1 Samuele 2:30 - Mukanda wa Nzambi Dihungila Dikulukulu ne Dihungila Dihia-dihia 2003

³⁰ Nunku Yehowa, Nzambi wa Isalele, udi wamba ne, Nakadianjila kuamba ne, Ba mu nsubu webe ne ba mu nsubu wa tatu webe nebende ku mesu kuanyi tshiendelele; kadi katataka Yehowa udi wamba ne, Bualu ebu bumuke kundi, bualu bua badi bantumbisha nembatumbishe, ne badi bampetula, nembalengulule.

MUKANDA WA MYIDI MUKULU

³⁰ Bu muudi wenza nanku, teleja tshindi nkuambila, meme Maweja-Nangila Mvidi Mukulu wa bena Izrayele: Mvua mulaya bena nzubu webe ne bena diku diebe, bua bikale batuangaji banyi kashidi. Kadi mpindiewu, ndi nkujadikila ne: kabitshiena nanku to. Meme ndi nnemeka amu bantu badi bannemeka meme. Kadi bantu badi bampepeja, meme nembapepeje.

1 Samuele 2:30 ပူးပေါင်းရင်းမြစ်များ

1 Bakalenga 11:11

Yehowa wakambila Solomo ne, Bualu bua wewe wakatamba kuenza nunku, kuakatumikila tshihungidi tshietu ne mei anyi binakukuambila, bulelela, nenunyenge bukelenge, nembuhe muntu webe.

1 Bakalenga 2:27

Nunku Solomo wakumusha Ebeyatâ mu buakuidi bua Yehowa, bua kushikisheye dî diakamba Yehowa bua nsubu wa Eli mu Shilo.

1 Kulondolola 17:18

Davidi udi mumanye mua kukuambila mei kai makuabo bua butumbi buwakuvuisha muntu webe? Bualu bua wewe udi mumanye muntu webe.

2 Kulondolola 15:2

wakaya kusangakena ne Asa, wakamuambila ne, Unvuai, Asa ne Bena Yuda ne Bena Benyamina; Yehowa udi nʼenu, hantshidi nʼandi; binuamukeba, nenumuhete; kadi binuamulekela, yeye neanulekele.

2 Kulondolola 26:18

bobo bakakandisha Uziya mukelenge, bakamuambila ne, Uziya, kambualu buebe bua kuoshela Yehowa musenga wa manananshi, kadi mbua bakuidi, bana ba Alona, badi bajidibue bua kuoshela Yehowa manananshi; umuka mu muaba eu wa tshijila, bualu bua wewe wakuenza bibi; bualu ebu kabuena bukuvuisha butumbi kudi Yehowa Nzambi nansha.

Misambu 18:20

Yehowa wakanfuta difutu diakadi dikumbana buakane buanyi; wakampingashila difutu bu muakadi butoke bua bianza bianyi.

Misambu 18:26

Udi udimuenesha muena mutshima mutoke kudi muntu udi ne mutshima mutoke; udi udimuenesha muena budimu kudi muntu udi ne tshitshu.

Misambu 50:23

Udi ufila disakidila bu mulambu wandi udi untumbisha; nendeshe luhandu lua Nzambi kudi muntu udi ulongolola nshila wandi bimpe.

Misambu 73:20

Bu mudi bualu bua tshilota hatabala muntu, nunku, Mukelenge, hawabika, neulengulule binfuanyi biabo.

Misambu 91:14

Bualu bua yeye udi ulamata kundi mu dinanga diandi, nemmuhandishe; nemmushikike mu muaba udi kulu, bualu bua yeye udi mumanye dina dianyi.

Misambu 91:15

Hambikileye, nengitabe kudiye; nengikale nʼandi habueleye mu dikenga, nemmuhandishe, nemmutumbishe.

Ekesode 28:43

Alona ne bana bandi balume nebaluate mihanu ei hayabo mu tshitendelelu anyi hayabo hehi ne tshioshelu bua kuenza mudimu wabo mu muaba wa tshijila, bobo kabatuadi mahambuka, kabafu. Mukenji eu newikale kudiye ne kudi bana bandi badi banulonda ku nyima tô ne tshiendelele.

Ekesode 29:9

Ubele mikaba ku bimono, Alona ne bana bandi balume, teka bifulu ha mitu habo, bobo nebikale ne mudimu wa buakuidi tshiendelele, wewe neujidile Alona ne bana bandi balume.

Nsumuinu 12:8

Badi banyisha muntu muakane bu mudi meji andi, kadi badi bahetula muntu udi ne mutshima wa tshishiku.

Nsumuinu 4:8

Wabale bu tshintu tshia mushinga mukole, wowo neakubandishe; neakuvuishile butumbi, biwaela tshituha mu nshingu.

Nsumuinu 8:17

Ndi munange badi bannanga, bonso badi bankeba ne lukunukunu nebansangane.

Yeshaya 29:13

Mukelenge wakamba ne, Bualu bua bantu aba badi basemena hehi nʼanyi ne badi bantumbisha ne mukana muabo ne mishiku yabo, kadi bakumusha mitshima yabo kundi ne idi kule, ne badi bantshina anu bualu bua mukenji wa bantu wakuyilabo mu mitu yabo;

Yirmeya 29:32

nunku Yehowa udi wamba ne, Monai, nenkengeshe Shemaya, Muena Nehelama, ne bana bandi kabidi. Yeye kena wikala ne muntu umuehele washala munkatshi mua bantu aba, ne kena umona diakalengele dindi nvuishila bantu banyi, bualu bua yeye wakuamba mei a kutombokela nʼau Yehowa.

Yirmeya 49:15

Bualu bua mena, nakukuvuisha bu tshisamba tshikese munkatshi mua bisamba bia bantu, bu tshintu tshidibo bahetula munkatshi mua bantu.

Yezekiyele 34:10

Mukelenge Yehowa udi wamba ne, Monai, ndi ne balami ba mikoko tshilumbu; nendombe mikoko yanyi ku tshianza tshiabo, nembakande bua balekele kudisha mikoko yanyi; balami kabena badidisha kabidi; nempandishe mikoko yanyi mukana muabo bua kayikadi bu bia kudia biabo kabidi.

Danyele 4:34

Hakahita matuku â, meme, Nebukadenesâ, nakabanduluka ne nakatangisha mesu anyi mu diulu; meji anyi akahingana kundi. Nakavudishila Mutambe Bunene wa mu diulu disanka, nakamutumbisha ne nakamunemeka, Yeye udi ne muoyo tshiendelele. Bualu bua bukokeshi buandi budi bukokeshi bua tshiendelele, ne bukelenge buandi budi bujalame ku tshikondo ku tshikondo.

Malaki 1:6

Muana wa balume udi unemeka tatuʼandi, muhika udi unemeka nfumu wandi; kadi bingikala tatu, kunemekibua kuanyi kudi hanyi? Bingikala mukelenge, dintshina didi hanyi! Edi ndikonka dia Yehowa wa misumba kunudi, nuenu bakuidi, badi balengulula dina dianyi. Kadi nudi nunkonka ne, Tuakulengulula dina diebe munyi?

Malaki 2:3

Monai, nentekeshe maboko enu, nendabe tunvi ha mpala henu, tunvi tua nyama mifila bu milambu mu bidia bienu bia disanka; nebaye nʼenu ku muaba udibo batuimasha.

Dibadika 11:20

kadi ngondo mujima, tô ne hanuaulukila mu diulu, neunutonde, bualu bua nuenu nuakuhidia Yehowa udi munkatshi muenu, nuakudila ku mpala kuandi ne, Tuakaluhuka mu Ejipitu bualu kai?

Dibadika 35:34

Kanuonyi buloba bunudi nushikamamu, kundi mushikame kabidi, bualu bua meme Yehowa ndi mushikame munkatshi mua Bena Isalele.

Yowanane 12:26

Biangenzela muntu mudimu, andonde; muena mudimi wanyi neikale kundi ngikala; biangenzela muntu mudimu, Tatu neamutumbishe.

Yowanane 5:23

bua bantu bonso batumbishe Muana bu mudibo batumbisha Tatu. Udi kai utumbisha Muana kena utumbisha Tatu wakamutuma.

Yowanane 5:44

Nuenu, badi batumbishangana, badi kabai bakeba butumbi budi bufuma kudi Nzambi nkayandi, nudi bamanye mua kuitabusha munyi?

Yowanane 8:49

Yesu wakandamuna ne, Tshiena ne demon munda, ndi ntumbisha Tatu wanyi, nuenu nudi numpetula.

1 Korente 4:5

Nunku nulekele kulumbulula malu ku mpala kua tshikondo atshi, tô ne halua Mukelenge, neasokolole biandi malu masokoka a midima hatoke, neamueneshe biandi meshi a mu mitshima; hashishe butumbi bua kudi Nzambi nebuikale kudi muntu ne muntu.

1 Petro 1:7

bualu bua kuteta kua ditabusha dienu, nasha ditetshibua ne kahia, didi ditamba ngolo udi ujimina mushinga mukole, nekusanganyibue ne butumbi ne dinemekibua ne buneme halua dibuluibua dia Yesu Kilisto.

Balombodi 9:10

Mitshi yonso yakambila mutshi wa nfigi ne, Lua biebe, ubukokeshe.