1 Samuele 5:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ Hakatangila Bena Ashedodo ne bualu budi nunku, bakambilangana ne, Mushete wa Nzambi wa Isalele kaushadi kutudi, bualu bua tshianza tshiandi tshiakulua bujitu hamʼbidi hetu ne ha Dagona, nzambi wetu.

MUKANDA WA MYIDI MUKULU

⁷ Bantu bamona bionsu abi, kuambabu ne: — Katuena basue bua mushete wa tshijila wa Mvidi Mukulu wa bena Izrayele ushale muetu munemu to. Mvidi Mukulu watuleji tuetu ne mvidie wetu Dagone mudiye ne bukole.

1 Samuele 5:7 ပူးပေါင်းရင်းမြစ်များ

2 Samuele 6:9

Davidi wakatshina Yehowa dituku adi. Wakamba ne, Mushete wa Yehowa neulue kundi kabidi munyi?

1 Kulondolola 15:13

Bualu bua nuenu kanuakautuala diambedi, Yehowa Nzambi wetu wakahatuka kutudi bua kukukengesha, bualu bua tuetu katuakakeha disua diandi mu mukenji eu.

Ekesode 10:7

Bantu ba Palô bakamukonka ne, Muntu eu neikale buteyi kutudi musangu bule munyi? Ulekele bantu baye kutendelela Yehowa Nzambi wabo, wewe kuena mumanye ne, Buloba bua Ejipitu buakushihibua, anyi?

Ekesode 12:33

Bena Ejipitu bakenzesha bantu bualu bua kubihata mu buloba lubilu, bakamba ne, Tudi bantu bafue bonso.

Ekesode 8:28

Palô wakamba ne, Nennulekele, nuye mu tshihela bua kushihela Yehowa Nzambi wenu nyama, kadi kanuyi kule, nundombele Nzambi.

Ekesode 8:8

Palo Wakabikila Mose ne Alona, wakamba ne, Nundombele Yehowa, yeye umushe biula kundi ne kudi bantu banyi, nendekele bantu baye kushihela Yehowa nyama.

Ekesode 9:28

Nundombele Yehowa, bualu bua makubakuba ne mabue a nvula biakututonda, nennulekele, kanuena nushala kabidi.

Yirmeya 46:25

Yehowa wa misumba, Nzambi wa Isalele, udi wamba ne, Monai, nenkengeshe Amona, nzambi wa Nô, ne Palô ne Ejipitu ne nzambi yabo ne bakelenge babo; nenkengeshe Palô mene ne badi bamueyemena.

Yirmeya 48:7

Bualu bua wakueyemena bienzedi bia bianza biebe ne luhetu luebe, nebakukuate wewe kabidi; nebaye ne Kemoshe mu buhika, ne bakuidi bandi ne baminyampala bandi.

1 Samuele 4:8

Mulau wakutukuata! Nganyi watusungila mu bianza bia nzambi ei ya bakole? Ei nnzambi yakashiha Bena Ejipitu ne makenga makole mu tshihela.

1 Samuele 5:6

Kadi tshianza tshia Yehowa tshiakadi ne bujitu kudi Bena Ashedodo, yeye wakababutula, wakabashiha ne masungu, Bena Ashedodo mene ne bakadi ku matshika abo kabidi.

1 Samuele 5:8

Nunku bakatuma dî, bakabikila bakelenge bonso ba Bena Peleshete kudibo, bakabakonka ne, Netuenze tshinyi ne mushete wa Nzambi wa Isalele? Bakabakudimuna ne, Baye ne mushete wa Nzambi wa Isalele ku Gata. Bakayaku ne mushete wa Nzambi wa Isalele.

1 Samuele 6:20

Bena Bete-shemeshe bakakonkangana ne, Nganyi udi mumanye mua kuimana ku mesu kua Yehowa, Nzambi wa tshijila? Humukeye kutudi, neaye kudi banganyi?