1 Samuele 3:18 - Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Samuele wakamuambila malu onso, kakamusokoka nansha bualu bumue. Eli wakamba ne, Ebu mbualu bua Yehowa; enze biandi malu adi mimpe ku mesu kuandi.

MUKANDA WA MYIDI MUKULU

¹⁸ Nanku Samuwele kena musokoke bualu nansha bumue. Eli kuamba ne: — Yeye udi Maweja-Nangila! Enze mudiye musue.

1 Samuele 3:18 ပူးပေါင်းရင်းမြစ်များ

Genese 18:25

Bualu ebu kabuikadi kudi bua wewe kuenza nunku bua kushiha bantu bakane ne bantu babi hohamue, biwenza nunku bantu bakane nebikale muomumue ne bantu babi, bualu ebu kabuikadi kûdi, Mulumbuluishi wa buloba buonso katu wenza bimpe, anyi?

2 Samuele 10:12

Nuikale ne dikima; tuikale bu balume mene mene bualu bua bantu betu ne bua misoko ya Nzambi wetu; Yehowa enze biandi malu adi mimpe ku mesu kuandi.

2 Samuele 15:26

kadi biangambileye ne, Tshiena nʼebe disanka kabidi, mona, meme ndiku, angenzele budi buimpe kudiye.

2 Bakalenga 20:19

Hashishe Hezikiya wakambila Yeshaya ne, Dî dia Yehowa diwakungambila ndimpe. Wakamba kabidi ne, Kakuena bualu, bikalaku ditalala kakuyi ditshina mu matuku andi nshala ne muoyo.

1 Kulondolola 19:13

Muikale ne dikima, tuikale balume mene bualu bua bana betu ne bua misoko ya Nzambi wetu; Yehowa enze malu adi mimpe ku mesu kuandi.

Yobe 1:21

Wakamba biandi ne, Nakaluhuka mu difu dia mamuʼanyi butaka, nempingane butaka. Yehowa wakampa bintu, Yehowa wakangata bintu; dina dia Yehowa ditumbishibue.

Yobe 2:10

Kadi Yobo wakamuambila ne, Wewe udi wakula bu mukashi muhote. Kia! Tudi mua kuitabusha anu masanka ku tshianza tshia Nzambi, ne katuitabushi makenga, anyi? Mu malu au onso Yobo kakamba bualu bubi ku mishiku yandi nansha.

Misambu 39:9

Ndi kamama, tshiena mbulula mukana muanyi; bualu bua wewe wakuenza bualu ebu.

Ekesode 34:5

Yehowa wakahueka mu ditutu, wakimanahu nʼandi. Wakamumanyisha dina dia Yehowa.

Yeshaya 39:8

Hashishe Hezikiya wakambila Yeshaya ne, Dî edi dia Yehowa diwakungambila didi dimpe. Yeye wakamba kabidi ne. Nunku ditalala ne malu a bushuwa nebikaleku mu matuku anyi.

Yirmeya 34:6

Nunku Yelemiya muprofete wakambila Sedekiya, mukelenge wa Yuda, mei â onso mu Yelushalema,

Yirmeya 38:14

Mukelenge Sedekiya wakatuma bantu bua kumubikila, wakakidila Yelemiya ku tshibuelelu tshisatu tshia mu nsubu wa Yehowa. Mukelenge wakambila Yelemiya ne, Nenkukonke bualu; kunsokoki bualu bumue nansha.

Yirmeya 42:4

Nunku Yelemiya muprofete wakabambila ne, Nakunvua disengelela dienu. Monai, nennulombele Yehowa Nzambi wenu bu munuakuamba, ne nennuambile mei onso adi Yehowa ungambila bua bualu buenu; tshiena nnusokoka dî dimue.

Muadi 3:39

Nunku bualu kai muntu utshidi ne muoyo udi utontolola hamukengeshabo bua malu mabi andi?

Lewitiki 10:3

Nunku Mose wakambila Alona ne, Ebu mbualu bakamba Yehowa ne, Nenjidibue kudi bantu balualua ha buihi nʼanyi, nentumbishibue ku mesu kua bantu bonso Alona wakahuwa talalâ.

1 Petro 5:6

Nunku nudihuekeshe kunshi kua tshianza tshikole tshia Nzambi, bua yeye anubandishe mu tshikondo tshiasunguleye;

Balombodi 10:15

Bena Isalele bakambila Yehowa ne, Tuakenza bibi, utuenzele bu mûdi musue, kadi anji kutusungila lelu, tudi tukusengelela.