1 Samuele 25:34 - Mukanda wa Nzambi Dihungila Dikulukulu ne Dihungila Dihia-dihia 2003

³⁴ Bulelela, bu mudi Yehowa, Nzambi wa Isalele, ne muoyo, yeye nguakunkanda bua meme tshikuenzedi bibi, bu wewe kuyi mulue kundi lubilu lelu, bulelela, Nabala kakadi kushala ne tshintu, nansha muana mulume umue tô ne hatshiabu.

MUKANDA WA MYIDI MUKULU

³⁴ Bulelela, bu mudi Maweja-Nangila Mvidi Mukulu wa bena Izrayele ne muoyi, yeye ke udi munkandike bua tshienji bibi to. Nanku, ndi nkujadikila ne: bu wewe kuyi mufike lukasa bua kusambakena nanyi, malaba dinda mvua mbutula bantu bonsu ba mu diku dia Nabale.

1 Samuele 25:34 ပူးပေါင်းရင်းမြစ်များ

Genese 20:6

Nzambi wakamuambila mu tshiota ne, Bulelela, ndi mumanye ne wewe wakuenza bualu ebu mu buakane bua mu mutshima webe, nakakuhidisha kabidi bua kuenza bualu bubi ku mesu kuanyi, nunku tshiakuitabusha bua wewe kumulenga tshianza.

Yoshua 10:6

Bena Gibeona bakatumina Yoshua dî ku tshitudilu tshia ku Gilegala, bamba ne, Kukandi tshianza tshiebe kudi bahika bebe nansha, lua biebe kutudi lubilu, utusungile, utukuatshishe, bualu bua bakelenge bonso ba Bena Amole badi bashikama ku mikuna bakadisangisha bua kutuluisha.

Yoshua 10:9

Nunku Yoshua wakalua kudibo tshimpalantanta, bualu bua yeye wakumuka ku Gilegala wenda butuku bujima.

1 Samuele 11:11

Hakatshiabu, Shaula wakatahulula bantu mu bisumbu bisatu; bakafika ku tshitudilu dinda dionso, bakashiha Bena Amona tô ne ku munda munya; bakadi bashala ne muoyo bakamuangalaka, nansha bantu babidi bakashala kaba kamue.

1 Samuele 25:18

Hashishe Abigayila wakaya lubilu, wakangata mitanda ya bidia nkama ibidi ne milondo ya nvinyo ibidi ne mikoko itanu yakadi milamba ne bihiminu bia blé mikanga bitanu ne bisumbu bia tumuma tukese tume lukama lumue ne bisumbu bia nfigi nkama ibidi: wakabiteka ha nyima ha nyama ya mpunda.

1 Samuele 25:22

Nzambi atambe kuela bena lukuna ba Davidi mulau binashila muntu au muana mulume umue wa bintu bionso bidiye nʼabi tô ne muatshiabu.

1 Samuele 25:26

Mukelenge wanyi, bu mudi Yehowa ne muoyo ne bu mudi mutshima webe ne muoyo, bualu bua Yehowa wakakukanda bua wewe kumatshishi mashi hanshi ne bua wewe kudisombuedi ne tshianza tshiebe, nunku badi nʼebe lukuna ne badi bakeba kuenzela mukelenge wanyi bibi, bikale bu Nabala.

1 Samuele 25:39

Hakunyua Davidi ne, Nabala wakafua, yeye wakamba ne, Yehowa asankishibue bualu bua yeye wakungakuila bua bundu bunakaheta ku tshianza tshia Nabala, wakakanda muntu wandi bua yeye kenji bibi; Yehowa wakatangisha bienzedi bibi bia Nabala ha mutu handi. Davidi wakatuma bantu kudi Abigayila bua kumuangateye bu mukashi wandi.