1 Samuele 2:14 - Mukanda wa Nzambi Dihungila Dikulukulu ne Dihungila Dihia-dihia 2003

¹⁴ wakatua mu luesu anyi mu dilonga anyi mu luesu lunene; ne muakuidi wakadiangatshila munyinyi wonso wakakuata ku nkalafa. Bakenzela Bena Isalele bonso nunku bakalua ku Shilo.

MUKANDA WA MYIDI MUKULU

¹⁴ utua mu tshintu tshivua ne munyinyi (mu dilongu nansha mu luesu lunene). Munyinyi onsu uvuaye wambula ku nsomu awu, uvua utuadila mutuangaji. Ke muvua bana ba balume ba mutuangaji Eli bakengesha bena Izrayele bonsu bavua mu nzubu wa Mvidi Mukulu wa ku Silo nanku.

1 Samuele 2:14 ပူးပေါင်းရင်းမြစ်များ

Yeshaya 56:11

Mbua idi ne lumpukusu kabidi, kayena mua kukuta; ne bantu aba badi balami ba mikoko badi kabayi ne meji. Buonso buabo bakuhingana bua kuenda mu nshila yabo, muntu ne muntu udikebela luhetu luandi, kakuyi muntu udi kayi wenza nunku.

Lewitiki 7:34

Bualu bua meme nakangata tshiadi tshidibo banyukula ne diboko didibo bakuha munkatshi mua milambu ya Bena Isalele, nakabifila kudi Alona muakuidi ne bana bandi balume bu bituha biabo tshiendelele.

Mika 3:3

nudi nudia munyinyi wa bantu banyi, nudi nubula dikoba diabo, nudi nutshibula mifuba yabo, nudi nubakosa mahunda mahunda, bu mudibo benza munyinyi wa kuela mu luesu, ne munyinyi wa nyama mu tshifuadi.

Malaki 1:10

Nakadi kusua bua muntu wa munkatshi muenu inshile bibi bia ku biendelu bia mu ntempelo bua nuenu kanutemeshi kahia ha tshioshelu tshianyi tshianana! Yehowa wa misumba udi wamba ne, Tshiena ne disanka bua malu enu, tshiena ngitabusha mulambu ku tshianza tshienu.

1 Samuele 2:13

Bakuidi ba bantu bakadi ne tshilele tshiabo bu nunku ne, hakalua muntu yonso ne nyama wa kushiha bu mulambu, ne hakadi munyinyi eu usaba ha kahia, muhika wa muakuidi wakalua ne nkalafa udi ne menu asatu mu tshianza tshiandi:

1 Samuele 2:15

Bulelela, diambedi kabayi banze kuosha dianyi, muhika wa muakuidi wakalua, wamhila muena mulambu ne, Umpe munyinyi wa kuanyikila muakuidi, bualu bua yeye kena musue munyinyi uwakalamba mu luesu, udi musue munyinyi mubishe.

1 Samuele 2:29

Nudi nudiata milambu yanyi ya kuosha ne bintu bidibo bafila kundi binakanuelela mikenji yanyi bua bualu buabi, ne udi utumbishe bana bebe ba balume ku mutu kuanyi bua kudidiundishabo ne bintu bidi bitamba bulengele bia milambu yonso ya bantu banyi Bena Isalele bualu kai?