1 Samuele 7:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Bakadisangisha ku Misepa, bakasuna mai, bakâhongolola ku mesu kua Yehowa, bakajila bia kudia dituku adi, bakamba ne, Tuakuenzela Yehowa bibi. Samuele wakalumbulula Bena Isalele mu Misepa.

MUKANDA WA MYIDI MUKULU

⁶ Bena Izrayele kudisangisha ku Mispa. Kusunabu mayi, kuitshikijabu panshi kumpala kua Maweja-Nangila. Kujilabu biakudia dituku adi. Pashishe kutondabu mibi yabu, bamba ne: tuvua batombokela Maweja-Nangila. Nanku, anu ku Mispa aku, Samuwele kutuadija kulombola bena Izrayele.

1 Samuele 7:6 ပူးပေါင်းရင်းမြစ်များ

Genese 31:49

Misepa, bualu bua yeye wakamba ne, Yehowa atulame meme ne wewe, hatuamuangalaka muntu ne muntu.

2 Samuele 14:14

Bualu bua butudi nʼabu mbua kufua; tudi bu mai akelabo ha buloba, kabena bamanye mua kuasuna kabidi; Nzambi kena unyenga muoyo wa muntu, kadi udi ulongolola bua muntu udibo bihata kikadi bu muntu mubengibue kudiye.

1 Bakalenga 8:47

kadi biabangabo kuelangana meji munda muabo mu buloba buwakabatuma bu bahika, ne biakudimunabo mitshima yabo, biakutendekenabo mu buloba buwakabatuma bu bahika, bamba ne, Tuakuenza bibi, tuakuenza bualu buhote, tuakahambuka;

1 Kulondolola 11:18

Bantu aba basatu bakahitshila munkatshi mua Bena Peleshete bakakoka mai a mu dina dia mu Beteleheme diakadi ha buihi ne tshibuelelu tshia musoko, bakatua nʼau kudi Davidi; kadi Davidi wakahidia kuanua, wakâhongolola kudi Yehowa,

2 Kulondolola 20:3

Yehoshafata wakatshina, wakahangidisha bua kukeba Yehowa; wakela mukenji wa bantu bajile bia kudia mu nseke yonso ya Yuda.

Nehemya 9:27

Nunku wewe wakabafila mu bianza bia bena lukuna babo, bakabakengesha; mu tshikondo tshia dikenga diabo hakadilabo kûdi, wewe wakabunvuila mu diulu; bu mudi bunene bua luse luebe wewe wakabaha basungidi bakabasungila mu bianza bia bena lukuna babo.

Yobe 16:20

Balunda banyi badi bambuidia; kadi mesu anyi adi ahumuina Nzambi binsonshi,

Yobe 3:24

Kuhumuna kuanyi kudi kulua ku mpala kua bia kudia bianyi, ne kutua kuanyi kua mikemu kukole kudi kuhumuka bu mai.

Yobe 33:27

Udi wimba ku mpala kua bantu, wamba ne, Nakuenza bibi, nakukonyangasha malu akadi malulame diambedi, Nzambi kakanfutshisha dikenga diakanangane ne bubi buanyi.

Yobe 40:4

Mona, ndi muntu muhuekele; nenkukudimune wewe dî kai? Ndi nteka tshianza tshianyi ku mishiku yanyi.

Yobe 42:6

Bua muanda eu ndi mudihishe, ndi ukudimuna mutshima wanyi, ndi nsomba mu luhuishi ne mu butue.

Misambu 106:6

Tuakuenza bibi bu muakenza batatu betu; tuakuenza malu a tshishiku, tuakuenza malu mabi.

Misambu 119:136

Mesu anyi adi ahatula binsonshi bu misulu ya mai; bualu bua bantu kabena batumikila mikenji yebe.

Misambu 42:3

Binsonshi bianyi biakulua bia kudia bianyi munya ne butuku, hatshidi bantu bankonka dinda tô ne ku dilolo ne, Nzambi webe udi hanyi?

Misambu 6:6

Kutua kuanyi kua mikemu kudi kuntonda; butuku buonso ndi mpumuna binsonshi bu mai mu bulalu buanyi, ne mu kudila kuanyi ndi mbolesha bulalu buanyi.

Misambu 62:8

Nuenu bantu, numueyemene misangu yonso, nuhumune milombu ya mu mitshima yenu ku mpala kuandi; Nzambi udi tshinyemenu tshietu.

Yirmeya 31:19

Hakantuminabo kukuabo, nakakudimuna mutshima wanyi; hakanyishabo ne dikenga, nakadikuma ha tshibelu; nakadi ne bundu bulelela, nakatshinyishibua, bualu bua nakadituadila malu a mu bunsongalume akanfuisha bundu.

Yirmeya 36:9

Mu tshidimu tshitanu tshia mu bukelenge bua Yehoyakima, muana wa Yoshiya, mukelenge wa Yuda, mu ngondo wa tshitema, bantu bonso ba mu Yelushalema ne bantu banso bakafuma ku misoko ya Yuda bua kubuela mu Yelushalema, bakela mukenji bua kujila bia kudia ku mpala kua Yehowa.

Yirmeya 9:1

Nakadi kusua bua mutu wanyi wikale bu mai, ne mesu anyi ikale bu mushimi wa binsonshi, bua meme ndile munya ne bufuku bua bantu bakashihabo ba muana mukashi wa bana betu!

Muadi 2:11

Mesu anyi adi mûle tente ne binsonshi, mutshima wanyi udi unyingalala; mutshima wanyi wakuhandika, bualu bua kubutuka kua muana mukashi wa bana betu, bualu bua bana batekete ne bana batshidi bamua mabele badi bahungila mu misesu ya musoko.

Muadi 3:49

Mesu anyi adi uhuekesha binsonshi, bidi kabiyi bikama, kabiyi bikeha,

Muadi 5:16

Tshifulu tshia butumbi tshiakutuka ku mutu kuetu; tudi ne mulau! Bualu bua tuakuenza bibi.

Yezekiyele 20:4

Muana wa muntu, wewe neubalumbuluishe, anyi? Neubalumbuluishe, anyi? Nunku ubamanyishe bua malu a tshinyangu a batatu babo.

Osheya 5:1

Unvuai dî edi, nuenu bakuidi! Nungunvuile, nuenu Bena Isalele! Telejai matshu enu, nuenu ba mu nsubu wa mukelenge! Bualu bua tshilumbu tshidi tshinukuata mene; bualu bua nuakulua buteyi ku Misepa, ne bukuondo buvungulule ha mukuna wa Tabô.

Yowele 2:12

Yehowa udi wamba ne, Mpindiu mene, nuhingane kundi ne mitshima yenu yonso, jilai bia kudia, dilai, asai miadi.

Lewitiki 16:29

Bualu ebu nebuikale mukenji kunudi tshiendelele mu dituku dia dikumi mu ngondo wa muanda mutekete nenujinge mu mitshima yenu, kanuenji mudimu, nansha bantu baledibue mu nsubu yenu nansha benyi badi munkatshi muenu,

Lewitiki 26:40

Bobo nebatonde mibi yabo, nebatonde mitu ya batatuʼabo kabidi disambuka diabo dia mikenji ne kumpidia kuabo,

Luke 15:18

Nembike, nenye kudi tatu wanyi, nemuambile ne, Tatu, nakuenzela diulu bibi, nakuenza bibi ku mesu kuebe kabidi.

Yoshua 18:26

ne Misepe ne Kefila ne Moza,

Balombodi 10:10

Bena Isalele bakadila kudi Yehowa, bamba ne, Tuetu tuakakuenzela bibi, bualu bua tuetu tuakalekela Nzambi wetu, tuakakuatshila Babâla mudimu.

Balombodi 10:15

Bena Isalele bakambila Yehowa ne, Tuakenza bibi, utuenzele bu mûdi musue, kadi anji kutusungila lelu, tudi tukusengelela.

Balombodi 2:4

Hashishe bakambila muanjelo wa Yehowa Bena Isalele bonso mei â, bobo bakaha miadi, bakadila.

Balombodi 20:23

Bena Isalele bakaya, bakadila ku mpala kua Yehowa tô ne dilolo; bakebesha Yehowa ne, Netuhingane bua kuluangana ne bana betu Bena Benyamina kabidi, anyi? Yehowa wakabambila ne, Nubaluishe.

Balombodi 20:26

Hashishe Bena Isalele bonso ne bantu bonso bakaya ku Betele, bakadila, bakashikamaku ku mpala kua Yehowa, bakajila bia kudia dituku adi tô ne dilolo; bakasaku milambu ya kuosha ha kahia ne milambu ya kubavuisha nʼai ditalala kudi Yehowa.

Balombodi 3:10

Nyuma wa Yehowa wakamutulukila, yeye wakalumbuluila Bena Isalele; yeye wakaya kuluangana nvita, ne Yehowa wakafila Kushana-lishatayima, mukelenge wa mu Mesopotamia, mu tshianza tshiandi; tshianza tshiandi tshiakahita Kushana-lishatayima bukole.

1 Samuele 1:15

Hana wakamukudimuna ne, Nansha, mukelenge wanyi, ndi mukashi udi ne mutshima munyingalala; tshiakanua nvinyo anyi maluvu makole; kadi nakuambila Yehowa malu onso adi mu mutshima wanyi.

1 Samuele 10:17

Samuele wakabikila bantu bua kudisangishabo kudi Yehowa ku Misepa.

1 Samuele 12:10

Bobo bakadila kudi Yehowa, bakamba ne, Tuakenza bibi, bualu bua tuetu tuakalekela Yehowa, tuakakuatshila Babâla ne Bashatelota mudimu; kadi katataka utusungile mu bianza bia badi nʼetu lukuna, ne tuetu netukukuatshile mudimu.

1 Samuele 7:15

Samuele wakalumbulula Bena Isalele matuku onso a muoyo wandi.