1 Samuele 29:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ Akisha wakakudimuna Davidi ne, Ndi mumanye ne wewe udi muimpe ku mesu kuanyi bu muanjelo wa Nzambi, kadi baminyampala ba Bena Peleshete bakamana kuamba ne, Yeye kayi nʼetu ku nvita.

MUKANDA WA MYIDI MUKULU

⁹ Mukalenga Akishe kuandamuna ne: — Ndi mumanye ne: kuena ne bualu to. Wewe udi munsankishe. Ndi mukumone amu bu mutumibue wa Mvidi Mukulu. Kadi balombodi ba bena mvita ba bena Peleshete bangambidi ne: “Davide kena mua kuikala netu ku mvita to!”

1 Samuele 29:9 ပူးပေါင်းရင်းမြစ်များ

2 Samuele 14:17

Hashishe muntu webe mukashi wakamba ne, Ndi nkusengelela ne, Dî dia mukelenge wanyi dinsambe; bualu bua mukelenge udi bu muanjelo wa Nzambi bua kujingululeye malu mimpe ne malu mabi. Yehowa, Nzambi webe, ikale nʼebe.

2 Samuele 14:20

muntu webe Yoaba wakenza nunku bua kukudimuneye bualu ebu; ne mukelenge wanyi udi ne lungenyi lule bu mudi muanjelo wa Nzambi nʼalu bua kujingululeye malu onso adi hanshi ha buloba.

2 Samuele 19:27

Ne yeye wakashiminyina muntu webe kudi mukelenge wanyi; kadi mukelenge wanyi udi bu muanjelo wa Nzambi, wenze malu adi mimpe ku mesu kuebe.

Ngalate 4:14

Kanuakampetula, kanuakampidia bualu bua butekete bua mubidi wanyi buakadi bu buteyi kunudi; kadi nuakangitabusha bu muanjelo wa Nzambi, bu Kilisto Yesu mene.

1 Samuele 29:4

Kadi baminyampala ba Bena Peleshete bakadi nʼandi tshiji, baminyampala ba Bena Peleshete bakamuambila ne, Hingasha muntu au ku muaba wandi uwakamuha, kayi biandi nʼetu mu nvita ei bua yeye kandamuki muena lukuna wetu. Muntu eu nealengeshe munda ne mukelenge wandi munyi? Kena mua kulengesha ne mitu ya bantu aba, anyi?