elu, yeye neanshihe. Yehowa wakamba ne, Uye ne lukungulu lua ngombe, Wamba ne, Nyaya bua kushihela Yehowa.

1 Samuele 2:35

Nenditekele muakuidi wa kanemu; yeye neangenzele malu anakasungula mu mutshima wanyi ne mu lungenyi luanyi. Meme nenjadike nsubu wandi: yeye nende ku mesu kua wanyi unakuela manyi ha mutu tshiendelele.

1 Samuele 7:17

Wakadi uhingana ku Lama bualu bua nsubu wandi wakadiku: wakalumbululaku Bena Isalele, wakashilaku Yehowa tshioshelu.

1 Samuele 9:12

Bakabakudimuna di ne, E, udiku; monai, udi ku mpala kuenu, endeshai mpindiu, bualu bua yeye wakalua ku musoko anu lelu; bantu badi ne bualu bua kufilabo milambu lelu ku mutu kua mukuna.