1 Samuele 22:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ Shaula wakebesha bantu bandi bakadi bimane kudiye ne, Nuenu Bena Benyamina, unvuai, Muana eu wa Yishai neanuhe madimi ne madimi a tumuma tukese, anyi? Yeye neanusunguile tupitene tua binunu bia bantu ne tupitene tua nkama ya bantu, anyi?

MUKANDA WA MYIDI MUKULU

⁷ Ke Shawule kubambila ne: — Nuenu bena Binyamine, telejayi! Muana ewu wa Ishayi, neanupeshe bonsu bintu bindi meme Shawule munupe anyi? Neanupeshe madimi ne mionji ya maluvu a mvinyo anyi? Davide neanuteke balombodi ba bisumbu bia bena mvita bende anyi? Nansha kakese!

1 Samuele 22:7 ပူးပေါင်းရင်းမြစ်များ

2 Samuele 18:1

Davidi wakabala bantu bakadi nʼandi, wakateka tupitene ku mutu kua binunu bia bantu ne ku mutu kua nkama ya bantu.

2 Samuele 20:1

Muntu mubi wakadiku, dina diandi Sheba, muana wa Bikili, Muena Benyamina; yeye wakela mpungi, Wamba ne, Tuetu katuena ne tshituha kudi Davidi, katuena ne buhianyi kudi muana wa Yishai, nuenu Bena Isalele, muntu ne muntu ahingane ku ntenta wandi.

1 Bakalenga 12:16

Hakamona Bena Isalele ne Mukelenge kakabunvuila, bantu bakandamuna ne, Tudi ne tshituha kai mu Davidi? Katuena ne buhianyi mu muana wa Yishai. Nuenu Bena Isalele nuhingane ku ntenta yenu! Nuenu Bena Davidi nudilamine nsubu yenu. Nunku Bena Isalele bakaya ku ntenta yabo.

1 Kulondolola 12:16

Bantu ba Benyamina ne ba Yuda bakalua ku musoko wa lumbu wa Davidi.

Yeshaya 11:1

Lutonga nelutoloke ku tshikuku tshia Yishai, ne ditamba dia ku miji yandi nedikuame mamuma.

Yeshaya 11:10

Hashishe mu dituku adi Lutonga lua ku miji ya Yishai neluimane bialu bu dibendela dia kusangishaku bisamba bia bantu. Ba mu bisamba ebi nebaye kudiye bua kumulomba lungenyi, ne muaba udiye mushikame newikale wa butumbi.

1 Samuele 18:14

Davidi wakadilama bu muena lungenyi mu nshila yandi yonso; Yehowa wakadi nʼandi.

1 Samuele 20:27

Hakatshiabu, hakahita dituku diakabala ngondo, nkuasa wa Davidi wakadi mushale anu hatuhu; Shaula wakambila Yonatana, muanʼandi, ne, Muana wa Yishai kakuena nʼetu lelu ne makelela bua tshinyi?

1 Samuele 20:30

Hashishe tshiji tshia Shaula tshiakatema kudi Yonatana, wakamuambila ne, Wewe udi muana wa mukashi mubi, muena mampaka, meme tshiena mumanye ne, Wewe wakasungula muana wa Yishai bua kufuisheye wewe ne mamuʼebe wakakula bundu, anyi?

1 Samuele 22:13

Shaula wakamuebesha ne, Wewe wakungelela tshifufu ne muana wa Yishai bua kumuha bintu bia kudia ne muele wa nvita, wakuebesha Nzambi bualu buandi, bua yeye antombokele, andadile bu mualaminyi bu mudiye wenza lelu bualu kai?

1 Samuele 22:9

Hashishe Doege, Muena Edome, wakadi muimane munkatshi mua bantu ba Shaula, wakamuambila ne, Meme nakatangila muana wa Yishai mulue ku Nobo kudi Ahimeleke, muana wa Ahituba.

1 Samuele 25:10

Nabala wakakudimuna bantu ba Davidi dî ne, Davidi udi nganyi? Muana wa Yishai udi nganyi? Bahika ba bungi badi batombokela bakelenge babo matuku â.