1 Samuele 20:16 - Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Nunku Yonatana wakahunga tshihungidi ne ba mu nsubu wa Davidi, Wamba ne, Yehowa neatshimone ku bianza bia bena lukuna ba Davidi.

MUKANDA WA MYIDI MUKULU

¹⁶ Ke Yonatane kutua ndondu wa bulunda ne Davide, kabidi ne bena nzubu wa Davide, ubambila ne: “Maweja-Nangila nkayende asombuele bena lukuna ba Davide.”

1 Samuele 20:16 ပူးပေါင်းရင်းမြစ်များ

Genese 15:18

Mu dituku adi mene Yehowa wakahunga ne Abalama tshihungidi ne, Ndi mpa tunkanunuina biebe buloba abu ku musulu wa mu Ejipitu to ne ku musulu munene wa Pelata,

2 Samuele 21:8

Kadi mukelenge wakangata bana balume babidi ba Lisepa, muana mukashi wa Aya, bakaleleleye Shaula, mena abo Amoni ne Mefibosheta; ne bana balume batanu ba Melaba, muana mukashi wa Shaula, bakaleleleye Adaliele, muana wa Bâsilai, Muena Meholata;

Yirmeya 40:9

Gedaliya, muana wa Ahikama, muana wa Shafana, wakaditshiha kudibo ne kudi bantu balume babo ne, Kanutshinyi kukuatshila Bena Kasada mudimu. Shikamai mu buloba, nukuatshile mukelenge wa Babulona mudimu, nenuikale ne diakalengele.

Dielulula 23:21

Hanuaditshiha ku mesu kua Yehowa, Nzambi wenu, kanuhangi kushikisha mitshihu yenu; bualu bua Yehowa, Nzambi wenu, nealombe bua nuyishikishe; ne bualu ebu nebuikale bubi kunudi binuahanga kuyisbikisha.

Yoshua 22:23

Bituikala badiashile tshioshelu bua kuhambuka ne bua kuhanga kulonda Yehowa, ne bua kufila milambu ya kuoshilahu, ne milambu ya bukula ne milambu ya kuvuisha nʼai ditalala, Yehowa nkayandi ashikishe bualu.

1 Samuele 18:3

Hashishe Yonatana ne Davidi bakahungakasha tshihungidi, bualu bua yeye wakamunanga bu mutshima wandi mene.

1 Samuele 20:42

Yonatana wakambila Davidi ne, Waya biebe talalâ bualu bua tuetu tuakahungakasha mei ne, Yehowa neikale hankatshi hetu nʼebe ne hankatshi ha bana bebe ne bana banyi tshiendelele. Yeye wakabika, wakaya; Yonatana wakahingana ku musoko.

1 Samuele 22:8

Bualu kai buonso buenu nuakungelela tshifufu, nansha umue wenu wakummanyisha ne, Muana webe mulume wakahunga dî ne muana wa Yishai? Bualu kai nansha umue wenu udi unyingalasha mutshima wandi bualu buanyi? Bualu kai nansha umue wenu wakummanyisha ne, Muanʼebe mulume wakatombosha muntu webe kûdi, bua kualamineye bu mudiye wenza lelu?

1 Samuele 23:18

Bubidi buabo bakahunga tshihungidi ku mpala kua Yehowa; Davidi wakashala muitu, Yonatana wakahingana ku nsubu kuandi.

1 Samuele 25:22

Nzambi atambe kuela bena lukuna ba Davidi mulau binashila muntu au muana mulume umue wa bintu bionso bidiye nʼabi tô ne muatshiabu.

1 Samuele 25:26

Mukelenge wanyi, bu mudi Yehowa ne muoyo ne bu mudi mutshima webe ne muoyo, bualu bua Yehowa wakakukanda bua wewe kumatshishi mashi hanshi ne bua wewe kudisombuedi ne tshianza tshiebe, nunku badi nʼebe lukuna ne badi bakeba kuenzela mukelenge wanyi bibi, bikale bu Nabala.

1 Samuele 31:2

Bena Peleshete bakatamba kulonda ku nyima ha buihi ne Shaula ne bana bandi balume; Bena Peleshete bakashiha Yonatana ne Abinadaba ne Malakishua, bana balume ba Shaula.