1 Samuele 23:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ Davidi wakamanya ne, Shaula udi ungelela tshifulu: nunku yeye wakabikila Ebeyatâ muakuidi, wakamuambila ne, Lua kundi ne efoda.

MUKANDA WA MYIDI MUKULU

⁹ Davide kumvua lumu ne: Shawule mmumuelele tshifufu tshibi. Nanku, kutumaye diyi bua mutuangaji Abiyatare afike ne bintu bia tshijila bua kukonkabu Mvidi Mukulu bualu abu.

1 Samuele 23:9 ပူးပေါင်းရင်းမြစ်များ

1 Bakalenga 2:26

Mukelenge wakambila Ebeyatâ muakuidi ne, Hingane ku Anatota ku madimi ebe bualu bua udi ne bualu bua kufua: tshiena nkushiha katataka, bualu bua wewe waka tua la mushete wa Mukelenge Yehowa ku mpala kua Davidi, tatu wanyi, ne bualu bua wewe wakakenga ne tatu wanyi mu makenga onso akadiye nʼau.

Yirmeya 33:3

wamba ne, Umbikile, nengitabe kudi, nenkuleshe malu a kukema ne malu makole audi kuyi mumanye.

Osheya 3:4

Bualu bua Bena Isalele nebashale matuku a bungi kabayi ne mukelenge, kabayi ne mukokeshi, kabayi ne milambu mishihela Yehowa, kabayi ne dikunshi dia tshijila, kabayi ne tshilamba tshia efoda, ne kabayi ne telafima.

Dibadika 27:21

Yeye neimane ku mpala kua Eleazâ muakuidi, yeye neamukonkele kulumbulula kua Ulima ku mpala kua Yehowa, ku dî diandi bobo nebaluhuke, ne ku dî diandi bobo nebabuelemu, ne yeye ne Bena Isalele bonso badi nʼandi.

Bienzedi 14:6

bakamanya bualu abu, bakanyemena ku misoko ya mu Lukaonia, mena ai Luseta ne Dêbe, ne ku luseke alu;

Bienzedi 9:24

kadi Shaula wakamanya tshifufu tshiabo. Bakadi batentekela ku bibi bia musoko butuku ne munya bua kumushihabo:

1 Samuele 10:22

Nunku bakebesha Yehowa ne, Muntu mukuabo ulualua, anyi? Yehowa wakabambila ne, Monai, yeye wakadisokoka munkatshi mua bintu.

1 Samuele 14:18

Shaula wakambila Ahiya ne, Lua ne mushete wa Nzambi kundi. Bualu bua mushete wa Nzambi wakadi ne Bena Isalele tshikondo atshi.

1 Samuele 22:20

Umue wa bana ba Ahimeleke, muana wa Ahituba, dina diandi Ebeyatâ, wakahanduka, wakalonda Davidi.

1 Samuele 23:10

Hashishe wakamba ne, Yehowa, Nzambi wa Isalele, bulelela, muntu webe wakunvua lumu ne, Shaula udi ukeba mua kulua ku Kila bua kubutula musoko bualu buanyi.

1 Samuele 23:6

Hakanyema Ebeyatâ, muana wa Ahimeleke, kudi Davidi mu Kila, yeye wakadi mulue ne efoda mu tshianza tshiandi.

1 Samuele 23:8

Shaula wakasangisha bantu bandi ba nvita, bua kuya ku Kila bua kutshintshimika Davidi ne bantu bandi.

1 Samuele 30:7

Davidi wakambila Ebeyatâ muakuidi, muana wa Ahimeleke ne, Ndi nkusengelela ne, Ulue kundi ne efoda. Ebeyatâ wakalua kudi Davidi ne efoda.