1 Samuele 25:27 - Mukanda wa Nzambi Dihungila Dikulukulu ne Dihungila Dihia-dihia 2003

²⁷ Nunku diha edi diakula nʼadi muhika webe mukashi kudi mukelenge wanyi difidibue kudi bansongalume badi ne mukelenge wanyi.

MUKANDA WA MYIDI MUKULU

²⁷ Angata bintu bia disanka bindi mukutuadile, ubiabanyine bansongalume baudi nabu.

1 Samuele 25:27 ပူးပေါင်းရင်းမြစ်များ

Genese 33:11

Ndi nkutendekena ne, Witabushe matabisha anakulua nʼau kudi, bualu bua Nzambi wakungenzela bimpe ne meme ndi ne bintu bikumbane kabidi. Wakananukila kumusengelela ne yeye wakângata.

2 Samuele 16:2

Mukelenge wakakonka Siba ne, Udi wenza tshinyi ne bintu ebi? Siba wakamba ne, Nyama ya mpunda nya ba mu nsubu wa mukelenge kubandabu; mampa ne mamuma mbua bansongalume kudia; ne nvinyo nya badi bahanga mu tshihela banue.

2 Bakalenga 5:15

Nunku wakahingana kudi muntu wa Nzambi, yeye ne tshisumbu tshiandi tshionso, bakimana ku mpala kuandi; wakamuambila ne, Katataka ndi mumanye ne, Kakuena Nzambi mukuabo ha buloba buonso anu mu Isalele; nunku ndi nkusengelela ne, Wangate kuha kudi muntu webe.

Nsumuinu 18:16

Kuha kua mundi kudi kumuhetesha muaba, kudi kumuvuisha ku mpala kua bantu banene.

2 Korente 9:5

Nunku nakela meshi ne, Bundi nʼabu mbua kusengelela bana betu bua bobo badianjila kulua kunudi, bua kusangisha bintu bia luse ku mpala binuakadianjila kulaya; bua bintu ebi bikale bu bintu bia luse mene, kabikadi bu bintu binyenga ku bukole.

Balombodi 4:10

Balaka wakabikila Bena Zebuluna ne Bena Nafatale ku Kedeshe; bantu binunu dikumi bakamulonda ku makasa andi; ne Debola wakaya nʼandi.

1 Samuele 25:42

Abigayila wakajuka lubilu, wakabanda ha nyima ha nyama wa mpunda, ne bansongakashi bandi batanu bakamulonda; yeye wakalonda bantu ba Davidi, wakalua mukashi wandi.

1 Samuele 30:26

Hakafika Davidi ku Sikelaga, yeye wakatuma tshituha tshia bintu biakanyengeye kudi bakulu ba mu Yuda ne kudi balunda bandi; wakabambila ne, Monai diha dienu dia mu biakanyengabo kudi bena lukuna ba Yehowa.