1 Samuele 2:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Bakadi bukuta mafu bakabuela mu mudimu bua kuangatabo bidia: bakadi ne nzala kabena ne nzala kabidi: wakadi nkumba wakalela bana muanda mutekete: wakadi ne bana ba bungi udi unyingalala.

MUKANDA WA MYIDI MUKULU

⁵ Bavua badia bukuta, badi bakeba mudimu bua kupeta biakudia. Kadi bavua ne nzala, kabena ne bua kukuata mudimu kabidi to. Mukaji wa nkumba udi ulela, bana muanda mutekete, kadi mukaji uvua ne bana ba bungi, udi ushala nkumba.

1 Samuele 2:5 ပူးပေါင်းရင်းမြစ်များ

Misambu 113:9

Udi ushikamisha mukashi udi nkumba mu nsubu, umuvuisha muledi wa bana udi ne disanka. Tumbishai Yehowa!

Misambu 34:10

Bana balume ba nyama ya ntambue badi bakengela bia kudia, nzala idi ibasuma; kadi badi bakeba Yehowa kabena bakengela tshintu tshimpe tshimue.

Yeshaya 33:9

Buloba budi ne muadi, budi buteketa; Lebanona udi ubuandakana, udi ufubidila; Shalona udi bu tshihela tshia tshianana; Bashana ne Kâmele bidi bilakata mabeshi.

Yeshaya 54:1

Imba biebe, wewe mukashi wa nkumba, wewe udi kuyi mulele; bandisha mei ebe mu kuimba kua misambu, wela dî dikole, wewe udi kuyi muikale ne didinyenga dia ha kulela! Bualu bua Yehowa udi wamba ne, Bana ba mukashi udi mushale hatuhu badi bahita bana ba mukashi mubaka bungi.

Yirmeya 15:9

Mukashi wakalela bana muanda mutekete udi ufua majia, udi uhuola muoyo wandi; diba diandi diakabuela hatshididi munda munya; wakufuishibua bundu ne wakuhuekeshibua. Yehowa udi wamba ne, Nenfile bantu badi bashala ku muele wa nvita ku mpala kua bena lukuna babo.

Luke 1:53

Bakadi ne nsala wakabukutshisha ne bintu bimpe; Babanshi wakabahingisha hatuhu.

Luke 16:25

Kadi Abalahama wakamba ne, Muanʼanyi, uvuluke ne, Wewe, hawakadi ne muoyo, wakadi ne bintu biebe bimpe, Lazalo kabidi wakadi ne bintu bibi; kadi katataka kunoko yeye udi usanka ne wewe udi ukenga.

Ngalate 4:27

Bua bakafunda ne, Mukashi wa nkumba udi kai mulele, usanke biebe; Ne mukashi udi kai ne didinyenga dia ha kulela, uhandishe dî diebe, udile biebe; Bualu bua bana ba mukashi muhidibue badi batambe bana ba mukashi wakashala ne mulume bungi.

Rute 4:15

Yeye neikale kûdi bu musangalashi wa muoyo ne bu mudishi wa mu bununu buebe, bualu bua mamuen ebe, udi mukusue, udi muhite bana ba balume muanda mutekete buimpe kûdi, nguakamulela.

1 Samuele 1:20

Hana wakimita difu, ne hakakumbana ngondo yandi, wakalela muana wa balume, wakamuidika dina diandi Samuele, wakamba ne, Bualu bua nakumulomba kudi Yehowa.

1 Samuele 1:6

Mutatshishi wandi wakatamba kumutatshisha ne kumunyingalasha, bualu bua Yehowa wakamujidika munda.