1 Samuele 7:17 - Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Wakadi uhingana ku Lama bualu bua nsubu wandi wakadiku: wakalumbululaku Bena Isalele, wakashilaku Yehowa tshioshelu.

MUKANDA WA MYIDI MUKULU

¹⁷ Pashishe, Samuwele uvua upingana kuende ku Rama, muaba uvuaye ulumbuluisha bena Izrayele. Muaba awu, uvua muashila Maweja-Nangila tshilambuilu.

1 Samuele 7:17 ပူးပေါင်းရင်းမြစ်များ

Genese 33:20

Wakenzaku tshioshelu, wakatshidika dina ne, El-Elohe Isalele.

Genese 35:7

Wakenzaku tshioshelu wakabikila mua ba au ne, Ele-betele bualu bua mu muaba eu Nzambi wakamueneka kudiye hakadiye unyema ku mesu kua mukuluʼandi.

Yeshaya 10:29

Wakumana kuhitshila ku tshibuelelu tshia mu luhongo; badi bamba ne, Geba ntshitudilu tshietu tshia butuku. Ba mu Lama badi bazakala, ba mu Gibea wa Shaula badi banyema.

Balombodi 4:5

Yeye wakadi mushikame muinshi mua mabue a Debola, hankatshi ha Lama ne Betele ku mikuna ya Efelayima; Bena Isalele bakahanda kudiye bua yeye abalumbuluile.

Balombodi 6:24

Hashishe Gideona wakibakilaku Yehowa tshioshelu, wakatshibikila ne, Yehowa-Shaloma; tshitshidiku tô ne lelu mu Ofela wa Bena Abiezê.

1 Samuele 1:1

Muntu wa mu Lamatayimasofima wa ku mikuna ya Efelayima wakadiku, dina diandi Elekana, muana wa Yelohama, muana wa Elihu, muana wa Tohu, muana wa Sufa, Muena Efelayima,

1 Samuele 1:19

Bakabika dinda hatshiatshia honso, bakatendelela ku mpala kua Yehowa, bakahingana, bakafika ku nsubu wabo mu Lama: Elekana wakamanya Hana, mukashi wandi, ne Yehowa wakamuvuluka.

1 Samuele 11:15

Bantu bonso bakaya ku Gilegala: bakasungula Shaula mukelenge ku mpala kua Yehowa mu Gilegala; bakafilaku milambu idi ivuisha bantu ditalala ku mpala kua Yehowa; Shaula ne Bena Isalele bonso bakatamba kusankaku.

1 Samuele 14:35

Shaula wakashila Yehowa tshioshelu; tshiakadi tshioshelu tshia diambedi tshiakashileye Yehowa.

1 Samuele 15:34

Hashishe Samuele wakaya ku Lama; Shaula wakabanda ku nsubu wandi ku Gibea wa Shaula.

1 Samuele 2:11

Elekana wakahingana ku Lama ku nsubu wandi. Muana wakakuatshila Yehowa mudimu ku mesu kua Eli muakuidi.

1 Samuele 28:3

Katataka Samuele wakamana kufua, Bena Isalele bonso bakamujinga, bakamujika mu Lama mu musoko wandi mene. Shaula wakamana kumusha bakadi ne mbuku ne bena muhongo mu buloba.

1 Samuele 8:4

Hashishe, bakulu bonso ba Bena Isalele bakadisangisha hamue, bakalua kudi Samuele ku Lama;

1 Samuele 9:12

Bakabakudimuna di ne, E, udiku; monai, udi ku mpala kuenu, endeshai mpindiu, bualu bua yeye wakalua ku musoko anu lelu; bantu badi ne bualu bua kufilabo milambu lelu ku mutu kua mukuna.