1 Samuele 22:2 - Mukanda wa Nzambi Dihungila Dikulukulu ne Dihungila Dihia-dihia 2003

² Bantu bonso bakadi ne ntatu ne bakadi ne mabanza ne bakadi ne kutontolola bakadisangisha kudiye; yeye wakadi kapitene kabo: bantu bakadi nʼandi bakadi bu nkama inai.

MUKANDA WA MYIDI MUKULU

² Bantu bakuabu bu nkama inayi, bavua ne bilumbu, nansha bavua ne mabanza, nansha bavua babenga bulongolodi bua ditunga, kudisangisha muaba uvua Davide. Davide kushala mfumuabu.

1 Samuele 22:2 ပူးပေါင်းရင်းမြစ်များ

2 Samuele 17:8

Hushai wakamba kabidi ne, Wewe udi mumanye tatu webe ne bantu bandi badi bena bukitu, badi ne tshiji mu mitshima yabo bu nkashama wa muitu wakangatabo bana bandi; tatu webe udi muena nvita, yeye katu walala munkatshi mua bantu bandi.

2 Samuele 5:2

Mu matuku akahita ku nyima hakadi Shaula mukelenge wetu, nguewe wakaluhuka ne Bena Isalele, wakahingana nʼabo. Yehowa wakamuambila ne, Wewe newikale mulami wa bantu banyi Bena Isalele, wewe newikale mukelenge wabo.

2 Bakalenga 20:5

Walukile, Wambile Hezikiya, mukelenge wa bantu banyi, ne, Yehowa, Nzambi wa Davidi tatu webe, udi wamba ne, Nakunvua kulomba kuebe ne nakutangila binsonshi biebe, nenkuondahe; hahita matuku asatu, wewe neubuele mu nsubu wa Yehowa.

2 Bakalenga 4:1

Mukashi wa umue wa bana ba baprofete wakadila kudi Elisha ne, Muntu webe, bayanyi udi mufue; wewe udi mumanye bu muakatshina muntu webe Yehowa; muena dibanza wakalua bua kuangata bana banyi babidi bu bahika.

Nsumuinu 31:6

Nuisha muntu udi wamba kufua maluvu makole, nuisha muena mutshima munyingalale nyinyo;

Matayi 11:12

Ku matuku a Yone Mubanji tô ne katataka bukelenge bua mu diulu budi bubuedibua ku bukole, banyengi badi babunyenga ku bukole.

Matayi 11:28

Luai kundi, bonso badi ne mu dimu mukole, badi ne bujitu bunene, meme nenuhe dikisha.

Ebrewu 2:10

Bua bualu buakadi buakane kudiye, bua bualu buandi bintu bionso bidiku, ne bintu bionso bidi bifukibua ku bukole buandi, hakalomboleye bana ba bungi ku butumbi, bua kuvuisha kapitene ka luhandu luabo mu buakane buonso ku makenga.

Balombodi 11:3

Hashishe Yefeta wakanyema ku mesu kua bana babo, wakashikama mu buloba bua Tobo; ne bantu ba hatuhu bakadisangishaku kudi Yefeta, bakaluhuka nʼandi.

Balombodi 18:25

Bena Dana bakamuambila ne, Dî diebe kadiunvuiki munkatshi muetu, anyi bantu badi ne tshiji nebakukuate, ne wewe neujimishe muoyo webe ne mioyo ya ba mu nsubu webe.

1 Samuele 1:10

Mutshima wa Hana wakatamba kunyingalala, wakadi utendelela Yehowa anu udila.

1 Samuele 22:3

Davidi wakumukaku, wakaya ku Misepa wa mu Moaba; yeye wakambila mukelenge wa Moaba ne, Witabushe bua tatuʼanyi ne mamuʼanyi balue, bashikame nʼebe tô ne hanamanya tshidi Nzambi musue kungenzela.

1 Samuele 23:13

Hashishe Davidi ne bantu bandi bu nkama isambombo bakajuka, bakumuka mu Kila, bakaya kuakamanyabo mua kuya. Bakamanyisha Shaula ne, Davidi wakumuka mu Kila; yeye wakalekela kuyaku.

1 Samuele 25:13

Davidi wakambila bantu bandi ne, Suikai mikaba, muntu ne muntu muele wandi. Bakasuika mikaba, muntu ne muntu muele wandi; Davidi wakasuika mukaba kabidi ne muele wandi; bantu nkama inai bakalonda Davidi ne bantu nkama ibidi bakashala ha bintu biabo.

1 Samuele 30:6

Davidi wakanyingalala bikole; bualu bua bantu bakadi bahunga dî bua kumukuma mabue; mitshima ya buonso buabo yakanyingalala bua bana babo balume ne bana babo bakashi; kadi Davidi wakadikolesha mu Yehowa, Nzambi wandi.

1 Samuele 9:16

Makelela ha diba edi mene nenkutumine muntu mufume ku buloba bua Benyamina ne wewe neumuele manyi ha mutu handi bua kuikaleye mukelenge wa bantu banyi Bena Isalele; yeye neasungile bantu banyi mu bianza bia Bena Peleshete; bua nakatangila bantu banyi bualu bua muadi wabo wakufika kundi.