1 Samuele 6:3 - Mukanda wa Nzambi Dihungila Dikulukulu ne Dihungila Dihia-dihia 2003

³ Bakamba ne, Binuatuma mushete wa Nzambi wa Isalele, kanûtumi hatuhu, kadi numutekelehu mulambu wa kubuikila nʼau mibi; nenuondahibue, nenumanye bu mudi tshianza tshiandi katshiyi tshiumuke kunudi.

MUKANDA WA MYIDI MUKULU

³ Batuangaji ne bena Mbuku kuandamuna ne: — Panuikala basue kupingaja mushete wa Mvidi Mukulu wa bena Izrayele, kanuena mua kuupingaja tshianana to. Mbimpe nulambuleku Mvidi Mukulu wa bena Izrayele mulambu wa didia tshibalu. Nanku masama enu neajike. Kabidi nenujadike tshivua Maweja-Nangila ewu unukengeshila anu kunukengesha, kayi ulekela kunuleja bukole buende.

1 Samuele 6:3 ပူးပေါင်းရင်းမြစ်များ

Yobe 10:2

Nengambile Nzambi ne, Kumpishi nansha; undeshe bualu butudi tufuila nʼebe.

Ekesode 23:15

Nenudie bidia bidi kabiyi ne luevene matuku muanda mutekete, mu tshikondo tshinakasungula mu ngondo wa Abiba (bualu bua nuakaluhuka mu Ejipitu mu ngondo au) muntu kalu ku mesu kuanyi ne bianza bituhu,

Ekesode 34:20

Nenuhikule banʼa bute benu ba mpunda ku muanʼa mukoko; binuikala kanuyi nubahikula, nutshibule nshingu yabo. Nenuhikule banʼa bute benu ba balume bonso. Kanulu ku mesu kuanyi ne bianza bituhu.

Ekesode 8:15

Kadi bakatangila Palô ne, Bualu buakushika, wakakolesha mutshima wandi, kakabinvuila, bu muakamba Yehowa.

Lewitiki 5:6

yeye neafile mulambu kudi Yehowa wa disambuka dia mikenji, nansha muana mukashi wa mukoko nansha muana mukashi wa mbushi, bu mulambu wa disambuka dia mikenji, ne muakuidi neafile mulambu bua kumubuikidila nʼau bubi buandi.

Lewitiki 6:6

Yeye neafile mulambu wa disambuka dia mikenji kudi Yehowa, tshimpanga tshidi katshiyi ne tshialua tshia mushinga ûdi witabusha kudi muakuidi bu mulambu wa disambuka dia mikenji,

Dielulula 16:16

Balume bonso nebamueneke ku mesu kua Yehowa, Nzambi wenu, misangu isatu ku tshidimu ku tshidimu mu muaba udiye Usungula: ku disanka dia mampa adi kâyi ne luevene, ne ku disanka dia mbingu ai muanda mutekete, ne ku disanka dia bitandatanda; kabamueneki ku mesu kua Yehowa ne bianza bituhu:

1 Samuele 5:11

Bobo bakatuma dî, bakabikila bakelenge ba Bena Peleshete, bakabambila ne, Numushe mushete wa Nzambi wa Isalele kutudi, uye ku muaba wau, kautushihi ne bana betu. Bualu bua bena musoko bakadi ne dikenga dikole, tshianza tshia Nzambi tshiakatamba kubanemena bujitu.

1 Samuele 5:7

Hakatangila Bena Ashedodo ne bualu budi nunku, bakambilangana ne, Mushete wa Nzambi wa Isalele kaushadi kutudi, bualu bua tshianza tshiandi tshiakulua bujitu hamʼbidi hetu ne ha Dagona, nzambi wetu.

1 Samuele 5:9

Hakenzabo nunku, tshianza tshia Yehowa tshiakalesha bena musoko au, ne tshiakabahita bikole; yeye wakashiha bantu ba mu musoko ne bakese ne banene, masungu akabakuata kabidi.

1 Samuele 6:8

nuangate mushete wa Yehowa, nuteke ha dikalu, nuteke bintu bia or binudi numuhingishila bu mulambu mu mushete mukuabo, nûsuike ku mpenge; nutume mushete, uye.

1 Samuele 6:9

Tangilai, ne biayau malulame mu nshila wa ku mukalu wau wa ku Bete-shemeshe, nemmanye ne Nzambi wakatuenzela bualu ebu bubi; kadi biayau mu nshila mukuabo, nemmanye ne tshianza tshiandi katshiakatushiha, kadi bualu buakatukuata ku mpukahuka.