1 Samuele 28:21 - Mukanda wa Nzambi Dihungila Dikulukulu ne Dihungila Dihia-dihia 2003

²¹ Mukashi au wakalua kudi Shaula, wakatangila ne yeye udi ne kanyinganyinga kakole, wakamuambila ne, Mona, muntu webe mukashi wakitabusha dî diebe, nakafila muoyo wanyi mu tshianza tshianyi, nakenza bu mu mei onso awakangambila.

MUKANDA WA MYIDI MUKULU

²¹ Mukaji muena lubuku kusemena pabuipi ne Shawule, kumona ne Shawule, uvua ne bowa bua bungi. Nanku mukaji kuambila Shawule ne: — Mukalenga Shawule, meme ndi muitabe diyi diebe. Ndi mubuele mu njiwu ya lufu bua kukumbaja tshiuvua mundombe.

1 Samuele 28:21 ပူးပေါင်းရင်းမြစ်များ

2 Bakalenga 6:11

Mutshima wa mukelenge wa Sulia wakatamba kunyingalala bua bualu ebu; wakabikila bantu bandi, wakabebesha ne, Kanuena bandesha ne, Nganyi wa munkatshi muetu udi ku luseke lua mukelenge wa Isalele, anyi?

Yobe 13:14

Kakuena bualu; nensume munyinyi wanyi ku menu anyi, nenteke muoyo wanyi mu tshianza tshianyi.

Balombodi 12:3

Hanakatangila ne nuenu kanuakansungila, nakateka muoyo wanyi mu tshianza tshianyi, nakasa buka kudi Bena Amona, ne Yehowa wakabafila mu tshianza tshianyi; nuakalua kundi bua kunduisha lelu munyi?

1 Samuele 19:5

bualu bua yeye wakateka muoyo wandi mu tshianza tshiandi hakashiheye Muena Peleshete, ne Yehowa wakaha Bena Isalele luhandu lunene: wewe wakatangila bualu ebu, wakasanka; wewe udi musue kumatshisha mashi a muntu muakane bua kushiha Davidi udi kayi ne bualu tshinyi?

1 Samuele 28:20

Hashishe Shaula wakadishinda mudiolole ha buloba, wakatamba kutshina, bualu bua mei a Samuele; yeye kakadi ne bukole munda muandi bualu bua yeye kakadia bidia dituku dijima ne butuku.

1 Samuele 28:22

Nunku ndi nkusengelela ne, Witabushe dî dia muntu webe mukashi bua yeye alue kûdi ne tshihesa tshia bidia: ubidie bua wewe wikale ne bukole hawaya mu nshila.