1 Samuele 7:10 - Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Hakatshidi Samuele ufila mulambu wa kuosha, Bena Peleshete bakafika ha buihi bua kuluanganabo ne Bena Isalele; Yehowa wakakunguishila Bena Peleshete mikungulu mikole, wakabatatshisha dituku adi, nunku bakashihibua kudi Bena Isalele.

MUKANDA WA MYIDI MUKULU

¹⁰ Nanku, patshivua Samuwele ulambula mulambu, bena Peleshete bavua bamane kusemena pabuipi, bua kuluisha bena Izrayele. Kadi Maweja-Nangila kudidisha makubakuba makole. Bena mvita ba bena Peleshete kupapuka bikole ne bowa, bena Izrayele kutshimuna bena Peleshete.

1 Samuele 7:10 ပူးပေါင်းရင်းမြစ်များ

Misambu 18:15

Hashishe, nshila ya mu mai manene yakamueneka ku mesu, ne bishimikidi bia buloba biakasokolodibua, bua kubela kuebe, Yehowa, ne bua kuhuja kua muhuya wa mu diulu diebe.

Misambu 29:3

Di dia Yehowa didi ha mai; Nzambi wa butumbi udi ukungusha mikungulu ya nvula, Yehowa mene udi uyikungusha ha mutu ha mai mangi.

Misambu 29:4

Dî dia Yehowa didi dî dikole, dî dia Yehowa didi diule tente ne butumbi.

Misambu 78:66

Wakalukisha bena lukuna bandi tshianyima; wakabaluisha bundu tshiendelele.

Zekâya 4:6

Nunku yeye wakitaba, wakangambila ne, Edi ndî dia Yehowa kudi Zelubabela ne, Kabiena bua bungi bua masalayi, anyi bua bukole, kadi mbua Nyuma wanyi; Yehowa wa misumba udi wamba nunku.

Dielulula 28:7

Yehowa neanuihatshile bena lukuna badi bahika ku mesu kuenu; nebalue kunudi mu nshila umue, nebanyeme ku mesu kuenu mu nshila muanda mutekete.

Yoshua 10:10

Yehowa wakabalubakasha ku mpala kua Bena Isalele, wakabashiha ne dishiha dikole ku Gibeona; bakabihata mu nshila wa kubanda ku Bete-holona tô ne ku Azeka ne Makeda.

Balombodi 4:15

Yehowa wakatatshisha Sisela ne makalu andi onso ne bantu bandi bonso ku miele ya nvita ya Balaka; ne Sisela wakumuka ku dikalu diandi, wakanyema ku makasa andi.

Balombodi 5:20

Mitoto ya mu diulu yakaluangana, mitoto ya mu nshila yai yakaluangana ne Sisela.

Balombodi 5:8

Bobo bakasungula nzambi mihia-mihia, ne hashishe nvita yakadi ku bibi bia musoko; bakamona ngabu anyi difuma munkatshi mua binunu makumi anai bia Bena Isalele, anyi?

1 Samuele 12:17

Kabena banowa blé lelu, anyi? Kadi meme nembikile Yehowa bua yeye anutumine nvula ne mikungulu; nuenu nenumanye, nenutangile ne bubi buenu budi bunene bunuakuenza ku mesu kua Yehowa hanuakadilombela mukelenge.

1 Samuele 14:15

Bantu bonso bakadi mu tshitudilu ne mu madimi kabidi bakazakala; ne masalayi ne bambudi ba bintu bakazakala; buloba buakakanka kabidi, nunku kukanka kunene kua buloba kuakadiku.

1 Samuele 2:10

Bualu bua Yehowa neabutule bantu badi baluangana nʼandi: neabakume ne makubakuba a mu diulu: Yehowa nealumbuluishe badi kunfudilu kua buloba; neaheshe mukelenge wandi bakole, neabandishe lusengu lua wakueleye manyi ha mutu wandi.

1 Samuele 7:11

Bena Isalele bakumuka ku Misepa, bakalonda Bena Peleshete, bakabashiha tô ne hakafikabo ku Bete-kâ.