1 Samuele 2:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ Yehowa udi ubavuisha buhele, ne udi ubavuisha bubanji kabidi: udi ubahuekesha, udi ubabandisha kabidi.

MUKANDA WA MYIDI MUKULU

⁷ Maweja-Nangila udi uvuija muntu mupela nansha mubanji. Udi umupuekesha milongu, nansha umubandisha.

1 Samuele 2:7 ပူးပေါင်းရင်းမြစ်များ

2 Bakalenga 9:6

Wakajuka, wakabuela nʼandi mu nsubu; wakahongolola manyi ha mutu handi, wakamuambila ne, Yehowa, Nzambi wa Isalele, udi Wamba ne, Nakukusungula mukelenge ku mutu kua bantu ba Yehowa, Bena Isalele mene.

1 Kulondolola 29:12

Bubanji ne butumbi bidi bifuma kûdi, wewe udi ukokesha bionso; bukole ne bunene bidi mu tshianza tshiebe; tshianza tshiebe tshidi tshivuisha bantu bunene ne bukole.

2 Kulondolola 32:27

Hezikiya wakadi ne biuma bia bungi ne butumbi bua bungi; yeye Mulongolola bibutshilu bia kutekamu argent yandi ne or yandi ne mabue andi a mushinga mukole ne bintu bia muhuya muimpe ne ngabu yandi ne mpanza yandi yonso;

2 Kulondolola 32:29

Wakalongoluela bimuna biandi ne ngombe yandi misoko ya bungi, bualu bua Nzambi wakakumbasha bintu biandi.

Yobe 1:21

Wakamba biandi ne, Nakaluhuka mu difu dia mamuʼanyi butaka, nempingane butaka. Yehowa wakampa bintu, Yehowa wakangata bintu; dina dia Yehowa ditumbishibue.

Yobe 40:12

Tangila muntu yonso udi mudisue, umuhuekeshe hanshi; diata bantu babi mu makasa mu miaba yonso idibo bimana.

Yobe 5:11

udi ubandisha bantu bahuekele mulu, udi ujula badi badila bua bobo bikale ne luhandu;

Misambu 102:10

bualu hua njiya yebe ne tshiji tshiebe kundi. Bua wewe wakungambila, wakunguisha.

Misambu 75:7

Kadi Nzambi nyeye udi mulumbuluishi; udi uhuekesha munga muntu, udi ubandisha mukuabo.

Misambu 75:8

Bualu bua mu tshianza tshia Yehowa mudi luhanza ne maluvu adi alulukamu; ludi lûle tente ne bintu bia muhuya muimpe bisangisha ne maluvu, ne yeye udi uhumunamu tshituha tshialu. Bulelela, bantu babi bonso ba ha buloba nebanuemu tô ne bishikishiki bialu, nebabinue kabidi.

Nsumuinu 22:2

Babanji ne bahele badi basangila hamue; Yehowa udi mufuki wa buonso buabo.

Yeshaya 2:12

Bualu bua Yehowa wa misumba udi ne dituku didiye ulumbuluisha bifukibua bionso bidi biditumbisha ne bidi bidisue, ne tshifukibua tshionso tshidi tshidibandisha; nebihuekeshibue,

Yirmeya 49:15

Bualu bua mena, nakukuvuisha bu tshisamba tshikese munkatshi mua bisamba bia bantu, bu tshintu tshidibo bahetula munkatshi mua bantu.

Yezekiyele 17:24

Mitshi yonso ya mu mpata neyimanye ne, Meme Yehowa nakuhuekesha mutshi mule, nakubandisha mutshi muhuekele, nakûmisha mutshi mubishi, nakuelesha mutshi mume ntonga; meme Yehowa nakuamba dî edi ne nakudienza.

Yakobe 4:10

Nudihuekeshe ku mesu kua Mukelenge, ne yeye neanubandishe.