1 Samuele 25:21 - Mukanda wa Nzambi Dihungila Dikulukulu ne Dihungila Dihia-dihia 2003

²¹ Davidi wakadi wamba munda ne. Bulelela, nakalama bintu bia muntu eu mu tshihela tshianana, nansha tshintu tshiandi tshimue tshiakajimina; ne yeye wakushintakasha bubi ku buimpe.

MUKANDA WA MYIDI MUKULU

²¹ Davide utshivua udiambila munda munda ne: “Ke tshipeta tshindi mupeta pamvua mulame bintu bia muntu ewu bimpe, mu tshipela, bua kajimiji tshintu nansha tshimue. Muntu ewu wampingajidi bubi ku malu mimpe amvua mumuenzele!

1 Samuele 25:21 ပူးပေါင်းရင်းမြစ်များ

Genese 44:4

Hakumukabo mu musoko, kabayi banze kuya kule, Yosefe wakambila mulami wandi ne, Bika biebe, ulonde balume aba ne hawabaheta, ubakonke ne, Bualu kai nuakashintakasha malu mabi ku malu mimpe?

Yobe 30:8

Badi bana ba batshimbakanyi ne bana ba badi kabayi bamanyibue, bakabihata ne nsokotshi ha buloba.

Misambu 35:12

Badi bampingashila malu mabi ku malu mimpe; banshiya ne muoyo munyingalala.

Misambu 37:8

Lekela kufua tshiji, uhidie kuikala ne njiya. Kunyingabadi; bualu ebu budi mua kukuenzesha anu bualu bubi.

Misambu 38:20

Badi bampingashila malu mabi ku malu mimpe badi nʼanyi lukuna, bualu bua ndi ndonda muanda udi muimpe.

Nsumuinu 17:13

Bi uhingisha muntu malu mabi ku malu mimpe, malu mabi kaena umuka mu nsubu muandi.

Yirmeya 18:20

Nebafute malu mabi ku malu mimpe, anyi? Bualu bua bakuimbila muoyo wanyi dijimba. Uvuluke bu munakimana ku mpala kuebe bua kubakuila kûdi, ne bua kukudimuna tshiji tshiebe bua katshifiki kudibo.

Rome 12:21

Lekela kuhitshibua kudi malu mabi; kadi wikale uhite malu mabi ku malu mimpe.

Efeze 4:26

Nuikale ne tshishi kadi kanuenji bualu bubi; diba kadibueledi tshishi tshienu;

Efeze 4:31

Difika dia munda ne tshishi ne lukuna ne diyoyo ne dihendangana ne lukinu luonso biumushibue kunudi;

1 Tesalonike 5:15

Numone ne muntu kahingishidi mukuabo bubi ku bubi buandi; kadi misangu yonso nulondelangane malu adi mimpe muntu ne muntu, ne kudi bonso.

1 Petro 3:17

Bua budi butambe buimpe, bikaladi disua dia Nzambi, bua mena nukenge bu benji ba malu mimpe, ne kanukengi bu benji ba malu mabi.

1 Petro 3:9

kanushintakashi bubi ku bubi anyi tshihendu ku tshihendu; kadi nushintakashangane nʼabo disanka; bua nuakabikidibua bua muanda eu, bua nuenu kuhiana disanka.

1 Samuele 25:13

Davidi wakambila bantu bandi ne, Suikai mikaba, muntu ne muntu muele wandi. Bakasuika mikaba, muntu ne muntu muele wandi; Davidi wakasuika mukaba kabidi ne muele wandi; bantu nkama inai bakalonda Davidi ne bantu nkama ibidi bakashala ha bintu biabo.

1 Samuele 25:15

Kadi bantu aba bakatuenzela bimpe, kabakatufuisha bundu, kabakatujimishila nansha tshintu tshimue, musangu utuakuenda nʼabo, hatuakadi mu madimi.

1 Samuele 25:20

Yeye wakadi wenda ha nyima ha nyama wandi wa mpunda; hakadiye uhueka mu tshibanda, Davidi ne bantu bandi bakadi balue kudiye mu nshila bakasangakana nʼandi.

1 Samuele 25:7

Nakunvua lumu ne, Wewe udi ukosa miosa ya mikoko; balami bebe ba mikoko bakadi nʼetu, tuetu katuakabenzela bibi, kabakamba tshintu tshimue musangu wonso wakadibo mu Kâmele.