1 Samuele 6:17 - Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Ebi mbifuanyikishi bia or bia masungu biakahingishila Bena Peleshete Yehowa bu milambu ya kubuikidila nʼai mibi; ku Ashedodo tshimue, ku Gaza tshimue, ku Ashekelona tshimue, ku Gata tshimue, ku Ekelona tshimue;

MUKANDA WA MYIDI MUKULU

¹⁷ Bintu bivua bileja disama dia mulaka, bia tshiamu tshia mpawungi, bivua bena Peleshete balambula Maweja-Nangila, bua mulambu wa didia tshibalu bivua bungi nenku: bena tshimenga tshia Asdode bavua bafila tshintu tshimue, bena Ngaza tshimue, bena Askalone tshintu tshimue, bena Ngate tshintu tshimue ne bena Ekrone tshintu tshimue.

1 Samuele 6:17 ပူးပေါင်းရင်းမြစ်များ

2 Samuele 1:20

Kabambi bualu ebu mu Gata, lumu elu kalumanyibu mu misesu ya Ashekelona; bua bana bakashi ba Bena Peleshete kabasanki, bua bana bakashi ba bantu badi kabayi batengula kabatambi bukole.

2 Samuele 21:22

Aba banai bakaledibua mu Gata kudi bantu bale ba nfiondo, bakashihibua ku bianza bia Davidi ne bia bantu bandi.

2 Bakalenga 1:2

Ahazaya wakakuluka mu tusoso tua mabaya a madidishi a ku nsubu wandi wa kulu wa mu Samalea, wakasama; wakabikila ba-messager bandi, wakabambila ne, Yai bienu kudi Bâla-zebuba, nzambi wa mu Ekelona, numuebeshe ne, Meme nensangale ku disama edi, anyi?

2 Kulondolola 26:6

Yeye wakaya kuluangana ne Bena Peleshete, wakashimbula ngumbu ya Gata ne ya Yabene ne ya Ashedodo; yeye wakasa misoko mikuabo mu buloba bua Ashedodo munkatshi mua Bena Peleshete.

Yirmeya 25:20

bantu ba bisamba bikuabo badi babuelakana nʼabo; bakelenge bonso ba mu buloba bua Uza, bakelenge bonso ba mu buloba bua Bena Peleshete, ba mu Ashekelona, ba mu Gaza, ha mu Ekelona ne ba mu Ashedodo badi bashale.

Lewitiki 5:7

Bikaleye kayi ne mushinga wa muana wa mukoko, yeye neafile mulambu wa disambuka dia mikenji kudi Yehowa, nansha nyunyu ya nkutshi ibidi nansha mputu nyunyu ibidi, nyunyu umue bu mulambu wa kubuikila nʼau bubi ne mukuabo bu mulambu wa kuosha ha kahia.

Amosa 1:6

Yehowa udi wamba dî edi ne, Bua malu mabi asatu a ba mu Gaza, nansha bua anai, tshiena nkudimuna dikenga dindualua kubakengesha nʼadi; bualu bua bakaya ne tshisamba tshijima tshia bantu mu buhika, bua kubafila kudi Bena Edome.

Amosa 6:2

Hitai tô ne ku Kalene, nutangile; umukaiku, nuye ku Hamata munene; hashishe, nuhueke tô ne ku Gata wa Bena Peleshete. Bobo badi bahita makelenge enu â buakane, anyi? Buloba buabo budi buhita buenu bunene, anyi?

Dielulula 28:27

Yehowa neanutumine biusha bia mu Ejipitu, ne disama dia muiaka, ne mpusu ne lubila: masama adibo kabayi mua kuondaha.

Balombodi 1:18

Bena Yuda bakanyenga Gaza kabidi ne matshika au, ne Ashekelona ne matshika au, ne Ekelona ne matshika au.

Balombodi 14:19

Nyuma wa Yehowa wakamutulukila bikole, yeye wakahueka ku Ashekelona, wakashiha balume babo makumi asatu, wakangata bivualu biabo, wakabifila kudi bantu bakajingulula dijimbu diandi. Tshiji tshiandi tshiakatamba kutema; yeye wakabanda ku nsubu wa tatu wandi.

Balombodi 16:1

Shimishona wakaya ku Gaza, wakatangilaku mukashi wa masandi, wakabuela kudiye.

Balombodi 16:21

Bena Peleshete bakamukuata, bakatunyina mesu andi, bakahueka nʼandi ku Gaza, bakamusuika ne nkanu ya tshiamu tshia mitaku; yeye wakadi uhela mu nsubu wa lukanu.

1 Samuele 5:1

Bena Peleshete bakanyenga mushete wa Nzambi, bakalua nʼau ku Ebene-ezê tô ne ku Ashedodo.

1 Samuele 5:10

Nunku bobo bakatuma mushete wa Nzambi ku Ekelona. Hakaluabo ne mushete wa Nzambi ku Ekelona, Bena Ekelona bakadila ne, Bakalua ne mushete wa Nzambi wa Isalele kutudi bua kutubutuisha ne bana betu kabidi.

1 Samuele 5:8

Nunku bakatuma dî, bakabikila bakelenge bonso ba Bena Peleshete kudibo, bakabakonka ne, Netuenze tshinyi ne mushete wa Nzambi wa Isalele? Bakabakudimuna ne, Baye ne mushete wa Nzambi wa Isalele ku Gata. Bakayaku ne mushete wa Nzambi wa Isalele.

1 Samuele 6:4

Bakabakonka ne, Netumutekelehu mulambu kai? Bakabakudimuna ne, Bifuanyikishi bia or bitanu bia masungu ne bifuanyikishi bia or bitanu bia mpuku bu bungi bua hakelenge ba Bena Peleshete, bualu bua dikenga diodimue diakanukuata ne bakelenge benu.