1 Samuele 24:11 - Mukanda wa Nzambi Dihungila Dikulukulu ne Dihungila Dihia-dihia 2003

¹¹ Bualu bukuabo, tatu wanyi, tangila ne tshihesa tshia tshikowelu tshiebe tshidi mu tshianza tshianyi; bualu bua meme nakukosa tshikowelu tshiebe, tshiakukushiha, nunku umanye biebe ne, Kakuena bualu bubi mu tshianza tshianyi: tshiakukuenzela bibi, kadi wewe ngûdi ukeba muoyo wanyi bua kûnyenga.

MUKANDA WA MYIDI MUKULU

¹¹ Lelu ewu, ujadike ne: Maweja-Nangila uvua mukufile mu bianza bianyi mu lubuebue emu. Bakungambila bua meme kukushipa. Kadi meme kukufuila luse. Tshivua musue kukushipa to. Bualu Maweja-Nangila ke uvua mukusungule bua wikale mukalenga.

1 Samuele 24:11 ပူးပေါင်းရင်းမြစ်များ

2 Samuele 1:14

Davidi wakamuebesha ne, Wewe kuakutshina kulenga muntu wakela Yehowa manyi ha mutu bua kumushiha bua tshinyi?

2 Bakalenga 5:13

Hashishe bantu bandi bakasemena ha buihi nʼandi, bakamukonka ne, Tatu wetu, bu muprofete mukuambile bua wewe kuenza bualu bunene, kuakadi kubuenza, anyi? Bualu budi butamba kukutonda muakuambeye ne, Wowe mai, wikale muakane, munyi?

Yobe 10:16

Bingikala ne bukitu bua kubisha mutu wanyi, wewe neunkebe bu mudi nyama wa ntambue wenza; neangenzele malu manene a kukema kabidi.

Misambu 119:161

Baminyampala bakunkengesha kakuyi bualu, kadi mutshima wanyi udi utshina anu mei ebe.

Misambu 140:11

Muena mukoso kajadikibu mu buloba; dikenga dibi dikebe muena tshimbambila bua kumubutula.

Misambu 35:7

Bualu bua hanakadi tshiyi ne tshilumbu, bakunsokokela bukuondo buabo mu dijimba; hanakadi tshiyi ne tshilumbu, bakumbuila muoyo wanyi tshina.

Misambu 59:3

Bua, mona, badi balamina muoyo wanyi; bena tshimbambila badi badikunguisha hamue bua kutekelabo diyoyo. Yehowa, kambualu bua ditomboka dianyi anyi bua bubi buanyi,

Misambu 7:5

bua malu â udi nʼanyi lukuna angihate, ampete; e, adiatakashe muoyo wanyi mu buloba, aladike butumbi buanyi hanshi mu dinfuenkenya.

Nsumuinu 15:1

Dî dia kalolo didi diandamuna tshiji, kadi dî dikole didi disonsola tshiji.

Muadi 4:18

Batukebi bakadi benda batulonda bua kututatshisha, nunku katuakadi mua kuenda mu misesu yetu; nshikidilu wetu wakadi ha buihi, matuku etu akakumbana, bualu bua nshikidilu wetu wakafika.

Yezekiyele 13:18

Mukelenge Yehowa udi wamba ne, Mulau wikale kudi bakashi badi batela mikaba ya kusuika ha tunsanki tua bantu bonso, ne badi benza bitambala bia kusuika ku mitu ya bantu bonso, ne bale ne bihi, bua kukebabo mioyo yabo! Nenukebe mioyo ya bantu banyi anu bua kusungila yenu, anyi?

Mika 7:2

Muntu muakane wakujimina ha buloba, kakuena muntu mujalame munkatshi mua bantu kabidi. Bonso badi balamina bakuabo bua kumatshisha mashi abo hanshi; muntu yonso udi wanda muanʼabo bukuondo.

Yowanane 15:25

Nunku bakushikisha dî diakadi difunda mu mikenshi yabo ne, Bakadi nʼanyi lukuna tshianana.

1 Samuele 12:3

Ndiku: numpishe ku mesu kua Yehowa ne ku mesu kua wandi wakedibua manyi: Meme nakunyenga ngombe wa nganyi? Nakunyenga nyama wa mpunda wa nganyi? Nakuiba bintu bia nganyi? Nakukengesha muntu kai tshianana? Nakuitabusha bintu bia mbueshilu kudi nganyi bua meme kubuikila mesu anyi kudiye? Nungambile, ne meme nemuhingishilebi.

1 Samuele 18:27

Davidi wakajuka ne bantu bandi, bakashiha Bena Peleshete nkama ibidi; Davidi wakalua ne tukoba, wakafila buonso buatu kudi mukelenge bua kuikaleye muku wa mukelenge. Shaula wakamuha Mikala, muanʼandi wa bakashi, bu mukashi wandi.

1 Samuele 23:14

Davidi wakashikama mu tshihela mu misoko ya ngumbu; wakashala mu mikuna mu tshihela tshia Zifa. Shaula wakamukeba ku dituku ku dituku, kadi Nzambi kakamufila mu tshianza tshiandi.

1 Samuele 23:23

Nunku yai bienu, numukebe mu miaba yonso misokome yakadiye musokome, nulue bienu, nungambile bimpe; hashishe nenye nʼenu, ne bikaleye mu buloba nemmukebulule munkatshi mua binunu bia meku a mu Yuda.

1 Samuele 25:28

Ndi nkusengelela ne, Ulekelele muhika webe mukashi dihanga diandi; Yehowa neajadike ba mu nsubu wa mukelenge wanyi bulelela, bualu bua yeye udi uluila Yehowa nvita; bualu bubi kabuena buikala kudi tô matuku ebe onso.

1 Samuele 26:18

Davidi wakakonka ne, Mukelenge wanyi udi ulonda muntu wandi bua tshinyi? Nakuenza tshinyi? Bualu bubi kai budi mu tshianza tshianyi?

1 Samuele 26:20

Nunku kitabushi bua mashi anyi kumatau hanshi ha buloba anu ku mesu kua Yehowa; bualu bua mukelenge wa Isalele wakalua bua kukeba mukenya bu mudi muntu ukeba nkuadi mu mikuna.

1 Samuele 26:23

Yehowa neafute muntu yonso bu mudi buimpe buandi ne lulamatu luandi lua ku bushuwa; bualu bua Yehowa wakakufila mu tshianza tshianyi lelu ne meme tshiakitabusha bua kulenga muntu wakela Yehowa manyi ha mutu tshianza.